البارت الاخير.....
سميرة... كرهت روحي شعري راح وشكلي صار شلونه وين اروح وابوية كال اذبحج وامي تعرف ابوية من يكول شي يسويه
امي كالت نخلص منه لان كافي لهنا خلص لان بس نعوفه يموتج
بذاك الوكت جانت طائفية قوية وذبح وقتل زين ابوية ميخلينا لا اني ولا خواتي يطلعن
اتفقت وية امي كتلها لازم تشوفين طريقة يجي بيها حسوني هنا علية.
امي كالت ليش كتلها بس هو يحلها...
امي كالت معليج اليوم اني احلها واخليه يجي وامي هم تخاف تطلع تخاف ابوية يجي عليه.
ولازم نحلها سريع.
بس طلع ابوية امي كالت قغلوا الباب هسة اجي.
راحت امي لحسوني كلتله ساعة ٣ بالليل تجي
حسوني.... ليش خاله مسوين كمين حتى تقتلوني لا اجي ولا شي
امي.... لا اسمع سميرة ابوها ضربها وزين شعرها ونريد نتفق وياك بس انت تخلصنه واحنا بشاربك.
حسوني ليش بالليل هسة اجي مو مال ليل وخلي اكول لجماعتي اني وين رايح خاف غدره بيها.
امي... هذا هو راح اروح وتعال وراية احسن بالنهار.
حسوني.... رحت وراها لان اذن العصر وادري ابوها بصلاة العصر. فتت للبيت شفت سميرة مكسرة
كتلها لج هاي صدك ضاربج وشفتها لابسة شال.
سميرة... لخاطر كل دقيقة بينا حتى لو مو تحبني احسبني بشاربك خلصني من ابوية. والي تريده اسويه
حسوني.. ابوج سهلة مو صعبة بس اذا خلصتج منه شنو الي اريده منج تسويه.
سميرة... كلشي تريده اسويه.
حسوني... هذا هو خلي اتفق وية الي وياية
سميرة.... ميصير تطول ترى يموتني..
حسوني.... خلص باجر لو بعد باجر كلشي انتهى. بس كتلج شنو اريدج تسوين تسوين.
سميرة... اتفقنا..
سميرة.... من طلع امي كالت هااا
كتلها خلص.
امي كالت بس انتبهي اليوم انتي وخواتج لان ابوج بس يتصفن.
ضرغام..... تاليتها بناتي هيج يطلعن اووف ياربي
ام سميرة... فتت على ضرغام داكوله تاكل لكيته يبجي كتله ضرغام اسويلك غداء..
شو هذا كام ويصيح عليه كله من وراج ولزمني موتتني كتل كسرني
سميرة.... سمعت صوت امي تصيح وخواتي كمزن كلهن من بعيد مارحت وكفت شفت ابوية لازم شعر امي ويركع براسها بالحايط. ويكلها هاي تاليتها وياج وية بناتج جنت رافع راسي بيكم الله ياخذكم وبسيطة الج ولبناتج وبقى يدفر بامي وخواتي يفكن بشعرها من ايد ابوية وضرب خواتي هم
جان يكول ذيج وينها وجان يجي للغرفة ختلت خفت امي سودة علية بيها مابيها ذبت روحها كدام ابوية حتى لايجيني والبنات هم. جان يطلع كال بسيطة الكم.
جيت على امي حظنتها وخشمها يذب دم وشعرها ملخه خواتي يبجن ويدعن عليه.
وامي حقدت على ابوية بعد اكثر واني حقدت عليه.
اجى الليل وابوية مااجى صارت ساعة ١٢ وماكو وهو ورى صلاة العشاء يفوت بعد ميطلع.
صارت ساعة ارربعة الصبح وماكو ابوية.
صبح الصبح وابوية ماكو
استغربنا.
امي كالت للعصر اذا مااجى اروح اكول لاخوته شيفضها يكولون ليش ماكال.
اجى العصر وماكو عاد راحت امي لعمامي
جان يكولون الها البارحة اجا على وضاح وطلعوا ولحد هسة محد اجا منهم. وامي لكتهم متخبلين وعمامي طلعوا يسئلون وماكو.
