عبالي ذخر يردوني وكت العوز
ثاريني وقف للحاجة مضموم..
مساء الورد والياسمين كيكاتي 🌹🌹
الحجيه ام ابو مقدام..... لأمه ولدها واحفادها وچناينها.. ووياهم عرفنا اكو
نسوان وشباب مو كرايبهم بيهم أيتام كبروا من عهد ابوهم واكو ابو مقدام لفاهم
يعني بيت ابو مقدام الي هو بالأصل هناك يسموه بيت حجي حاچم...
معروف جدا ع طول الطريق معارفهم وگرايبهم..
بيت چبير ومن همام رجعوا من بغداد رجعت زوجته الثانيه رجعت وياه للانبار
لكن البيت مقسم بطريقه مرتبه ولأن همام مهندس ف مرتب البيت بطريقه المدخل مشترك وراها يجي الكراج اكثر من ممر وكل ممر لواحد من البيوت كل بيت باب بداخل الحديقه
بيت ابو مقدام هو الكبير الباوسط وبيه المضيف والبيه امهم الحجيه
وع الجوانب بيت اخوان ابو مقدام
اول يوم روحتنا صارت بتعب أوراق خروج غراضنا من بغداد وبوجود همام ساعدنا ودخلنا
بيتنه صاير ورا بيت ابو مقدام بيت 250متر بنيانه حلو رغم قديم شويه
مكدرنا نشوفا لان الولد بقوا ينزلون بالاغراض واحنا دزونا للببت مالتهم
فتنا تلكونا چناينهم ومبين الحجيه موصيه تلكتنا واخذتنا وكأن حفيداتها
ورحبت بينا
واجت تركض سفانه فرحانه بينا...
عدا اليوم يمهم وبغرفه الحجيه
الي مخلين تلفزيون بغرفتها وتتابع مسلسلات تركيه وكاعده يمها بنيه بنت همام من زوجته الصغيره
و تسولف ولج. ريان احجي هاي شبيها تبجي وريان تصفط بكيفها
واحنا نباوع عليها وميتين ضحك ع الحجيه وي اي انفعال تتفاعل وتخجي
عزا الطمك اضربووو ولك ياول يا مصگوع وين تركت البنوته
وع هالكلام اخذتنا سفانه يمها وسوالف واسئله ع الدراسه وكذا بالمطبخ البارد كعدتنا صارت ووحده من نسوان ماعرفتها كاعده تگلي سمچ
لكن تباوع علينا وحده وحده
ولأن اسراء متكدر تسكت سألت سفانه
_اكولج سفانه هاي منو
_هاي زوجه قاسم..
_وليش ضايجه
_بعدين اسولفلكم لان هسه خطر
واحنا كاعدين دخل قاسم وماكان يعرف احنا الكاعدات
_الله لا يكثرچن. وين الماسحات ولچن
كمزت من مكانها زوجته والي عرفنه اسمها دلال
بعمرنا لكن وجهه مخنوگ ضايجه
واسراء تحلل بكيفها
اكيد قاهرها لو مضوجها وتسولف وياي بهمس لان سفانه راحت تگلي بمكان دلال
قاسم بلا ما يركز اخذ الماسحات ولا يدري احنا الكاعدات
سأل زوجته وما منتبه
_بنات ابو حوراء ديرن بالجن عليهن
ولا تبقين وجهج معنفص ويحسن عليهن عيب
وراها اجت سفانه يلا انتبه من كالت
_عمي قاسم غداك كمل اترك لبيدك وتعال تغدا
_من انتبه احنا الكاعدات حتى ما جاوب سفانه وطلع خجل
