غيمت والروح هامت
وزخت عيوني اعلى درب الما يجون
غيمت
والروح مزنة شوگ مطرت
وغرگت بيها الجفون
مساء الورد كيكاتي..
____بنات نادر والقدر بقلمي زهرة الرمان
_وين بابا. حوراء.. سريوه شو محل بابا مقفول
_شكو شبيج انجمعنا يمها
ونسأل بيها الا خاله سألت غير سؤال
_منو جابج
_اجيت وحدي
_ليش
_مو هلاسولفلكم من امس العصر طلع احمد ولسه ماجاني ما متعود هيج يتأخر خفت واتصلت عليجن كومه رقمجن مغلق
_وشنو طفل هسه تلاكينه بسهره
_لا خاله ما يسهر صاير والله وهم طول هاي الفتره ما يخليني ابات وحدي ابد واني مقطوعه علاقتي باهله
وهسه خايفه عليه
_لا تخافين عليه المثله ما يصير بيهم شي
_شتقصدين سريوه
ما اقصد بس هو لا المتقدم مال. معارك الفاو الجان يسولف بابا عليها
تره وين يروح عشتو يجوز يم ماما لو حبايبه
_انتي ليش حقيره تغارين
_اااغار ع شنو اغار ولج
_ماعرف اسألي نفسج تحجين بطرف خشمج ومن يجيبون سيره احمد تبقين تشمرين
_عذررررراء... عيب هالكلام هاي اختج وانتي اسراء مو كله عندج ضحك وشقا
انتي فهميني خابرتي عليه
_اي خاله اول مره دك مرتين وما رد ونوب فتح خط وما احد يرد
وراها انغلق البارحه هذا الحجي واليوم كله مغلق
_اولا غلط تجين بسياره وحدج تتركين بيتج ليش ما اتصلتي ع رقمي
_ قبل كم يوم غيرلي احمد جهازي
وراحت الأرقام واني حافضه رقم البنات من زمان اتصلت طلع مغلق
_خلص شحن واني ميته خوف لا خاله تسأل
_ابقي هسه يمنه وهسه اتصل ع ابوج
بروح لعيالج برجعته يسأل عليه
بقينا وقت الغدا وهي تلوب
وخايفه وسريوه
ما تسمعها لكن تكولي
العار ما يموت هسه يجي ولا بيه شي
اللواه تترملين يا عذروب ولا هالسگط
اش شبيج لاتسمعج
اسراء كارهه احمد وتمشي وتدعي عليه
اجه بابا ورايح لأهله وما عدهم علم بيه للمغرب تخبلت عذراء
راحت للمحل لبابا تريده يروح وياها يدوروا بالمستشفيات او يبلغون بالشرطه
بابا كاللها إخوانه اخذت رقمهم وكاعدين يدورونه وكتلهم عذراء يمنه ف اكعدي بابا ان شاء الله اذا اكو خبر يخابرون حموينج
ساعه عشره بالليل بالفعل اتصل حماها. واحمد ببيت اهله
وهي ماتريد تروح طلبت من بابا تحجي وي حماها لان خايفه
_ابو عبدالله شبيه احمد
_لا تخافين هيج عركه شباب ومضارب صاير بينهم وأيده بيها رضوض ورجله هم ف تعبان جبته لببتنه
