بنات نادر والقدر...
🖋️بقلم. زهره الرمان....
عمه گومي. هاي مرت أحمد جوا.. تبجي وجايه بطرگ الدشداشه ومالابسه حتى ربطه جوا
_ياااا عزا العزاجن ووين احمد
نزلت.... شبيج ولج جايه بالهمغرب وبلا لا ربطه ولا عبايه.... ورجلج وييين
عمه اجيتكم لان احمد طردني وشبعني ظرب وما خلاني ادخل قفل البوب عليه وخلاني بره اتوسل
لكن ماقبل وانتم أقرب شي عليه..
_وشمدريني حجيج صدك...
_عمه ابنچ. سكررران واحجي بهدوء ماريد نسوان حمويني يسمعون ولو مسويات نفسهن يفترن لكن اذنهن يمي
بااارده وشتا ومن غربت صارت ابرد
ومغطيت شعري بكبوس الدشداشه
والضربات يوجعني انتبهت راسي بارد راحت عمتي وادردم وتحجي. بصوت ناصي وييين اولي واخلص من مصايبكم
راحت واعرف تضوج مني لكن وين اروح.. مديت ايدي ع المكان البارد ع راسي لكيت الدم ينزل من راسي ولو كل مكان براسي يوجعني توقعت كدمات لكن من شفت الدم عرفت ضربه فاتحه راسي هاي اكيد بالدولكه البيها الثلج طلعها من المجمده ومن تعارك وياي
ضربني بيها
ايدي مليانه دم واني جسمي يرجف وعمتي راحت جوا كاعده وحدي بالصالة شلون المجديه عدهم محد مر وكال شبيج
بقيت والعبره خنگتني
ضرب احمد بجهه يوجع ووجع ذله عيالي... الي اشوف بعيونهم اليتشمت
لو اول ما دخلت شافتني زوجه حماي
وسألت شببج بعدني اريد احجي كالت او عليمن تحجين اكيد عركه جديده انتي وأحمد وأخذت ابنها لان وكف يريد يسلم عليه وهي سحلته وصعدت ع الدرج وتلاكت وي زوجه حماي الأخ.. بصوت ناصي لكن سمعتها من كالت
اجت المسعده يوميه هزي يا نخله رطب مانرتاح عزلوهم وبعدها ورانا
زوجه حماي الثانيه هزت ايدها ورجعت صعدت اصلا ما نزلت بس من فوك صاحت ع بنتها تقرأ ع التخم الي اني كاعده يمه
دموعي تنزل وسمعت شلونج خويه
لفيت راسي زين لان عرفت صوت حماي عدنان
_هلا خويه انتبه ع وجهي وعرف......
_شبيج هم احمد مووووو
_وكأن واحد كالي ابجي وعيطي
خويه فدوه لوجهك خلصني بس وديني لأهلي اروحلك فدوه
وعمتي عاطت.... هاااا تردين تعلگيها بين الإخوان انوب
_عمه اريد اروح لاهلي
_تعالي يا ام الاهل خابرت احمد
باجر يجي ابقى الليله هنا فوتي لغرفتي وكافي تونين بوجهه اليجي والراح
كلشي شفنه بدنيانه وتحملنه
_يمممه ابنج سكير ومو بوعيه يضرب بنت الناس..
_يمه يا وعي فدواتك روح هي هاي لو بيها حظ جان خلته يترك الشرب ويصير ادمي لكن شكول نسوان ما بيهن حظ
روحي روحي حصان بيت شميل
هسه دخلت لغرفه عمتي. والدم ابد ما وكف... بدلت بثوب من عمتي وبردت حيل.. شويه واندك الباب حماي اجه وجايب بنت حماي جبيره ممرضه
_فوتي عمو ضمدي عمتج
_بعده واكف وبنت حماي رادت تضمدني كالتله روح عمو راسها يحتاج خياط
طلع منا وبعدها تعقم بالجرح وسمعت عياط وهوسه عدنان وصوت احمد يعيط بصوت عالي وينها الگح. ....
والفاظ بذيئه واسمع عدنان يصيح عليه انته سكرران روح ونتفاهم بعدين
وعياط وغلط بينهم بنت حماي كالت اثبتي كاعده اخيط براسج
اووف ولا احس بوجع خياط راسي ابد تايه وي وجع الجروح الباقيه والخوف المالي گلبي من أحمد وخاف يعلگ وي اخوه
انفتح الباب واني گمزت من مكاني من الخوف.......
مساؤكم موده وراحه البال
هذا مشهد من قصه حقيقيه بكل تفاصيلها....
اذا عجبكم صوتوا وادعموني حت اتشجع لاكمالها ممتنه الكم مقدماً
اختكم زهره الرمان
