تمر بيه بصلاتك طيش
أنه اول مسجد انحطيت
مابي كل شخص صله
مساء الورد والياسمين كيكاتي 🌹🌹
_بين حچايات الگلتهن الها... گالت خايفه بين دموعها.. كلمه .. حسستني انه وحش...
مكدرت ابقى بالغرفه احس حياطينها بثواني عصرتني
طلعت وللسطح بوجهي مردت احد يشوفني
بارده الدنيا وانه احس نار بظلوعي
مو انته قاسم التظلم ولا انته الي تقابل البشر بالمثل.... اذا هيه طايشه علمها مو تجرحها وهي قبلت بيك وانت متزوج. يجوز تريد تبدي صفحه بيضا وياك لازم تنطي... فرصه.. كل بشر محتاج فرصه ثانيه.... اكثر من ساعتين اخذ السطح واجيبه افتر وبس اضويه بعيده
وانه حاير بأمري.....
نزلت بعدني ع الدرج المطل ع غرفتي لگيتها فاتحه الباب شويه وتباوع باتجاه السطح اكيد عرفت فوك اني من فتحت الباب يسوي صوت قوي
بس عيونها طالعات وطرف ثوب العرس الأبيض.....
وصلت قريب سدت الباب
دخلت كعدت ع الجربايه،، كعدت يمها
من شنو خايفه
ماترد
. حوراء جاوبي من شنو خايفه حاچيني
_مممنك
_مني وضحكت شنو بعبع اشو انداري عليه
التفتت عيونها حمر ووارمات من البچي
لكن عجيب زايد لوجهه البچي حسن فوك جمالها رغم ماسحه المكياج شفتها احلى بدون مكياج بهواي
حوراء لاتتخيلين بيوم اخلي احد يأذيج او يتجاوز عليج لكن بالمقابل. لازم تحفضين غيبتي وحضوري ما اريد منج شي غير أن تكونين.. ناضجه.. وسوالف المراهقات ابد لا تسويها
هم بچت
شنو القضيه تره مرمرتيني ع شنو تبچين
_لاننننن انته ما تصدك مالي ذنب بالصار وما عندي شي والله ولا اي علاقه بأحد
_متااااكده حوراء
_وروح امي
_ما اصدك بالحلف لذلك خليني اصدك بافعالج
وهسه كومي بدلي يلا بقت تتلفت
رحت وتمددت ع السرير وانداريت ع غير جهه
حسيت تاخذ ملابس وماعرف شنو تسوي فتحت عيوني ميز التواليت مقابيلي وبيه مرايات زغار مخلين يعكسن ع جهه الكنتور
شفتها تباوع عليه وجسمها مندار عليه
وايدها اطلع ملابس لكن متشوف الطلعهن
سحبت ثوب
والخاولي ع الزاويه اخذته وتريد تطلع لان الحمام برا مقابل الغرفه... واني اجتني الضحكه لكن تركتها لان بالها يمي فتحت الباب ع كيف وراحت
شويه وكعدت ثول اخذت دشداشتي
بقيت شويه هسه اشوفها َترجع تغيرها ماكو
تأخرت رحت وراها دكيت الباب عاطت لكت بصوت ناصي
منووو
_اني يمعوده
_شتريد روح قاسم
_ما رايد شي بس انتي كملتي
_اايييي كملت
_لعد ما اطلعين
_هههسسسه
_لبستي لو بعدج
_بعد ي
_شمنتظره
وصوتها يرجف
مو وو
. _مو شنو
_ماكو شي
_خوش اني رايح للغرفه
لكن مرحت اضحك عليها شلون لبست دشداشتي تصير عليها ثنين
