چنت عاليه بعلو الثريا.....
وهسه صرت گاع لليسحگ عليه💔
مساء الورد والياسمين كيكاتي
بنات نادر والقدر بقلمي زهره الرمان ✨
_خالتي بالدوام واني احضر بغدا الاولاد هسه يرجعون... الاتصال برقم غريب
ابدل وماعرف شلون اطلع وبس نوار شلون وين اروح ياربي
كلت اتصل عمتي نهله
_الو ها عمه اتصلو عليه خاله رحاب بمستشفى.....
محد بالبيت بس نوار انتضر البنات يجون من المدرسه يلا أكدر اطلع
روحولها ماعرف حالتها وخابريني
نطيتها الرقم الاتصلو عليه منه...
حتى تتصل وتعرف منو
بقيت ألوم شلون ما ضغطت ع خالتي ورحنا للانبار ع الاقل بشر نتنخاه
شلون هسه اوف يا خاله شصار بيج
عمرها مكالت هالشي يوجعني....
بقلقي ودخلن البنات سمعت صوت الهورن مال خطهن
فتحن الباب
تأثير خاله عليه حسيت بيه من عرفت شلون اضبط اعصابي حتى اغدي البنات وتذكرت خاله شلون تمثل الهدوء بساعات الخوف او القلق
. گلبي يرجف خوف لكن اتصرف مثل خاله تبعنا طريقتها بالتقليد مو بالتلقين
نقلد حت لو ما نحس
اويلي ليش مقلدتن خاله بصفه الوفاء..
اخ يادعا ء گلبج شنو
وحتى عذراء اعرف متواصله وي خالتي وتريد تسوي مشروع الها وكأن الموضوع طبيعي ما بيه اي أشكال ودوم من اتصل عليها ملتهيه باتصالاتها وي خالتي
تغدوا البنات ويكررن عمه تأخرت اليوم وافز من صفناتي لحد ما انتبهت
بنات رايحه خاله وي ام جواد يجوز تتأخر واني رايحه الهن خليت نوار نام يلا وهاي السنه خاله مسجلته بالمدرسه نقص كم شهر مسجلوه
ازل تفتر وراي
اسراء عمه مو من عوايدها تروح شكو
_شبيج ازل
_عليج الله عمه هم تريد تسافر
_شنو هالسؤال
_ماعرف لكن كلت هي يجوز تسافر ورا دعاء لان كلما اكعد بليل الكيها تفتح بالابتوب وتطلع صور دعاء او تراسل كلت مثل دعاء اخر فتره بقت تراسل لحد ما راحت
. _وانتي ليش خايفه وين ماتروح خاله انتم وياها
_اخاف نرجع لبيت عمو فلاح اخاف
اريد ابقى يم عمه رحاب
_لا تخافين وشيلي هلافكار من راسج المثل خاله ما تترك احد اخاف هم يجي يوم ونتركها احنا....
شكو إسراء عفيه
دك الفون اشرتلهن اوكفن
وهنه عيونهن حايرات
_الو... ها عمه
_نهله :ابقي انتي اني وصلت وأمير وياي
_شبيها عمه شبيها خالتي
