بنات نادر والقدر

البارت التاسع والعشرون

و'أگلك ليش ..
ضيعت ألسنين بشوغة إغيابك ..
مو تدري بصلاة الشوگ ..
ما'بيهة ثواب إيصير من يهجرهة محرابك ..

مساء الورد والياسمين كيكاتي 🌹🌹

-----بنات نادر والقدر بقلمي زهرة الرمان

_حيره وخجل وخاصه من قاسم بعدها غصه غراضه ما هديت منها

_شبيج حوراء مو اسأل شنو... هاي الهوسه واهلح اجو

_بديت الملم بالغراض وافكر اكول ما اكول.... بعدين كلت ما اسكت افضل

قاسم علبه ذهبي ماكو...

_شنو يعني ماكو

_يعني دورتها بمكانها وماكو

_تأكدي حوراء

_تأكدت قاسم

كعد....... لآ تحجين هسه بعدين نشوفلها صرفه يلا
تحركي انزلي.

نزلت وأم مقدام  هي الطابخه ومرتبه والبنات ع ايدها...

..... كمل الغدا واني حتى وجع صار ببطني ما عرف شنو رده فعل قاسم وهم صار عندي خوفه من البيت ماأامن بغرفتي منو اله مصلحه وخاصه بيوم راحت غراض قاسم. معناها شخص يكدر يفوت الغرفه بسهوله منو

بقت هاي التساؤلات وكولساع فازه من سؤال احد يحجي وياي
كملت الغدا وسويت الجاي وأم مقدام خطيه كالت روحي يم اهلج. البنات سفانه وميقات  هنا يكملن المطبخ

َوخاصه عذراء وحامها حيل مؤذي ماتاكل ولا تشم حتى ريحه الاكل بس الليمون وتتقيا
. كعدت وبابا يسأل ويسولف وي قاسم وابو مقدام وعذراء الا يم الشباك تكعد فاتحه الشباك ووجهه علينا
و مقدام عبالك هو الحامل يفتر وقلق عليها ويضحكون عليه ابوه وأمه
قاسم كوه يسولف  مثل وضعي يفكر

راحوا اهلي وصعدت ردت بس افوت للغرفه

دخل قاسم...
حوراء فهميني شنو يوميه يروح من غرفتنا شي شوكت اخر مره شفتي الذهب

اخر مره يمكن قبل أسبوعين من عزلت الكنتور. 

_يعني حوراء هسه بيمن أشك شسوي واحنا بيتنا مليان عالم خاشه. وطالعه
ام هاشم... نسوان اخوتي زوجه زهير نسوان همام ام مقدام.. بنات  اخواني وولدهم فهميني..
ويااريت صارت ببيتنا قبل ياااريت

_يعني تقصد بيتكم هسه صار بيه هالبوگات يعني اني تقصد

وكف وبعصبيه تقرب

اننننه تهمتج ليش اخذتيها ع نفسج...

_وانته هسه ليش تعيط عليه تلميحك كان موجه اليه

_شلون ما اعيط برايج وانه غرفتي يوميه رايح شي منها كاشينها گش وانتي يا غافلين النه الله شنو تردين احجي اغني اركص هسه ادك چوبي...

لج مسدسي وفلوسي وكلت طبهن مرض بس ذهببببج يعني واحد فايت ويعرف كل مكان بالغرفه تعرفين شنو من كارثه وانتي ملتهيه تلميح. يااا تصخيم