غيداء .......امي كالت لضرغام روح للمركز وارفع دعوى على ام سردار وكول الهم يجوز هي دزت ناس على اختي ..راح وضاح للمركز واشتكى بس كالوا شنو الدليل كلهم هي ام سردار جاية على اختي بيداء للمستشفى وكايلة الها الا انتقم منج وبيداء كايلة لأمي ...عاد كالوا دزوا على ام سردار واستجوبوها ....كالت الهم وليش انتقم من البنية هو حادث طريق وصار وابني مات وهي هم بنتها ماتت.كالت الهم وهمه يشتكون علية بدون دليل على اساس شنو ......وجان يطلعوها لان ماكو شي يثبت بان هي مسويه هذا الشي .....طلع وضاح وامي من المركز وراح دم بيداء...امي خلت عينها بعين الله وسكتت...وراحت بيداء هي وخلفتها واي واحد تزوجته اي ذكرى منها مابقت سودة علية ....عاشت مظلومة وماتت مظلومة... فاتت الايام وعبر على موت بيداء سنتين تقريبا... وضرغام تقريبا كل سنة او بين سنة وسنة تجيه بنية راح يموت بس يريد يشوف الولد بعينة . ووضاح اخوية صار عنده بنية وولد اثنين. واني صار عندي بنات اثنين وحدة احلى من الثانية ترسوا علية حياتي.بس يبقى مكان بيداء فارغ وفراكها يحرك بكلبي حرك.
بين فترة وفترة اروح يم لمياء ولمياء تجيني. بقينا بس احنا وامي هم تجي يمي.واني قليل اروح لاهلي لان مرت ضرغام نحسة .
فد يوم اني رحت لبيت لمياء. من طلعت داريد اصعد للسيارة جان اشوف ولد شاب كدامي بس ضعيف حيل . عبالك شايفته شوية لان بعيد علية بس ركزت جان يطلع حبيبي احمد الي حرمني منه ضرغام هو شافني راسا عرفني تبسمر بمكانه ويباوع عليه واني هم بقيت اباوع عليه.بس تذكرت اني متزوجة وبناتي استغفرت الله وصعدت للسيارة بس الطريق كله اني ابجي لان رجعت لوين .....لان اني احبه جنت هواي .رجعت للبيت بدلت لبناتي من شفت بناتي كدامي نسيت الدنيا كلها كلت الحمد لله بناتي عندي الدنيا ومابيها .... عبرت ايام. اني جنت بالحمام داسبح. طلعت البنات نايمات سمعت الباب اندكت علية اني لافة شعري بالخاولي ولابسة دشداشة قصيرة صحت منو منو جان اشوف الباب تندفع مال باب البيت وشفت كدامي احمد عزة العزاك شجابك ... فوتيني سريع اخوج ضرغام يمكن شافني من راس الشارع غيداء .....شنو ضرغام صخام بعيني انت شجابك اني من شفتج هناك من جنتي يم اختج مشيت وراكم بالسيارة واندليت البيت وبس ردت اشوفج والله مو قصدي وسخ وانتي تعرفيني ردت بس افهمج وين اني رحت عبالج عفتج اني اخوج ضرغام هو الي ذب براسي دعوة وكل هاي السنين مسجون بسببه وقبل شهرين طلعت ودادور عليج حتى افهمج وهسة جيت دادك الباب عليج شفت ضرغام وكبل فتحت الباب حتى اختل بهذا الحجي فات ضرغام .
ضرغام .......ماشاء الله مو اكول انتي واختج بيداء مو شريفات محد صدكني. غيداء .....ضرغام والله ماعندي شي ولاتصيح البنات نايمات فدوة اروحلك وانت لك ساقط والله لاذبحكم . احمد ....كافي عاد ظلم اختك شريفة وانت الي ذبيتني بالسجن وانت الي حرمتني منها
ضرغام ....باعوا لكم لا تلوفوها علية غيداء .... ضرغام لزم احمد وبينهم صارت واحد يضرب الثاني وجرني ضرغام من الخاولي وكعه وملخ شعري واحمد راد يدافع عليه ضرغام جر طابوكة نومها براسه بهذا الحجي فات وضاح وحسين وفاتوا كلهم ضرغام ذبحتوني خواتي شريفات وشريفات شوفوا اختكم شنو لكيت يمها وشوفوا شلابسة اله وسابحتله. فتت عليهم لكيتهم اثنينهم بالبيت ......هذا حبيبها الاولي . من رجلها يطلع تفوت حبيبها بهذا الحجي بناتي كعدن ومجلبات بيه ويبجن . وهو يجر بيه دماني دماية ...وحسين ووضاح هم تخبلوا كتلهم والله ماعندي شي وياه . حسين كال شنو ماعندج شي وياه وهو يمج بالبيت .لج ليش مو رجلج خوش رجال واني ابجي واحلف .
احمد ....كمت بيه مابيه وغركان بدمي والله ماعدها شي اني جيت عليها .
غيداء ....اندار وضاح وضرغام وحسين على احمد موتوه ضرب ..واني اصيح كافي .
فات رجلي .... كال شكو.ختلت وراه اني والبنات .
ردتك ولايه لغربتي منين مر بيك الضباب و #تيهتني ..💔
جان ضرغام يجرني من وراه كله اخذ بناتك بنتنا مو شريفة واحنا راح نغسل عارنا .رجلي تخبل كلهم مستحيل. عاد ضرغام كله جان هذا العار يمها . جان رجلي حاميني ومختلني وراه وضرغام يجر بيه بس من سمع اخوية يكول عليه هيج هو لازم يصدك
