حرت مابين أنسى ومابين الاگيك
وأطير ويا الهوى لو يُمر طاريك....
مساء الورد كيكاتي 🌹🌹
--
بنات نادر والقدر بقلمي زهره الرمان
-------
بشرفج صار شهرين هنا ماعرف اكثر حت تردين تطلعين وابنج ما فكرتي بيه
بلا هنا تأمين ع البنات وابنج
_يم ابوه وهم خابرته وتوسلت بيه يطلع وياي اخاف هم ينكتل مغسول مخه وي ابوه واني شنو بقائي هنا العراق ما بيه مستقبل هناك اكمل دراسه وبناتي يدرسن احسن تدريس
_لج منى لمى طالعه وي زوجها وأولادها ومستقر وضعها بفلوسه انتي هناك شسوين
_وعدني زوجها وهو اخو زوجي النذل وابن عمي ويتكفل وضعي لحد ما استقر
_ها يعني هسه صار زوج لمى أبن عمج ويتكفلج كاعده هنا ومحد يكلج ع عينج حاجب واسالج اي شي تحتاجين اني يمج وع الاقل من تشتاقين لابنج ساعتين ونص وانتي يم ابنج
هناك شسوين
_"بس اوصل اقنع عمه اخلي يسحبه يغرره وهذا اول أولوياتي ما أريده يبقى خدام لمرت ابوه وما يغريه برجعته اليه الا من اسافر هناك واخليه يشوف الحياه هناك ويلحگني
_ما شاء الله مخططه لكلشي
زين شنو تطلعين وحدج
_وشكو عليه خويه اطلع لتركيا وهناك كال رجل لمى يعلمني شلون اطلع بس البنات لتركيا صارت اشكالات بطلعتهن اوصل واخلي اخوهن يجيبهن وراي...
_دومج تصرفين من راسج اكول ابقي احسنلج وهنا هذا بيتج واكعدي منى
_ضرف شهر اطلع واوصل ل لمى لاتعرضلي نادر تعبت اريد اعيش مثل خلق الله
_متصيرلج چاره راسج يابس وما تعرفين تتصرفين دوم غرور وعناد
_نادر هذا مستقبل أولادي وبسام حرك كل سنيني
_مو انتي الي حاربتي علموده لذلك لا تبقين تمثلين دور الضحيه....
_اسراء... من دخلت عمتي لبيتنا وخاله تحذر اي حرف ما ننطق وياها او نضوجها او نضوج بناتها... هي من النوع انعزاليه وبناتها مثلها لكن تحب تنتقد وتعيب
وبعدها ولا كأن مرت عليها هاي السنين من شافت دعاء كالتلها صايره جبيره بس شكلج بعدج تشبهيني...
ودعاء تضوج.... ورا ايام تعودنا ع وجودها وبدت تامر انتي سوي اليه كذا اريد كذا. واحنا متعودات ناخذ الأوامر من خاله من العيون بس تباوع نفهم شنو تريد.... ودوم تكول ابد لا ترفضلها طلب
من اجت لبابا وكالت راح تسافر ابوي بيومها حيل ضاج وانقهر...
كم يوم وهدوء واني العطله خلصتها ع عمتي وكومي سوي كذا وخليلي كذا..
واني انفذ بسكوت... وراها سوت حوراء عمليه.. ولازم نداريها... والحمد لله صارت افضل بفضل الله وفضل خاله مخلتنا انداريها
هيه بيدها العلاج وتضرب الإبر وتغسل بيدها ل حوراء وتبدللها مثل الطفل...
ابد متركتها وحتى الاكل هي تحسب ع الساعه وتوكلها.... واول ايام الدوام بدا
