سيب رأيك بعد ما تقرأ يا رايق.❤️
__________
في اليوم التالي استيقظ "عمر" قبل الموعد المحدد مع ملك، نزل إلى الأسفل ليجد والدته تضع الإفطار على الطاولة، فصاح بمرح بينما ينزل الدرج حيث والدته:
"ماما انا عاوز اقولك حاجة بس متقولش لبابا"
نظرت له "هالة" والدته باهتمام ثم أردفت بثقة:
"أنا اقول لابوك طب تيجي إزاي ، قول أنت بس وملكش دعوة"
ضيق "عمر" جفونه بشك قائلاً:
"كل مره بتقولي كده وبتسوحيني بس معلش هقولك وأمري لله أهو أي حد أشاركه فرحتي وخلاص"
تنفس بعمق ونظرات السعادة بادية بوضوح على وجهه ليتابع:
"عارفة أنا صاحي بدري ليه؟"
"أكيد مش مجتهد ورايح الشغل"
همست "هالة" ساخرة فوافقها "عمر" الرأي قائلاً ببسمة بلهاء:
"أكيد لا يعني أنا رايح أوصل ملك الجامعة"
رمشت عده مرات تحاول تذكر وقع الاسم على عقلها لتتسائل:
"ملك مين!"
أردف "عمر" بحاجب مرفوع ونبرة مستنكرة.:
"إيه يا ست الحبايب أنا أعرف كام ملك يعني
ده انا لسه قايلك إمبارح ، ولا أنا كنت بحلم ولا إيه!"
صاحت "هالة" متذكرة.:
"آه اللي عاوز تخطبها."
"مالها اللي عاوز يخطبها يا هالة ، رجع في كلامه ولا إيه ؟! "
قاطعهم "الأدهم" من خلفهم ، يضع يد في جيب بنطاله الكلاسيكي والأخري يمسك ببعض الأوراق..
نفت "هالة" ببسمة متوسعة قائلة:
"لا يا أدهم ده رايح يوصلها الجامعة"
همس "عمر" من بين أسنانه بضيق وندم وحاول التبرير.:
"هتخشي النار حد يكدب كده، لا يا حاج ده انا صاحي بدري للشغل، أصل أنا بحب الشغل جداً، حتى أسأل أحمد "
رمقه "الأدهم" بشك ثم أردف بهدوء تام.:
"أنا معنديش مانع إنك توصلها بس تكون في الشركة على معادك بالدقيقة، أنت ناسي إن مخصوم منك 3 شهور وأسبوع "
أنت تقرأ
اناتولي (مكتملة)
Romanceمن أصدق عِبارات الحُب،عندما تُحب إنساناً ولا تعرف لماذا أحببته." قد تبدو لك البداية سلسلة لكن ما خُفيَ كان أعظم ماهو الحب برأئيك..؟ "عندما تشعر أن أنفاسك ثقلت حينما يمر طيف محبوبك في ذاكرتك وخفقات القلب أصبحت تُقرع مثل الطبول مخترقة عظميات صد...
