حسبالي العدد بي ثمره من يزيد
وعن قله الواحد تفرق المية
بس تالي ادركت طين الگلوب اصناف
ولعشره الطويله اتريد نوعية
مساء الورد والياسمين كيكاتي..
بنات نادر والقدر..... بقلمي. زهره الرمان
تغدرني دمعه من انظلم مو ضعيفه لكن الظلمني هو بس هو اليهز كياني
واليحبه دلالي...
لحظات هجمت عليه كل افكار لكن مو انه الاخنع واتضاهر بالضعف
. اششششش
فهمت
اذا تلفوني دازلك هالكلام وكاتبتلك اكرهك وعندي علاقه بغيرك يجوز كتبتها لان اااخاف رضا الجان يطلب رضاي
بعده يريدني حتى يأيس
واكيد مدام انته تعرف أخلاقي هيج اني اكتب وصار كم سنه ومفاهم إسراء شنو
ماله داعي احجي او ابرر
لذاك احضر رقمي ومن هاي الخطوه بعد لا تخليني اشوف خلقتك
_هيج ببساطه احضرج
_اي لعد شتريد مثلآ
_عمتي معقول تعرف رباه ايدها هيج
_لهنا وانلصم عمتك ربت واحسن تربيه لكن مع الأسف هم ربتك وما علمتك تفرق بين الحقيقه والخيال والوهم
. _بربج يا وهم حتى لو اعرفج من سنين لكن شوفي وانطيني كلمه اصدك
اني ما اصدك ببنات حوا كلهن.. عدهن الجذب خصله معجونه وي ارواحهن
قشمرت ادم نزلته من الجنه
قشمرت ادم كتل اخوه..
_اذا مقتنع المن جاي تحجي بالشارع وما حسبت حساب لعمتك
_الكل يعرفون انتي بنت عمتي من الحارس للمدير
_وكرابتك تجوزلك توكفني بالشارع
من هاي الاحضه يا رضا ما اريد اشوف خلقتك... امشي ودي وودي الأرض تنطوي واوصل
عصرني گلبي لكن لو تنگلب الدنيا ما اخضع او أبين ضعفي رضا متحول إلى انسان مريض بالشك وعدم الثقه وكل النسوان امه عنده
. وصلت للبيت وخاله رحاب
تحجي بالتلفون بعصبيه
مالي خلك اسأل شكو لكن سنا بمها وتدمع وعسل وازل
. شبيهم ماعرف فتت للغرفه وصار همي انام حتى انسى كلام رضئ
دخلت. دعاء توها فايته وادردم
؛ يعني الله لمن يبلينا ببلوه يلا تخليها تولي خليها تروح لابوها لاخوها لجهنم شعليج
كفيت الغطا
. شبيج طبيبه
_خالتج خابرها عمو عادل وهي صارلها كم يوم ببالها ادز نهى الهم
وهسه عمو متصل يكوللها يريد يخطبها ل ابنه
وخاله تتناقش من كل عقلها هاي ينفتح بجالها بيت
_بجوز تتعدل شمدريج
_والله يا اسريو كلشي يجوز شنو ما تتغدين شبيج اليوم
لا ما اريد غدا بس روحي خاوليج بيدج اسبحي وتعلي اكولج ع شي
_ورايج أكدر بعد اسبح بيها شي لا اسبح بعدين
واجت تركض ع فراشي
