عليمن حاسدتنا الناس
واحنى الغيض تارسنه
عاشرنا شكثر خيرين
بس كل خير ماشفنه
مساء الورد والياسمين كيكاتي🌹🌹
؛ _اخذت ايد خالي وطلعت استأذنت من ابو مقدام.. اروح للبيت عندي ضيف سلم ع خالي وحلف عشانه يمه
تشكرنا من ابو مقدام
وسألته شلون اتقتل وما عرفوا منو القاتل..
_ابو أمير... نادر ولد عمك بحزب.....
وتعرف الاحزاب هاي الفتره ناس اصفي ناس للمصالح والله يسلمه عمك يزيد بالاذيه وكأن معمر الف سنه
زادوا اعدائه.. ومع الأسف صار الضحيه شاب بدايه عمره...
ومنى متخبله ع ابنها من راحت نهله الها
. تسأل عنك.... ونهله لان عدها مصاب سكتت لكن وراها اتصلت ونهله موجعتها بالكلام.. كايلتلها هسه تذكرتي نادر روحي ل عادل
. وطلعت عادل متصله عليه يكللها ذبي اولادج ع ابوهم وتعالي اخليج ع راسي
ومنى متخبله انه اريد اترك رجلي من اذيته اليه ولاولادي وهو يكلي ما الفي اولادج...
لعد ع شنو اريد اترك رجلي
_واذا عادل ما انطاج وجهه كلتي اي خلي الگلب نادر يتقشر بدمعتين دومه شايلنه ششاف منكم نادر حت الج عين تردين تلجأين اله شبع ضيم ومحد اله وحيد بقى الله ينطي الغربه خاووه مو جن عشيرته تسد عين الشمس
.
وتعاركت وياها وهسه هيه يمنه بالبيت اكلت روسنا تريدك انه ما انطيتها كلمه عليك
لكن امر دنيا لازم ابلغك
_زين سويت خالي مشكور.. فتنه للبيت
اني اصلا خابرت رحاب انطيتها خبر تسوي غدا
تلكتنا ومكمله الغدا...
دخلت المطبخ والبنات كلهم بالدوام بس ازل ونوار يساعدون رحاب
. خالي فات للحمام يسبح وسولفت لرحاب
سكتت شويه وراها كالت لا تنطي لخالك كلمه هسه يتغدى ومن ينام نتناقش بالموضوع.. وترجعله خبر
بالفعل دغدينا ورحاب كالت ل لخالي اكيد تعبان ابو أمير فرشتلك تنام شويه دخلته ينام ورحت لغرفتي لرحاب
_هاا رحاب اختي بضيگ زوجها مأذيها وتريد تجي يمي
_انته اخوها وهذا امر واقع ان كانت زينه او شينه او بيها عيوب الكون تبقى حملها وعيب حاجتها عليك وعيب تبقى يم بيت خالك انته أولى روح جيبها وبعدين نشوف شنو نيتها تبقى تتطلك تريد
_رحاب انتي اكثر الناس شفتي الصار بسبب بيت عمي وسبب اخواتي وطمعهن وما حللن ولا حرمن... لكن ع كولتج عيبهن عليه.. نشوف
بليل اجه ابو مقدام واخذنه عزم خالي رغم مقبلت لان همه تعبانين من سالفه الصارت بيهم لكن ابو مقدام هو أبو مقدام
رده... بيت حجي حاچم يزيد ماينقص حلاله مو الا يالله ضيف اخونا نادر واول
جيته لبيوتنا...
تعشينا يمهم وحوراء وعذراء اجن وسلمن ع خالي....
ثاني يوم طلعنا.. لبغداد لبيت خالي
منى موت ابنها كاسرها.... وحده ثانيه...
رمت نفسها بحضني وبدت تبجي بحركه
