غفيت وهاي جيتي من حلمكم
الهوى الشايل بَرِد هم يدفه يمكم
مساء الورد والياسمين كيكاتي 🌹🌹
____________________
بنات نادر والقدر بقلمي زهره الرمان
_وكفت من شفتها داخله ع نادر باب رزق وناس تدخل وناس تطلع واني اعرف صوتها
طلعتها
نعم خير
_انه ما جايه عليج انتي ما الج سلطه وكلمه ابو عذراء موجود انتي مرت ابوهن
_احشمي عمرج وفهميني شرايده
_جايه اكلك بتك مو راحه ومو خوش وفتحلها صالون حتى يخلص من النك مالها
وهي ما قصرت سوته ل سوالفها الطايح حضهن
تلم وين ما زايعتها الگاع ومو ذنب احمد اذا هيه لأمه البنات ببيتها
وكهكهه ولعب
ما اكول الا الله لا يوفقها ولا يهنيها
خلت الاخوه تتكاتل
المره الماتريد طفل من زوجها معناها شنو
_شوفي لأجل عمرج حاشمج
_ياااا تحشم نادر فوت هاي انه اعرف دواها.. شوفي ولج اتمسين بنات العالم وابنج من ملهئ لملهئ ومن حضن لحضن
ومن وره اخوه تنطين فلوس لابنج المدلل حت يروح لمكسراته وتذبين الصوج بعذراء. فوك ما شافته ببيت كحبته لو تهايمه الها لو كاعد يمهاواخره لزمه لزم يد
وهذا الشارع شوفينه ما اريدج تفوتين بيه ولا المح ضلج
لا وحق الله اكتلج
_عزا العزاج تكتلين منو
_واكسرج هم. هذا باب رزق لا تنطينله كلساع اخوان بينهم عسا ما يموته احنا شكو جايه
ولي التهي ربي ابنج ولا تورطين الناس وياج فوت نادر لا توسخ نفسك وي هيج نماذج
_شوفي ي الصفره الا افضحكم فضيحه الا اخلي سيرتكم ع كل لسان الا افرقكم مثلما فرقتن ولدي
_دفعتها وطلعتها.... تفضح شوف منو تحجي دروحي
طلعت منا ونادر كعد ع الكرسي وأيده ع راسه
_شلون ورطه رحاب هاي مبين عليها شرانيه ورح كلساع جايه
_يا تجي شبيك. هذا ابو عبدالله اخوه شوف الله اعلم شسواله لان ملله. وهاي محترك گلبها تبعبع وولت
كلامنه وي ابو عبدالله وهو وعد يطلك وينطيها حقوقها وما نتنازل عن فلس
_خليني اتصل عليه
للعصر واجه ابو عبدالله وبقو يحجون وكاله امك اجت وتهدد
الرجال ما قبل عليها واعتذر
لكن مع الأسف مجتمعنا يحب القال والقلت
ونقل النميمة اسرع من نقل الخير
والكلمه الفضايح تنتشر اسرع من كلام الحسنات
بيت عيال عذراء قريب ع بيتنه وأكثر الي يتعاملون وي محلنا من المنطقه والأكثر النسوان هنه اليشترن اجهزه كهربائية للبيت بالقسط
منو تجي لازم اسمع نادر كلمه حت لو مبطن سؤالها
اما شصار من بنتكم رجعت لعيالها او
ابن ابو عبدالله شنو طلك بنتكم ناس بين النفاق والفضول يجرحون وما يحسون
ولا يتأكدون من الكلام
