بنات نادر والقدر

البارت السادس والثلاثون

مساء الورد والياسمين كيكاتي 🌹🌹

بنات نادر والقدر...
بقلمي زهره الرمان...

طبعاً اسفه ع التأخير عن نشر القصه لكن مريت بضروف.. خلتني انقطع عن النت والفون والحمد لله عدت على خير بإذن الله
احبكم 😘😁

اسراء...
انفزع بابا.. بقى يتصل منا ومنا ورا ساعتين اجه فراس. يعرف ناس هناك.. ويسألون من ال6الصبح لحد ما صارت ب 4العصر ع وكفه وحده يسألون عن الضحايا وعن الناجين

وبابا حتى مي مخله بحلكه خاله تفتر وراه.. أما نهى وسنا اخذتهم حوراء يمها خاله اتصلت ع حوراء كالت اتصلي وكولي اريد سنا ونهى يمي يساعدوني
قربت ولادتي
دزو السايق وراحن وخاله تتصل بحوراء توصيها ع البنات..

المغرب اتصل علي. ع بابا
كله امي لكوها وميته غرگانه طلعوها

سمعنا بس عيطه ابوي
بقينا نبجي ع عمه منى 
بدوا يسألون يجيبون جثتها
لكن بعد كومه اتصالات
وبمساعده عمو فراس
كالو هناك السفاره العراقيه مستلمين الجثث
ودافنيهم
صعب يرجعونهم لان حتى طلعتهم مو شرعيه ورايحين هيج

ابوي ساعه يلوم وساعه يبجي وساعه يتصل
ثاني يوم من الصبح وكفت سياره بيها قاسم جايب كراسي وفتح الباب سوا عزا لعمتي لأجل ابوي واجو كل بيه ابو مقدام
شويه واجت عمه نهله خطيه هي عدها سكر شبعت لطم وبچي وياها عمتها وأولادها وخال بابا كلهم جايين

صارت مثل فاتحه لكن كراسي بالاستقبال والحديقه وقاسم واكو ولد ببيت ابو مقدام طباخ. وبدأ يسوي اكل

للضهر اجه علي ابن عمه منى
مكسور ع امه حيل يبجي مثل الطفل..
وحتى عمه لمى اتصلت وتصرخ ع عمه منى..  خاله من الليل  راحت وسولفت لنهئ وسنا وكالتلهم لكن بقت تخفف عنهن وتصبر بيهن وجابتهم...

اسبوع مر وبنات عمه منى قليل يحجون اتصلت عمه لمى بابا انفك بيها غلط
حملها مسؤليه الصار لان هيه زرعت فكره السفر براسها وصوت ابوي عالي

_نادر...  من رعونيه كلامج الها وهي مجروحه من زوجها المتزوج وابنها الدفنته تريد تشرد من واقعها ونتيجه هالتهور ماتت وتركت أولادها   دنيتي الها واهس وهاي النتيجه.. شنو حصلت شنو حصلت..

بقى بابا محروك دمه وكلما يتصل احد يذب غضبه بيه وخاصه من يشوف بنات عمه منى

لان ورا ايام من وفاتها
نهى صارت انسانه ثانيه
عدوانيه ورجع لسانها السليط
مخلص احد منها بدت وي ازل وعسل وحت اختها سنا
ينطوها اكل او شي تبدي بالغلط والكلام البذي

تعبت خاله وياها

اما سنا افضل شويه وهون عليها علي اخوها يجي اكثر من مره

بعد اسبوعين من وفاه عمه منى. بابا حيل ضايج

بليل وتعودنا من تأيس نهئ من عراكها وي اي احد والي خاله وصت الكل نتحاشاها فتره وتعدي
ولازم تفضفض مشاعر حزنها وننطيها مساحه رغم غلط تصرفاتها لكن خاله رأيها ننتضر