عرضوني ع الشراي... چن سلعه سهله
گللهم لون بيه خير.. ما باعته اهله...
مساء الورد والياسمين كيكاتي
بنات نادر والقدر.. بقلمي.. زهره الرمان
بارت طويل لعيونكم ولأن تأخرت هواي بالنشر عليكم
.. اعتذر.. لكن الله يبعدكم عن الألم والمرض... الوباء انعديت بيه والحمد لله
الله رفع عني بفضل دعائكم وتشافيت الحمد لله من كورونا اللهم لا يفزع قلوبكم ولا تتذوفوا الألم ولايزوركم المرض امين يارب العالمين ❤️❤️
احبكم
وبأي لغه اقول أريدك ولا أتقدم نحوك
وبأي سلطه امتلكك ولا أمتلك اي شبر من أرضك
ولي بين الاظلع فؤاد انت مقيم فيه لا أحد يزاحمك فيه ... بقلمي
إسراء... حلاوه الإنسان عزه نفسه وكرامته
احب رضا لدرجه اتمنى اذا يوم حلو يصير اله... واذا عمر مقدر يخلص من عمري ع عمره حب ما اجه من شكل منصب شهاده.. اجه من. روحه الثبتت هو إنسان من مواقفه من حنانه من غيرته ورجولته
اغار عليه حد الجنون اتمرض اذا اشوف وحده تستلطفه
دخلت اليوم للدوام وفكره خالتي وأم جواد ادور بمخي اخذ خطوه بحياتي لأجل خالتي
فتت واشتغل واخذني الشغل اجت ام هديل واني ملتهيه
_ام هديل.... إسراء هاي الأوراق شون ادزهن
_شلون يعني شلون ادزيهن انطيهن لابو عادل
_هاج شوفي شكاتبه وشنو المهمشه ع الأوراق والختم ماكو فوكها
_فتحت الأوراق مخربطه بكل الأسماء والقوائم كلها خطأ وغلط وبقيت اصفن شمسويه
ام هديل واكفه ع راسي
اخذتهن بسرعه رحت للبنيه ام الطباعه سحبت أوراق غيرهن وملتهن من جديد رغم عيب يعني تكلفه تعتبر مكمله شغلها واني عدته عليها لكن البنيه ما حجت شي واعرف تضوج لكن مضطره
رجعت بديت ادقق من جديد لحد اخر ساعه للدوام اشتغل بيهن
وأم هديل تطلع واطب تشتغل هم
رجعت بيدها كوب جاي وجركه
_هاج اليوم حتى ريوك ما تريكتي
_خليني بس اكمل ام هديل اخاف ابو عادل يريدهن
كملتهن والجاي بارد شربته اباوع ع ام هديل تباوع بوجهي
ها ام هديل
_تعرفين هذا ابو القماش مال بردات ورا المستشفى الخياط
. _اي شايفه هيج محل شبيه
_اريد ع ذوقج اشتري تكدرين اليوم تطلعين وياي
_ها أن شاء الله بس ما نتأخر لان خالتي وحدها اليوم البنات ضهري واختي تتأخر بالكليه
_لا ما ااخرج
طلعنا وصلنا للخياط اختارت قماش وكملت ووصته ع الخياط طلعنا
شارع فرعي طويل وراها يلا نوصل للشارع العام اخذ كيا للبيت
بدت تسولف
