عايشلك بكيف الغرب بس ميت بكيفك .
مساء الورد والياسمين كيكاتي 🌹🌹
-------------بنات نادر والقدر بقلمي زهرة الرمان...
_خير فلاح مراح اخلص من لسانك
_لج رحيبه هالمره ولدي
هاا تمشين سوك بنات رجلج
_الزم حدودك اخوي الجبير وكلامك ابد ما يخلي احد يسكت فلا تحجيني
وكفت وطلعت من الصاله مردت نادر يسمع وينقهر وهم ردت اعرف الموضوع
حاب تفهمني لو تبقى بتحكمك وعصبيتك وكأن الناس عندك عبيد
تره كبرنا وعيب هيج خلينا عاد واجهه كدام خلق الله منظر بس من الشماته لان انت اخوي ف فهمني
_خواج البين ان شاء الله ودفعج ببلوتين مثل ما تبليني
ولج ساقطه سحبتي الولد وشغلتيه ببيتج وانوب تقشمرينا وتحلين بعيونه بنات رجلج الله اليعلم شنو من بنات
وتغرريله
وهم عدج لسان
ولج لو ما سمعنا وعرفنا مصايبج القديمه قشمرتولكم واحد واجرتوله محل وخليتوه يتزوج وحده من بنات رجلج وانكشفت ع حقيقتها وهالطلگت
وانوب التفيتي ع رضا عبالج يهل مو لان مقشمره ولدي ربيتكم ما ربيتكم غما من ربا اكشر
_ليش ما تسكت منين جبت هالكلام فهمني منو كالك هالكلام ومنو اصلا ينطي من بناتي
والوصلك كلام عن طلاق بنتنه هذا واحد لا ذمه ولا ضمير بلا حظ وبخت
. وابنك عدك فهمت اذا هيج تحب ابنك وحريص مثل البشر اصرف عليه
مو تخليه يفرفر وبعدين اطلع لسانك غيرك يتمنى مثله طيبه وأخلاق وتعب ع دراسته بذراعه طلع طب أسنان بلا مجهود منك
واذا تلوم رايد من بناتي ف ياريت رضا انطي لكن لا امه فردوس ولا انته ابوه لذلك... بعيده بنتي عنه مثل السما والگاع
_ الظاهر جلدج يحكج ونسيتي ايام الكتلات تره اكدر اجيج وربج اكسرج تكسر ولا اخلي عظم صحيح..
سديت الفون واني احترك گلبي من رضا
دخلت ردته يكمل اكل لهيت نفسي واني بداخلي عندي شك عينه ع اسراء
لكن اغالط نفسي
_تعال رضا وراي للاستقبال
_الله يرحمك
_ها ابو حوراء الله يرحمني الظاهر مجربين الدعوه للاستقبال
_لا ابشر بس فيش وتشبيه وتحقيق جنايات وكم كلمه شديده اللهجه
_اكعد رضا
_عمه من هسه اكولج ابوي معليه اني بيه
_شفهمت ومعليك انه اريد تفسير للي كالي ابوك عليه
شنو حاجي الهم ع البنات شيء
_ها مو عمه اني ردت شي رسمي
_رسمي بشنو رضا
_ عمه ردت اخطب منكم اسراء
_اي حبيبي ليش لا المهم حجيت وياها مو
_عمه وين اكو ولا تتفاهم وشايله خشمها
_لا لا ابدا ما عدها لباقه شنو هاي
المفروض تفرش الأرض ورود لحضره السلطان رضا
