أمشي ويه الهوى چن بيدي شمعة
مساء الورد والياسمين كيكاتي 🌹🌹
___بنات نادر والقدر بقلمي زهرة الرمان
_خاله نايمه لاتسمع شكو
_شمدريني سدي باب الصاله ودكي الباب ع بابا
قبل لا ندكه طلع بابا
_"وين خالتجن
_"بغرفتها نايمه
_روحي جيبي محفضتي بلا ما تحس
رايح للمستشفى واذا سألت كوليلها راح بيت ابو أمير
_"بابا شصار
_بنبتي متخربط ابو ازل خطيه
ومنعرف شنو صاير
راحوا بابا ورضا وخاله العمليه مالتها بعدها جديده وتأخذ علاج
لليل يلا فزت خاله وسألت ع بابا
وما جاي بعده كولنالها يم بيت عمه نهله
لكن هيه راسا اتصلت عليه
قطعه
شويه وفات بابا
_"وين جنت
_ببيت خالي
_شكو
_ماكو شي بس شفت خالي ماله خلگ
سويتن اكل لخالتجن
_بلي يابه
_ديلا صبن الي وياها وخلني اني اوكلها
_"احم احم نحن هنا
_سريوه روحي هي هنا شنو عضم بالزردوم روحي وأخذي بيدج الباب
_نادر شوكت راح رضا
_من زمان بقى شويه وراها راح
من بابا خلص عشا وفات للمطبخ سألناه
_ها بابا شبيه ابو ازل
_بابا صاير عنده انسداد بالحالب وهو جهازه المناعي الضاهر ضعيف واكتشفو عنده
غده معارفين شنيه بالمثانه والله اليستر
لاتكولن لخالتجن.....
يوم وره يوم مستمرين بالدوام وخاله بدت تتعافى وعرفت باخوها وبقت تروح وترجع عليهم بابا ياخذها بيده باليل ويرجعون يخاف عليها وره العمليه
وخاصه اعتنئ بغذاءها حيل رادها ترجع مثل قبل
ببدايه الامتحانات وفترتها إنذار علينا لا تلفزيون ولا اي شي تگابلنا وتكعد خاله
رغم مراحلنا مو منتهيه لكن هيه وسواس نضافة ودراسه
... اندك الباب وبابا فتحه عرفنا احد فات للاستقبال
اجه وهي يمنا
_رحاب هذا رضا اجه يريدج
_ياشعنده
_شبيج عيب
_وكفت والتفت ع البنات حذاري وحده تغير مكانها فهمتن هسه ارجع
وامشي وياي نادر
يعني فتره امتحانات وما اروحلهم شجابه
_شلونج عمه
_هلا رضاوي خير
_تكعدي عمه
_شو ولك اليوم حجيك جدي شنو صاير عاقل
_عوفج. مني عمه اريدج تروحين وياي لبيتنه
-خير شكو
_عمه صارلج شهر او اكثر ما تمرين
_يعني هذا الجابك رضا
