اكشخ بصيت وجاه مو داعي الهدوم
يعتگ جديد الخام بس صيتك يدوم
مساء الورد والياسمين كيكاتي 🌹🌹
_ناادر صدددددك هالكلام لو شنو دا تختبر صبري
_شبيج رحاب مثل هيج مواضيع هم بيها اختبارات... يعني شفت بعيني عمامهم شلون يتشرطون ويساومون يكول بظاعه وكأن همه غربه
شتردين اسكت وانه اشوف شون يستقلون ب مقداد وهو بالأصل الصار بيه من وراي يعني شلون لو قاسم الي بقى يركض وراي لحد ما خلصني من الموت ثم شتتوقعينهم مو شفتي شنو من بشر همه ع الاقل نعرف همه شنو مو انه هم مچوي من عمامي وگرابتي
وشفتي اخوي ابن امي وابوي
باعني
وهمه اشتروني وتحملو مصايب بسببي
_اييييييييييييه نادر رد الجميل بكلشي بس مو بالبنات منو برأيك
_انه كلت ادخلو وتخيروا
لا نادر منيه تصلحلهم ليش عذراء المنتكسه لهسه باحمد ننطيها المن لقاسم ومقداد المن ل حوراء المن بله فهمني
_لا تسبقين الأحداث انه كلت كلمه لكن لا قاسم حجه ولا همام بس ابو مقدام كال والنعم كفو
_وانه ابد ما اقبل سكتت مره وشفت شصار بعذراء ما اريد يتحطمن
اهديهم كولشي بس مو البنات تهديهن.. بناتي خليهن بعيدات عن الفضل مالك ما اسمحلك
_هواي زودتي الموضوع عن حده اهدي شنو كل اليتزوجن هدايا اولهن وتالي يتزوجون وما يلاكن احسن من ابو مقدام وأهله
وثم هاي مال ما اقبل وما اسمحلك تره مو بكيفج بناتي هنه لاتنسين نفسج رحاب
_لا والف لا يا نادر مو بس بناتك
وبناتي اليوم وباجر وعكب وبهالكلام وكفت احسن العبره خنگتني واحس انگطع الهوا
لكن لازم امثل القوه
بناتي لان مو بالاسم المكتوب ع الجناسي تعرف الام ولا الحملت ام ما انكر هنه بنات انفال الله يرحمها. بناتي من خليت الله بين عيوني وعلمتهن كل زغيره وجبيره حتى ما يصيرن عوبات او ما يعرفن لشغل البيت وباردات ويتعايرن او ما يشيلن مسؤوليه بيت
. بناتي من حميتهن وما خفت ع روحي بسجنك
. ايام وانه ابقى سهرانه وما انام اكول اذا احد فات ع البيت يموتني وع جثتي يلا يوصل لبناتي
بناتي من اروح ألم من بسطيات المخضر وانطرد وانتهم انه بواگه ويكسرون ايدي ويشكون عبايتي
ووراها يعرفون منو الباگت لكن بعديش
بعد ما انهنت
وكل هذا بسبب وگفتي الشككت ابو المحل بيه
عباله ابوگ مايدري عزه نفسي منعتني اوكف. لحد ما طشت الناس
واعتذر لكت اعتذاره ما رجع ايدي الورمت ولا عبايتي النشكت
لأن الكسر بالروح والشكوك جروح
ليش لأن ولا فلس بالبيت وحتى فلوس بناتتتتي
ظميتهن بعيد عني حتى لا أضعف واخذ منهن لان مال أيتام
