Unicode💙
ကားပေါ်မှာငိုနေတဲ့ စင်း ဘက်မှန်ကနေ ယသော့်ကိုကြည့်တော့....
သက်ပြင်းတွေသာချနေတဲ့ ယသော်...သူဖြစ်စေချင်ကတစ်မျိုးဖြစ်လာတစ်မျိုးမို့ သူဘာဆက်လုပ်ရမလဲပင်မသိ။
ယသော်တစ်ယောက်စိတ်ကိုအတတ်နိုင်ဆုံးစုစည်းလိုက်ကာ ကားထဲကိုပြန်ဝင်လာလေသည်။
ယသော့်ကိုမြင်တာနဲ့ စင်းကမျက်ရည်တွေ ကပျာကယာသုတ်လိုက်ပြီး ဘာမှမဖြစ်သလိုဆက်ဟန်ဆောင်နေ၍
ယသော်က ဘာမှမပြောဘဲ ကားကိုအိမ်ပြန်လမ်းသို့ မောင်းနှင်လာခဲ့လေသည်။
အိမ်ပြန်ရောက်တော့..ဒေါ်နန်းထိုက်ပန်းနဲ့ ဟန်နီမင်းမော် တို့ကစောကာ ပြန်ရောက်နေကြသည်ဖြစ်သဖြင့်
စင်းတို့ပြန်လာမည်ကိုစောင့်နေကြသည်။
“သားကြီး..နောက်ကျမယ်ဆို...”
“အင်း အခုနောက်မကျတော့ဘူးလေ..”
“သားငယ်နဲ့သားကြီးဘာဖြစ်လာတာလဲ”
“ဘာမှမဖြစ်ပါဘူး အမေရဲ့ သားသွားနားတော့မယ်’
“အင်းအင်း”
ယသော်က အိမ်ပေါ်ထပ်ကိုတန်းတက်သွားလေပြီး ကျန်ခဲ့တဲ့စင်းကိုမေးကြည့်တော့လဲ စင်းကဘာမှမဖြစ်ဘူးသာဆိုနေလေ၏။
နောက်နေ့မနက်ရုံးတတ်ချေတော့...,
စင်းနဲ့ဟန်နီ အထပ်(၁၇)က သူတို့ရဲ့ကိုယ်ပိုင်စားပွဲတွေဆီသွားကာ အလုပ်စလုပ်ချေတော့မည်။
စင်းကသူ့ခုံမှာ ပစ္စည်းတွေတင်ပြီးထိုင်ပြီးချိန်..
“ဟယ်...ငါ့မောင် အစင်း”
“ဗျာ မကြည်နူး”
“အမယ်လေး နင့်ရဲ့နာမည်များခေါ်လို့ကောင်းလိုက်တာနော်...အစင်းတဲ့...ငါ့နာမည်များ ‘အ’ ထည့်ခေါ်ရင် အကြည် ..အနူး..အမေ တဲ့ကောင်းရော”
ကြည်နူးမေ စ လို့ စင်းသဘောကျကာရယ်မိသွားလေသည်။
“မကြည်နူးကတော့ နောက်ပြီဗျာ”
“အမယ်လေး ငါ့မောင်ကို စနေတာနဲ့ ပြောဖို့မေ့တော့မလို့”
“ပြောလေ မကြည်နူး’
“Boss က ငါ့မောင်ကိုအလုပ်လုပ်ဖို့ဌာနပြောင်းလိုက်ပြီ”
“ဟမ်!!!ဘယ်ကိုလဲ”
မနေ့ကမှ စ၍ ရန်ဖြစ်သည် ဒီနေ့စ အစွမ်းပြချေတဲ့ ယသော်။သူ့ကို ရာထူးပြောင်းထားလည်း တစ်လမ်းလုံးကားတူတူစီးလာတာ ပြောလို့ရပေမဲ့မပြော။မကြည်နူးကို ဓားစားခံ လုပ်လေသည်
YOU ARE READING
My Boy Is An Affluenza(ငါ့ကောင်လေးက ပိုက်ဆံမက်တဲ့သူ)
RomanceNo 18+ in this fiction💙✨ "ယသော်ရာကျော် ဆိုတဲ့ငါ့ဘဝမှာ လက်ညိုးညွှန်ရာရွှေပဲ" 'ယသော်ရာကျော်' ငွေဆိုတဲ့ စကားပြောတဲ့ သက်မဲ့ကို အချစ်ဆိုတဲ့အရာက ကျော်လွန်နိုင်ပါ့မလား💙 "ယေသာ္ရာေက်ာ္ ဆိုတဲ့ငါ့ဘဝမွာ လက...
