مساء الورد والياسمين كيكاتي..
بنات نادر والقدر بقلمي زهره الرمان.....
هناك اخطاء تنتضر منا فرصه ثانيه.. لها امل الغفران...
وهناك اخطاء لاتنتهي بل.. تخلف وراءها الندم والخسران...... لا تعود بالاعتذار ولا التصحيح لأنها ببساطه هشمت أجزاء لاتعود...
_دعاء :اخذت القلم عن الكاتبه اسولفلكم عن دعاء....
من صغري واني احب اكتب من صغيره كولش اكتب فوك سريري بحيث الحايط مليان كتابات ورسوم عن أي شي اشوفه او احبه....
ما اتذكر ملامح امي وميمه بطه احس هيه الام بالبدايه لكن من دخلت بحياتنا خاله رحاب وقبل زواجها من ابوي
حسيتها هي امي
بموقف صح اني بوقتها كنت صغيره لكن بقى محفور بذاكرتي...
من اكتب ع الحابط وشافتني
خاله رحاب
وقرت اني اريد بوقتها.. جنطه وألوان واقلام ودفاتر...
ورسمتهن ع الحايط
ثاني يوم صبغت الحايط وجابت الوان ودفاتر واقلام..
انمسحت بوقتها مو الحايط لا ذاكرتي بقت بس خاله رحاب بذاكرتي من بدت تعلمني وادرسني وتعلمني هواي اشياء هذا صح وهذ غلط
حبيتها وحسيت هي امي
امي بصدق مو من اتزوجت ابوي...
كلما البنات يحجون عليها ابچي لان ما يشوفون الاشوفه
اشوف شلون تتوسل بأبوي حت نرجع للمدرسه وابوي رافض
وهم من اشترت شفت ابوي يكوللها اقتصدي بالملابس وهي متقبل راحت وباعت محبسه واني وياها اشترت ملابس مدرسه ومستلزمات النه لوحدها راحت لان مقبلت تشتري من الرخيص
ونصا سمعتها تكول لأبوي. ذني مراهقات وفاقدات امهم يحز بنفسهن كولشي اذا انحرمن ما تروح منهن غصه الحرمان من كولشي عاد يفرحن بملابس زينه مثل موديل صديقاتهم وهنه متاخرات سنه راح يأثر ع نفسيتهم
ابوي مكان ملم بسوالف البنات. لكن ما يمنع هوا حنين لدرجة مو معقوله علينا
لكن خاله رحاب دومها تفكر خطوه لامام عن ابوي
عقل يفكر باربع اتجاهات.... لذلك احتوت كل شي صار بينا لان ذكيه
اني بالنسبه الها بنتها
لكن من دخلو بنات اخوها وبنات عمتي الي اكرهم اكره عمتي منى واكره أولادها لان ابد ما يشبهون ابوي ولا هيه عمتي مثل محنه خاله رحاب علينا
واسمع واكتب كل كلام عمتي وكلما اكبر بديت افهم شنو معناه واحقد عليها وع أولادها.. و الزاد خاله رحاب بقتغ تهتم بيهن ببنات اخوها وبنات عمتي
واني احس تنسى اشياء كانت مسويه جدول اليه بيهن
اول مره كنت اذكرها وراها بقيت اتعمد ما أكلها
بدت الغيره تاكلني
لكن الزاد ابوي هم بدا يصير نوار كل حياته ولا بقى مثل قبل او تصوري هيج كان عاميتني الغيره...
لكن من راح بابا
احس كنت بجبل واندفعت لآخر الأرض ارتطمت بصخره الوحده....
أصعب شعور يحسه البشر ان حواليه الف انسان وهو يحس وحيد
استمريت اكتب
واستمريت مثل من الطفوله ألجأ لحيواناتي احجي وياهم
لان اخواتي كل وحده شخصيتها تختلف عن الثانيه عذراء تفشلني من اشكيلها
عن شي وتكول تتدلعين
