مساء الورد والياسمين كيكاتي🌹🌹
بنات نادر والقدر بقلمي
زهره الرمان
نادر....... وياي فراس وقاسم اركض وببالي
اجه ودعني عادل..
وصلت بعد ما سالنه
عرفنا مضروب طلقه
والجايبه لاكيه بسيارته
سألت وحمايته
الولد كال لكيته وحده لا حمايه ولا اي شي...
نص ساعه وطلعوا
سيارته الولد انطانه سويج السياره
راح هو وقاسم شافوها وتاكدو من غراضه كلهن بمكانه مماخذين اي شي زين حمايته وين...
بقينا لليل وعئ عادل لكن فاقد دم هواي وبعد حالته ما مستقره ضربته براسه وشكد كنت خايف لكن الحمد لله ما مخترقه الجمجمه الضربه جانبيه
بعده يون ولسانه ثكيل
كلت ل فراس وقاسم روحوا ارتاحوا وانه باقي يمه
_فراس.... المن اروح خليني يمك احسن ولد تلد ماريد اروح عاد هنا يمك خاف تحتاج شي وهم انه وحشه عليه بالبيت
_نادر.... بكيفك
قاسم... زين اروح اجيبلكم اكل وشتحتاجون
_فراس.... بداعه بنيتك جيبلي كارت خلي اخابر اهلي ولا احد سأل عليه صار اسبوع لو اسأل لو محد يسأل عليه
قاسم... صار رايح اجيب
طلعت وبباب المستشفى ولد ابو الحمايه مال المستشفى
كال خويه هاي السياره خلوها بالكراج لو اطلعونها.
ان شاء الله شويه وطالع بس اجيب اكل
هاك ابو رامي (فراس)
هذا الكارت...
ابو حوراء محتاجين بعد شي
السياره الأمن مال المستشفى كال طلعوها.. راح أخذها وهم انظفها
اجيكم الصبح ان شاء
_اي أخذها روح ومن اتصل عليك يلا تجي يا صبح هسه راح يصير الصبح ارتاح وانه من احتاجك اخابرك روح
راح قاسم وانه وفراس بقينا نتناوب ع عادل اتصل فراس ع ولده شويه ويتوسل بيهم ويتودد لابنه يحجي بالانكليزي لكن اني افهم شد يحجي
يسأل ع أصغر طفل بالبيت رغم لهجه كلامه عبالك مو انكليزي لكن افتهم همه ولا مهتمين حتى من اتصل ع زوجته انكلب لونه وطلع كمل مكالمته
من رجع
كعد ع كرسي شويه ابعد من سرير عادل يم الشباك يباوع ليبرا
تركته براحته واني عيني ع المغذي اليقطر وبداخلي اكول الحمد لله بناتي
يتفدني وما يحلالهن الاكل او الراحه الا بجمعتي حواليهن
وادعي الله يهدي أولاده اله خطيه اب وما يشوف محنتهم عليه وهو بعده بحيله.. من يوكع شلون
والأم هي أساس التعليم زوجته ماعرف ليش هيج وياه
اعيد بتصرفات رحاب ومواقفها للبنات الي زرعت الحب بداخلهن رغم اتعس ضروف مريت بيهن وياما عكست تصرفاتي وعصببتي عليهم ابد ما اسأو وياي
بداخلي احجي وحجه فراس
تعرف نادر شنو اتمنى
التفت عليه
شنو
_اتمنى اموت وانه بحيلي امشي ع رجليه ولا انقهر من اطيح واشوف ولدي وگلوبهم الجلفه
