اناتولي (مكتملة)

PART12(أُخوة صادقة)

 "وقف امام غرفة القائد متردد في الدخول ، ظل بضع ثوانٍ يحدث نفسه بشرود."

ادهم:تفتكر القائد عاوزك ليه يا ادهم ها عملت ايه مصائب جديدة ، او يمكن حد اشتكاني.! ، لا لا ان شاء الله هترقي او هتكدر مش متأكد.

"بعد هذا الصراع الداخلي الذي دام ثوانٍ قرر قرع الباب اخيرا ، وصل إلي مسمعه صوت من الداخل يسمح له بالدخول.. دلف إلي الداخل ليؤدي التحية ويقف مستقيمًا."

القائد سراج:إرتاح يا سيادة الرائد

"إستجاب للأوامر ليشابك يداه خلف ظهره ويرتاح في وقفته.
تابع الأخر حديثه بنبرة جادة لكن لينة."

القائد سراج:جرحك عامل ايه الوقتي.؟

ادهم:كويس يا فندم

"أجاب بإختصار ولا يزال يحافظ علي ملامح وجهه الآلية."

القائد سراج:شايف انك تقدر تستجيب للمهمة الجاية علي اكمل وجه ولا تاخد اجازة

ادهم:ان شاء الله هكون عند حسن ظن سيادتك يا فندم

"اومأ الأخر بتفهم ثم أردف بفتور."

القائد سراج:والدتك قلقانة عليك يا ادهم وكلمتني اقنعك انك تاخد اجازة لانك من ساعة ما إستلمت الخدمة مخدتش اجازة غير يوم وفاة والدك اللواء مراد الحفني

ادهم:بعتذر يا فندم انا هتكلم مع والدتي

القائد سراج:علي العموم لسه قدامك وقت تنسحب من المهمة دي

ادهم:شكرا يا فندم ، تسمحلي انصرف..

القائد سراج:اتفضل

"أدي التحية ليخرج ويغلق الباب خلفه ، إلتفت ليرحل ليجد سيف في وجهه.."

سيف:حصل ايه ها

"أردف بحماس ونبرة تحمل شيء من الشماتة فأردف الأخر بجمود."

ادهم:مفيش حوار كده هبقي احكيهولك ، سيبني اروح الوقتي عشان تعبان وعاوز أرتاح.

"نظر له الأخر مثل جرو برئ ثم أردف."

سيف:مش هاجي معاك ولا ايه

ادهم:تعالي يا سيف وبات معايا كمان لو تحب.

"قفذ بساعة ثم سار ورائه بحماس."

سيف:كنت عارف ان قلبك طيب ، ماما هتتبسط اوي لما تشوفني."

"توقف الأخر عن السير ثم إلتفت له وأردف بنبرة جادة."

ادهم:لا في دي معاك حق ، بس اوعي تجيب سيرة المهمة الجاية ولا تتكلم في تفاصيل عشان مبلغش عنك.

"نظر له الأخر بحزن مصطنع ثم قال."

سيف:يعني اكدب علي امي ما افرض سألتني.

"رفع الأخر شفتية بإستهزاء ثم أردف."

ادهم:ايه الولاء اللي انت فيه ده يابني الله
لو قولت حرف واحد هسيبلكوا البيت وامشي مش هتشوفوا وشي غير بعد ما المهمة تخلص
ويا تخلص ونرجع سالمين..يا تخلص وننول الشهادة