.يدار حكج هجم والبوم ينغط بيج ومن يوم شال الولف حرام مانلفيج✍👉
غيداء ....فتنا للمستشفى وفتنا على بيداء لكيناها مكسرة وفاقدة تخبلت امي سئلنا الدكتور كال حادث كلش قوي وبنتها ورجلها ماتوا امي ولمياء بقوا يعيطون واني الطم واخوتي انقهروا
ضرغام ...الله واكبر عليج روحتي الولد
غيداء ...لك هي بيا حال هذا الحجي نايمة بيداء فاصلة ومتدري بعدها بنتها ورجلها ماتوا . بقينا يمها ثاني يوم الصبح كعدت سودة عليه وتصيح سرو يمة الممرضة يمها ثولة جان تكلها الله يصبرج الله يرحم بنتج ورجلج جان تفرفح بيداء ومتكدر تلطم لان مكسرة متكدر تحرك لا ايد ولا رجل بس فرفحت خفنا عليها لايصير بيها شي . وبقينا نحجي وياها حتى شوية تسكت وجان تفقد
وبقت على المغذي وفقدت ورى يومين يلا كعدت وكعدت تبجي وتكول لامي يمة هذا حلم مو مكتوب عليه ادفن جهالي وابقى عايشة
هذا حلم مو يمة .... ام ضرغام ....روحي راح تطلع على بنيتي يمة انتي انسانة مومنة وربج كتب علينا هيج شي احمدي الله واشكريه وكلنا راح نروح وراهم
غيداء....بس يمة ذولة جهالي شلون اصبر جتي سرو شوية لهتني عن وجع كلبي على اخوتها .
ام ضرغام ....يمة الله يرحمهم ويصبر كلبج وكلبنا يمة بنتي فرفحت شسوي ربي.
فاتت ايام وبيداء بالمستشفى .
بيداء ...الصبح نار مشتعلة بكلبي وجان تجي ام سردار وياها شباب اثنين فاتت عليه ولابسه ابيض وبالكوة تحجي عربي كالت ...
اخذتي ابني مني ومات هو وبنته. اني ماراح البس اسود الا اخذ ثار سردار منج. تعرفين شلون لويبقى اخر يوم من عمري احرك كلبج من المكان الي احترك كلبي منه احرك كلبج يلا اموتج .اني اكدر هسة اموتج بس لا احرك كلبج نفس حركة كلبي.
وجان تطلع من يمي واني بقيت ساكتة ودموعي تصب ونار مشتعلة بكلبي على بنتي وعلى سردار ربي كلبي بعد مايتحمل اريد اموت اخذني وخلصني من العذاب.ربي نار مشتعلة بصدري.
غيداء .....عبر على مصيبة بيداء خمس سنوات وهي تتلوى بجروحها وعايشة تروح لمقبرة رعد وجهالها وتروح لقبر سردار وبنته. عاشت الخمس سنين بين المقابر. وبين شلعان قلب ضرغام. مرت ضرغام تتخبل من بيداء تكرهها ضرغام بهاي الخمس سنوات صار عنده اربع بنات راد يموت بس يشوف الولد وماشافه. ووضاح صار عنده ٣ جهال وحسين صار عنده ٣ جهال. واني صار عندي بنات ٢ وحدة عمرها ٨ سنين وحدة ٧ سنين.
بس ورة خمس سنوات وضعيت بيداء احسن من البداية.بالبداية ورى ماراح سردار وبنتها رادت تموت من قهرها .على بنتها.وهي عدها بيت سجله باسمها سردار الله يرحمه مأجرته وتصرف على نفسها منه.
غيداء....مااطولها عليكم فاتت الايام وجان يجي ضرغام لان يريد يخلص من بيداء لان مرته متريدها وامي حايرة بزمانها بين مرت ضرغام وبين بيداء . جان يجي ضرغام كال لامي يمة اكو ولد صاحبنا خوش ولد يريد بيداء ومااريد ترفضون . لان يريد يخلص من بيداء حتى يريح مرته ام البنات.. امي كالتله يمة بيداء مااعتقد تقبل كلها مو كيفها. وهو ساكمها لبيداء عينه على اكلتها وطلعتها وشربتها وعلى كلشي موتها بتعامله.اني الصراحة كيفت اريد بيداء تتزوج حتى تخلص من ضيم ضرغام ومرته وهم شويه تخفف روحه للمقابر . التمينا اني ولمياء وامي كلنا لبيداء جايج عريس شو هاي تخبلت . بقينا حجينا براسها كلنا الها اقلها رجال يوديج يجيبج ليش ساكمج ضرغام ومرته. تشترين تروحين تجين بيتج لوحدج لكمتج لوحدج بيداء ....وشحصلت من عشت بيت وحدي حصلت بنية وماتت شتريدون هم اخلف بنية او ولد ويموتون اني فكر وجربت حظي وكلبي لحد هسة محروك .
ظلينا حجينا براسها وذكرناها بمعاملة ضرغام ومرته . امي كامت تبجي كدام بيداء وتخربطت وكالت لبيداء يمة اريد اامن عليج وماريد تبقين يم نسوان الاخ من اموت بيداء كامت تبجي وكالت لامي والله بعد مالي نفس بشي ولا بزواج . امي كالتلها ادري والله يمة بس هاي الدنيا واريد اامن عليج بعدج صغيرة والولد الي متقدملج خوش ولد وابن حلال. لخاطري يمة وافقي حتى اموت واني مأمنه. المهم عبرت الايام وبيداء انخطبت وتزوجت محمد خوش ولد.. ومحمد هم من اهل كركوك كعدها اببت ابكركوك...ومرت الايام وصارت حامل ..وجان يصير الي محد محسبلة........
يتبع.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
