گالو الصعبات تسهل
بالتأني والصبر
وانه كل البيه مرن
خذن من عمري عمر
مساء الورد والياسمين كيكاتي 🌹🌹
بنات نادر والقدر بقلمي زهره الرمان
_اجت خاله وبابا وجايبه البنات وياهم
قاسم راح وكال استحي يشوفوني ابوج وخالتج
خليته يروح وانه اباوع ع الحلقه واضحك واضرب بسريو...
شون ولج دبرتيها
_والله هو يحوص بس مايعرف يتصرف وانتي متأثره بالافلام الأسود وابيض
وتحبين هيج سوالف الولد يحبج بس لسانه سگط وعقله بيه بس شغل ويريد المبادره من المره ما يعرف سوالف الرومانسية الترديهن انتي
جدي الأخ انه بس فهمته ذبحتوني
مثل المخطوبين جدد اريد اخلص منج تروحين لبيتج لازگه يمنا وهو ملجأ صاير ما استبعد بعد عمه نهله شوف منو تجيب بناتها وهم يبقون يمنا وتكمل السبحه..
روضه نادر للبنات وبس نوار يگمز بوسطانه مخليه بابا شيخ
_عزا هذا كله بگلبج عابتلج هم ما اروح لحد ما اشوف خاله شتكول
انتبهت خاله تباوع ع ايدي
لج شبسرعه خاله انتبهت شوفي تباوع ع الحلقه
_انتي الله يسلمج جن ما شايفه شوفي حلكج فاتحته مبتسمه وتفرفرين بالحلقه
خاله عدها مستشعرات مربوطه ع بنات نادر والحواليهن...
كان يوم مميز رجعنا سوا العصر اجه قاسم ما خابرني ما عرفنا الا بابا صاح حوراء هذا قاسم هنا
خاله اكيد عرفت كولشي اول ما رجعنا سولفتلها
ردها كان...
_انتي شتشوفين يستاهل ترجعيله انه عد وعدي اطلگج
_لا خاله اسم الله
_ها مازال صارت اسم الله لعد روحي حبابه من يجي زوجج والله يهنيج
. ف من اجه العصر خاله وجهه مرتاح مو متعكره لان حرجع فهمت راضيه ارجع
كعدت شويه وابوي يسولف وياه اشرلي روحي حضري نفسج
. رحت للغرفه لكيت سريو بيده الفون تراسل ماعرف منو
وجنطي تعبي بيهن غراضي
=هاي شنو مستعجله اروح ولج
. سحبت الجنطه وي منو تراسلين ضحكت ونطتني الفون
المسج وصل
. _ انتي بس خليها تبدل وانتي رمشي عليه حتى اكوله اتصلو عليه عندي شغل أخذها واروح مو موتني برودها كوه كامت مني
_يااا هذا قاسم
_اي شنسوي سوينا تحالف حتى تروحين بابا من جهه مستلم الرجال تكولي ابوج برايمر لو الياور
ويحجي بالسياسه
. كومي بدلي يلا
بدلت وكملت وهي اتصلت عليه رحت يمهم حتى اشوف قاسم من يجذب ع بابا
_ابو حوراء اتصلو عليه لازم اروح
_اي اي وينج بابا حوراء يلا تروحين؟؟
اي بابا هياني
_اخذ الجنطه من ايدي وراح للمطبخ سلم ع خاله وتشكر منها وهي تكوله هذا واجبي بس بعد ما أوصيك
