مساء الورد والياسمين كيكاتي
بنات نادر والقدر بقلمي زهره الرمان
رضا:صار عمه جايج
_اسراء:...
ورجعت اتصلت وتفتر.. واحسها تفكر ومتردده
اني خفت عليها تبين قويه لكن الرجفه لازمتها من يوم روحه ابوي الدار حقه
اتصلت..
_الو
_نعم
_عادل تريد ترد فضل نادر عليك
اولاد. منى... نهى وعلي الي اايدت يروحون لاختك وورطتهم بتركيا ومسفرتهم بحاويات وهسه ماكو حتى ما طالعين من تركيا وبس سنا يم ناس
. عندك حميه لو بس انه اروح
_صدك خرب الفلوس الخربتكم
شوفي رحاب... اني عسكري صعب اطلع برا العراق بيها سجن للعسكري الا اقدم وتبليغ يلا أطول لكن راح ادبرلي احد يروح هناك دزيلي عنوان سنا
_واني ما أأمن اروح اني لتركيا العندك خليه يتواصل وي رضا ابن اخوي هسه ادزلك رقمه وفهمه اني باجر طالعه ان شاء الله
_زين لعد راح تجيج سياره توصلج
لحد معبر الخابور يعني بسهوله تطلعين انه اتكفلكم
_لعد ما تكفلت اولاد اختك
_لان منى الله يرحمها اخذت مني فلوس ومقبلت كلتلها بوقتها اوصلكم بأمان مقبلت رادت فلوس تحولهن ل لمى انطيتها هاي المساعده الرادتها
ترا اني مو سي لهلدرحه اريد اساعد لكن اخواني كلمن برأيه
_هسه اني مو بحال شكواك عادل ومنو صح ومنو خطأ فات وكته ما يفيدني
راح نادر وراحت منى خلينا باولادها الي مو مثل الخلق عدهم اب عينه بالدنيا وناكرهم وما يسأل عنهم...
انتضر مني اتصال من اجيك
بليل جمعت خاله أغراضها واتفقت الفجر تطلع وي رضا للشمال.. وصتنا ووصت حوراء هي وقاسم يجون يمنا
_رحاب بادي الفجر يطلع وادك تلفوني رضا فتحت الباب اخذ جنطتي وياه ولد بسيارته يوصلنا لسياره الدازها عادل بمكان.. وصلنا ونزلنا لگينا الرجال الياخذنا
صعد غراضنا وكال مقدم نوفل موصيني اي شي تحتاجون اني بالخدمه لحد ما اوصلكم
باوع بوجهي رضا دزيتله مسج فهمته ان نوفل اسم عادل هناك محد يعرفه عادل اسمه قانونا نوفل
. طلعت بينا السياره واتصلت مرتين ع سنا يم العائله لكن حسيتها قويه ومتماسكه رغم قلقه ع اخوانها
وعادل اكثر من ثلاث مرات اتصل يطمان
لحد ما وصلنا الطريق طويل ومتعب رغم السياره مريحه لكن اني انهد حيلي احس بعد نادر....
ب 7صاير المغرب وصلنا لبيت عادل
تلكتنا بنته وزوجته ميس البنيه تشبه عادل
وراها اجه ابنه عنده 2 ولد وبنيه وحده
بقينا ساعتين او اكثر واني روحي طايره ما احس بتعب ودي اروح مثل الطير واشوف حال سنا
اجه عادل ورحب بينا وسألته كال قبل الفجر إن شاء الله اطلعون وهم اكو واحد وياكم راح يروح
