لو أدري تخجل بالعتب جا عاتبيتك
جا جبت كل اليغثني واجيتك
مساء الورد والياسمين كيكاتي 🌹🌹
_ممكن اعرف شتردين دلال مراعاه المشاعر كمتي تستغلينها بقيتي تلغين الاحترام تجاوزين
وكله لان تعرفين اني رجال لا احب اغلط ولا اضرب لان مو رجوله قوه الذراع مو ع المره لكن إذا ا قفل عليج واعاقب صدكي ما تتحملين...شنو الغايه من دخلتي وتصارخين بكل صوتج ما استحيتي رياجيل ماليه البيت
_احترك گلبي قاسم
_يحترك گلبج وما تحترمين احترك گلبج لان تحبيني؟؟
_اكيد لان احبك
_لا دلال عمر ما كان الحب يلغي الاحترام وانتي ما احترمتيني ولا خليتي الي مكانه بين الناس طلعتيني كدام اهلي والعالم ما اعرف احكم عائلتي ولا اعرف اتصرف
الاحترام احد وجوه الحب واقطاب الحب ما تكمل الا بالاسس وانتي خربتي كل الأسس لا احترام لا اهتمام لا يجي بعينج شنو كاعد اسوي لخاطرج
احارب في سبيل ما تنهانين لكن انتي تتعنين للغلط وتصغريني
كدام اهلي
لذلك ماكو حل دلال
اليوم ابو مقدام اول مره ينظرلي بنضره مو حلوه دوم يشوفني وكأن اني الجبير
فيا بنت الناس معززه مكرمه تروحين لاهلج مصرفج وكل شي تحتاجين يوصلج
ومن ارجع هسه منج افسخ الخطوبه ونعل ابو الزواج لابو اليريد نسوان اشرد وربج اشرد من كل الدنيا والخلق
شنو طفل تدخلين وتعيطين والانكس
تغلطين عليه
حقير وجذاب شنو ولج جذبت بيه
يلا كومي
_لا قاسم والله توبه توبه ولا احجي صدك بالله
_ما اصدكج دوم هيج تسوين وماكو فايده
_وروح ابوي اخر مره
_والعالم دلال
_مصار شي تره لا تكبرها
_اي كلشي زغير بعينج وكلشي سهل
بكيفج كبار كبار زغار زغار
_والله توبه
_واذا اسمع صوت لو نگ
_شتسوي سوي
_بس صدكي ما اسوي مثل ماردت هسه اسوي لا ورقتين ورقه بيدج وتجنين ع بنت الناس هم ادز ورقتها
_ان شاء الله يلا كافي
_يمه قاسم مقدام راح مرتين لخطيبته وشافها خاف حاجه محتاجه غير يمه تمر عليها
تاخذلها هذا الواحدي
_شنو حجيه هذا الواحدي
=هذا اليحجون بيه
=اي حجيه موبايل نقال قصدج
_هو هذا روح يمه
_دخلت من المطبخ دلال
حجيه ع منو يروح تردينه قاسم
=سلام قول من رب رحيم طگي بنعالج مثل الهوا تفوتين شبيج دله
_عمه لاتسميني دله
