صخر صرنه وتركُنه آطباع الثلوج ،
بعد منذوب من نسمع حچيهم .. !
مساء الورد والياسمين كيكاتي
بنات نادر والقدر بقلمي زهره الرمان
_صراخ ساميه وتستنجد بالحدقچي مال البيت يوصلها نزلنا
شبيج
_ببببنتي بالمستشفى محتركه محتركه يمه قاسم فدوه اروحلك
اخذتها ورحت بيها للمستشفى اسأل متعرف شلون احتركت ماتدري
وصلنا وزوجها ما موجود بس عمها
سألت وساميه ما خلوها تفوت يمها طبيب
واكفه تصرخ وسألت
شبيها ابو شاكر(ابو زوجها)
_"عمي طگ التنور عليها رجلها يشتغل تعرف يجي اسبوع يلا يجي يومين
وهسه ماموجود جبتها بس كون الله يسترها واطيب
بقت بالمستشفى والطبيب كال حرگها قوي ويم الله ننتضر
رحت واشتريت علاج وخليت فلوس بيد ساميه شويه واجه اخوها سلام
_شوف سلام تبقى هنا يم امك واي شي تحتاجون بس خابر...
_حوراء.....
اداوم يوديني ويجيبني قاسم..
يحاول يتقرب لكن بداخلي اعرف... مجرد رغبه.جسد..اني.. وزوجته وحياته
يم دلال......كملت علاجي وصار موعد. الطبيبه
خالتي اتصلت ع قاسم يجي يحجز
... وحجز مر علينا اني وهو وخاله رحنا للطبيبه من شاف خاله وياي بقى برا
واحنا دخلنا..
كشفت الطبيبه.. بالسونار
كيس مفجور كالت والثاني يحتاج عمليه وطمأنتنه بسيطه وما بيه اي خوف
.. حددت وقت العمليه بعد 10ايام اني ردت ااجلها لكن خاله ما قبلت..
طلعنا وعرف قاسم بالوضع
رجعنا سأل خاله ترجع وياي..
خاله ردت عليه.. بكيفه بعد اذا عاجبها تروح لكن من تسوي عمليه تريد احنا نداريها او انتو بكيفكم
_ها حوراء تروحين وياي للبيت
ها خليني بس اليوم باجر ارجع وياك
_زين..
وصلنا وخاله كالتله الا تتعشى وسوت هيه العشا وكملت كولشي
بابا وهو بالاستقبال ويسولفون بالسياسه والوضع..
تعشا يمنه وسولف ع بنت ساميه ويردون هو وابو مقدام يرحون للمستشفى لان حسب كلام قاسم حتى من خاطبينها البنيه من ابو مقدام يحس هو مسؤل عنها
قاسم.. طلعت من بيت ابو حوراء كلت اغسل وابدل ونروح متواعد وي ابو مقدام نروح للمستشفى ونشوف عم بنت ساميه فتت.. لكيت دلال نايمه
كلت اخليها ولو هسه يلا ب 8
دورت ع دشداشه نضيفه ماكو اضطريت افتح الضوا
بقت تسوي نتنتنتنت
شكو
_شنو شكو دلال اريد ملابس نضيفه ماكو لا داخليه لا دشداشه شنو القضيه شسوين بالنهار
_"اوووه قاسم شوف بالزاويه
