جثه الصبر واحلامنه متون ..
ومرسوم خنجر بين العيون !
مو بالگلب بالشوف مطعون
مساء الورد كيكاتي....
بنات نادر والقدر،،،
بقلمي زهره الرمان
"" "___________________""
أنغلق الخط وهاي المره الأولى نشوف غراب تعيط وتلطم
تعودنا عليها الهدوء والتصبر
تلطم وتلطم بلا وعي وتكول راح راححححح
من اقتربنا يمها....
انتبهت وكأن جانت محاسه بينا وكفت ورجع وجهه للوجوم المعتاد...
كومن لفراشجن يلا كومن وراحت لغرفته ما تحملنا ركضنا وراها. رحت عليها دخلت أعصاب
شنو تشوفينا بعدنا صغار هااا
هذا ابونا ومن حقنا نعرف
_عذراء... شنو روحن نامن واحنه منعرف ابونه شبيه متحجين
_سريوه... تلطمين وتكولينا روحن شنو بس رجلج هو ابونه
وجهها مطعون وشفايفها بيضا التفتت علينا
ابوجن بشده وبس الله يفكه اذا هيج تحبنه روحن ادعن يرجعلجن اما وين وشلون هاي مسؤليتي يلا اريد انام اطلعن
_"عذراء.. انتي اشو تجاوبين بهدوءه ابوي وين وشني الشده
دفعتنا وقفلت الغرفه وبقت عذراء واسراء يدكن بالباب
ليله رعب نبجي ونندب بحضنه
للصبح وحده نايمه ع رجل الثانيه
كعدنا ما لكينا غراب بس لكيناها مغطيتنا
وحده فزت ع حركه الثانيه ورجعنا ركضنا الغرفه مالكينا غراب فورا خابرت ع فونها
_الو خاله انتي وين
_لاتفتحن الباب لأي بشر وديري بالج ع اخواتج اجي فد شويه
_وابوي
_اجي ويصير خير يلا مثل ما وصيتج
بقينا حتى ريوك مقبلت وحده تتريك
ووحده تباوع بوجه الثانيه
صار العصر دخلت غراب استغربنا لابسه بوشيه
نزعت وكعدت تباوع ع الطباخ سألت اكلتن
هزيت راسي لكن منتظرين تحجي
بابا وين خاله
_ادعن الله يفك كربته عايش لاتخافن
وكفت عذراء وعيطت
انتي شنو تنطينه مسكن وين رحتي والبارحه الخابروج منو
_
تره ما اخاف من تعيطين لكن إذا اكوم اكسر راسج روحي ولي منا
بيومها بدت حرب كولساع وحده يحترك گلبها وتروح تحجي وي غراب
بليل اجت عمه نهله وزوجها وخال بابا
وبقينا نسألهم
تالي كال أمير
كولشي يخص اسمه القديم ظميهم واذا عنده صور بالزيتوني او لصور ل مروان وعائلته
انصحج تتلفيهن
وغراب تكوله اكيد انتم وصلكم الاتصال أشر أمير اي
. وكفت سألتهم فدوه احجو ابوي شبيه
بدا ابو طيبه زوج عمه نهله هو السولف
