مساء الورد والياسمين كيكاتي
بنات نادر والقدر.. بقلمي..
زهره الرمان.....
_
اسراء.... گلوبنا معصوره ع ابوي
بينما عمي.. كأن عنده تجاره
خاله طلعت من غرفتنا
اشرتلي أهدأ... واسكت
فاتت هيه للاستقبال بعد ما كالت للبنات اطلعوا.
.
رحاب....
ما ألومك ولا أحملك اكثر من طاقه معرفتك لذلك اختصرلك الموضوع
. بحياه اخوك ما راح وياك ولا قبل يطلع شبر من مكانه
وما بيهن هسه القاصر تريد تنفعهن اخذ دم اخوك شوفه بيا حزب او مصلحه راح ابو بيتي
غيرها ما اتوقع محتاحات شي البنات...
بعز حاجتهن وجانن زغار ما شفت طولك ع راسهن. وماتعرف شنو صار عليهن َواذا تخاف من ذياب البشر. فإني اجت اوقات ساوموني بدمي منطيتهن ولا احد شاف طولهن.... مو هسه اخر سنه اسراء تتخرج ودعاء طب بيطري
علمهن ابوهن هنه مو اقل من الرجال بشغل او يتحملن مسؤوليه نفسهن وحمايتها
هاي الفتره اسوء برأيك لو وكت 2006
ووراها من طائفية وقتل وتهجير وتسليب وجانو زغار...
ما اريد ااذيك اكثر هم متصوب انته
وما امنع اي وحده تريد تروح وياك وتحميهن براحتهن
لكن مالك سلطه ع اضفر منهن اذا ما يريدنك. سمعت كافي بسببك فرغ بيتي كااافي..
ولهسه ماتعرف منو ضربكم تبقى هنا خطر علينا اكول لو تتركنا لحمايه بنات اخوك افضل لو تريد يدخلون علينا هالمره... وموت جماعي..
_رحاب. شوفي هذا زمن القوه والفلوس لا تبيعي مثاليات وهاي بنات فكافي
إلى أي وقت تبقين تكابرين وتوكفين بوجه الزمن ف شوفي انه شنو طامع بيهن رايد مصلحتهن
_ومصلحتهن تبتعد وخايرهن اذا تريدهن
ويردنك ما ادخل
_خوش رحاب صح كلامج اروح واخذ بثار اخوي لان السايق عرف صورته قاسم طلع نفسه موديني للمستشفى يعني عالسني لذلك فروح واصفي الوضع وارجعلهن وع كولتج اذا وحده
تحب مساعدتي مراح تتدخلين
_ابد ما ادخل..
طلع وبلا كلام رجعت لغرفه البنات لان ما بيه اشوف مكان نادر قفلتها من يوم روحه نادر...
لگيت البنات دموعهن تجري ع ابوهن
اسراء... كسرتنا بابوي خلت كل وحده بينا بس المواقف البينا وبينه وصدئ صوته الي يخلي دموعنا ما تنشف
حوراء التزمت القرآن وخاله التفت كالت من اليوم التزم بالعده
رحاب...
حجه بحجتين اريد اخلص ما اريد لا جيه عادل ولا غيره اتمنى العده تشمل حتى النسوان ومو بس الصوت الناصي والابتعاد عن التبرج لا كون العده ابتعاد عن الدنيا كلها خله الكون بروحتك نادر
كل الصار بيه من مصايب هانت ووكفت لان احس نفسه بالدنيا.. هسه احس انكسرت نفسي مالي طمع اعيش يوم ثاني بلياه لكن عندي أيتام علمودهم لازم اعيش
