و شنهو ظنّي ؟
الچنت اتانيهن جزني !
لا لگيت شويّة منها ولا لگيت شويّة مني
ضايع وكل الوجوه استغربني
مساء الورد والياسمين كيكاتي...
بنات نادر والقدر بقلمي...
خاله بقت مدنكه ورضا راح بعد ما اكدت عليه من يوصل يفهمها شبيه مهما كان اخوها رغم كل أنواع العذاب شافته منه
للعصر بقت ضايجه ومتوتره نحس عليها هيه قلقه ع اخوها
لكن ماتححي وتشوف التلفون كل ساع
اما حوراء تتصل ع قاسم ولو ينطيها رفض او يكوللها مشغول بعدين اتصل
المغرب خاله توضت ودخلت تصلي..
واحنا هم شوي وسمعنا بتلفون خاله تحجي.. دخلت اكوللها. شنو اسوي عشا لعذراء
لكيتها تبجي وتشهك قوي
ركضت
شببج خاله شببج
فلاح مريض فلاح مريض اخ يا ابن امي وابوي
_شبيه خاله عنده فلوس ويتعالج ان شاء الله
خاله منهاره والفون الاجاها من عبير او رضا لكن اعرف هيه حالفه ما تعتب بيته من يوم اخذت بنات اخوها صلاح
بقت بغرفتها
لحد صبيت العشا واندك الباب اجه قاسم
من المطبخ صاح
ها الدلاله
هلا بقوطيه رديت عليه
لكن وجهه متغير وحتى ضعفان
ها ابو ملاك الضاهر اختي مطلعه اتيابها عليك اشو ضعفان
_لا هاي ام ملوكه العزيزه بس هيه وينها ولج ترا گابه صارلها اربع ايام تهدد بيه
_ليش شصاير
_ماكو شي خليج بحالج مو خذاج الواهس سويلي عشا جيعان
_خرب حظي باقيه بين جهالهن ورجولتهن اخدم
فات جوا وخاله طلعت وبينت ماكو شي
لكن لحد الان متعرف شنو مرضه بس متخربط وأولاده محتارين بيه
تعشوا الكل سويت العشا
وخاله وراها كالت اريد اطلع قاسم وحوراء أريدكم تطلعون وياي
. اخذتهم وطلعوا
وبقي نوار وتميم وملاك ع راسي لان
عذراء
باقيه تتناكر وي مقدام الي كاللها اهدأئي يلا اجي هرمونات حمل وهسه هرمونات ولاده وهي متخبله تحبه وماتكدر ع فراكه. ودعاء عدها امتحانات وكفشتها واكفه وحتى ازل وعسل وسنا يدرسون
فاتركهن يرتاحن
_حوراء.. فهمت خاله رادت اطلعنا من جو البيت حتى تختلي ب قاسم لكن خايفه من رده فعله لان اعرفه عنودي
وهو يسوق يباوع عليه بالمرايا وخاله طبيعيه وما حجت وصلنا المكان الوصفته خاله
نزلنا
اول ما كعدنا هو ياشرلي شبيها خالتي غلست عنه
رحاب.... شوفوا اني ما ادخل بحياتكم ولا احب اتجسس ع خصوصايتكم لكن اسأل سؤال وراها انطي لكل واحد وقت يجاوب
. قاسم اعرفك من بدايه الاحتلال مو صح
لليوم نفس خصالك ما تبدلت صاحب غيره ونخوه وحنين وصاحب صاحبه حاضر او غاب انته مخلص اله
حوراء اول فرحه لنادر واكبر بناته وهداها الك هديه لان يعرفك شنو انته يعرف ببيتك مراح تنظلم ولا تنهظم وراح تراعي الله بيها ببدايه زواجكم شفت احنا لا ادخلنا ولا حجيت ليش لأن مكنتو تعرفون بعضكم أكيد الفتره الأولى للزواج واحد ياخذ ع الثاني يلا تنسجمون ويوميه تجي زعلانه حوراء واسكت وارجعها تعرف ليش لأن اكول حقه اله بوقتها ضروفك وزوجك السابق
اما هسه من يختلف بيكم احد الثاني يكشفه ليش لأن فهمتو بعض انعجنتو بخصال بعضكم
مالكم عذر الا ان واحد يكشف أوراقه للثاني يحجيله كولشي
اولا ابدي انته شنو اختلف بيك هاي الفتره وشي يخص حوراء. بقصور مثلا.. وها اني احجي مو من باب حوراء بنتي لا احجي صديقه الكم
