بنات نادر والقدر:
جلنار الكاتبة:
_14_
لا يورد لا حطب لا طب يصير!
هواي وادم مثل عاگول سݘݘ!
مساء الورد.. كيكاتي🌹🌹🌹
بنات نادر والقدر
بقلمي زهره الرمان
"" "" =_____==""
عام رحل بكل ما فيه من خير وبلاء
ووباء وفقد وحزن
نسأل المولى عز وجل أن يغير ع قلوبكم من كل حزن أفراح ولكل فقد جبرآ لخواطركم وأمل محقق ورزق دائم....
وقربا لله...
عام خير وبركة عليكم كل عام وانتم بألف خير وصحة وسلامة 😘🌹🎈
✨1/1/2021✨
تمشي السياره ولا باوعت بوجهي غراب ابد بقت تباوع من الجامه ومتكا ايدها ع الشباك
واني ماعرف وين رايحين
شويه وكالت نازل
نزلنه
بباب مستشفى دخلنا واني أكرر الكلمه خاله ما بيه بنت حماي ضمدتني
لكن ما تنطق ساكته
دخلت كصت باص واخذتني دخلنا ع طبيب عمره فوك الأربعين
_دكتور هاي بنتي متعرضه للضرب
من قبل زوجها واليوم خلصتها باعجوبه منه
يسكر ويضربها
ممكن تكشف عليها
وكف يريد يشوف آثار البوجهي
وبعدها سأل اكو جرح بابا أشرت براسي اي وخليت ايدي ع مكان الجرح براسي
طلع واجت طبيبه وياه فتحو الربطه وبدو يفحصون ويحجون بالانكليزي
ويقو يسألون ب غراب وتنطيهم تفاصيل
وكبت الطبيبه
_يعني تزوجون بناتكم أطفال ويتعرصن للعنف والضلم وبعدين من تتحطم وتكبر فوك عمرها بمسؤولية عشرين سنه
تعالو الحكونه المثلها هسه تحضر للعام الدراسي
شكد عمرج ماما
رح ادخل ب 18
_هااك
التفتت الطبيبه ع غراب
_شبيكم ماعدكم خبزه
وزوجتيها
بقت ساكته وهمه مخلو كلام مكالوه وهي تريد بس تقرير ومحضر شرطه
لكن صدوك احترك گلبهم عليه
_طلعنا واني اتوسل بخاله خلينا نرجع للبيت احمد شراني خاله
_اي يصير شراني لان لكا فريسه سهله
شنو المخوفج اسسس
وامشي... اتوبه من بنات العوائل حتى بعد يتوب ما يروح لوحده بنت عائله ويورطها وانتي بعدين حسابج
بالبيت
طلعنا لبيت عمه نهله وسولفت غراب ل عمه نهله وخال بابا وكانو بوقتها راجعين من شهربان بعدما مبشرتهم غراب بأن قضيه ابوي صارت ما ينخاف منه
رجعو
سولفت كولشي وخلتني احجي كل الصار قبل هاي العركه وكولشي حجيت بين ملامه وبين عصبيه أمير زوج عمه ويريد يروحله
لكن غراب كالت لا مانريد يضيع حقها
ندينه بالشرطه وهذا تقريرها بيدي لكن اني نادر ذمم عليه ما ادخل مراكز شرطه او سجون وما أكدر اكسر كلمته لهذا طلبت من
أمير يتبنئ الموضوع اخذ التقرير
