االبارت 19
كون أشم هدومك وأشبع هوه
الوادم تگلي ترا كلها سوه
لا يعمي لا يبوي والله مو كلها سوه
النابت بگلبي عرج ويطگ خضار
أشلون أحسبنها مثل شتل النوه
ضرغام : شمس عوفي هذا الموضوع ومعليچ بيه افتهمتي..
شمس : خوش ضرغام هذا هو ، وچان اگوم وگتله اني رايحة باي... گمز ورايه... آني وصلت للباب دا افتح الباب لزم ايدي ضرغام : ليش هيجي گمتي وانتي شعليچ؟؟؟ تعالي اكلچ خاف احد دازج عليه؟؟
شمس : لزمني من شعري... بسرعة بدلت الموضوع خفت على بيداء...گتله منو يدزني شبيك هو منو يدري شكو بيني وبينك وخر أذيتني اخ ضرغام شعري...
ضرغام : لعد ليش ضجتي من هذا الموضوع؟؟
شمس : اني مو علمود موضوع بيداء بس انت طريقتك بالحچي ويايه مو حلوة وانقهرت.
ضرغام : اني گتلچ هذا الموضوع معليچ بيه وخلص على شنو تضوجين؟؟
شمس : هسة المهم راح اروح خاف احد ينتبه.. اگلك شنو هذا المسدس اللي يم راسك؟؟!!
ضرغام : هذامسدسي الي ما اگدر بدونه ....ديلا انتبهي ما اريد احد يعرف اي شي عن الكلام الي بيني وبينچ.
شمس : افتهمت ، وگتله تصبح على خير وحطيت ايدي على خده وگتله باي.
ضرغام : اشتعل ابوچ امشي ولي .
شمس : شبيك ضرغومتي؟؟!
ضرغام : سلامتچ مابيه شي بس روحي يلا.
شمس : ضرغام.
ضرغام : هاعيون ضرغام؟
شمس : شنو؟؟ عيدها
ضرغام : شنو شعيد اني شحچيت؟؟ شمس امشي روحي من كدامي احسن الچ وإلي .
شمس:كتله باي وسديت الباب ورجعت صحت ضرغااام
ضرغام : بعد شكو احچي ؟؟
شمس : اموت عليك
ضرغام : اني هم.
شمس : يبووووو انبشوا.
ضرغام : منو يولي؟؟!!
شمس : هاا شمدريني باي.
ضرغام : عاد راحت....خبلة والله بس احبها.
شمس : نزلت للبنات...گالن ها بشري؟؟؟؟ گتلهن والله ماادري شبيه ميبس راسه.
بيداء : أيست ودموعي تنزل لحالها ...گلت للبنات مشتاقتله حيل... گالن البنات دخلي يصبح الصبح ويروحون الولد احنا نراقبلچ وانتي صعدي شوفيه....ماصدگت ، صدگ يعني اشوفه باچر؟؟!!.....عاد البنات گالوا اي شوفيه وفهميه وهوني عليه وگوليله الله كريم لازم تخلص.... هسة هو هم مشتعل گلبه نار.
المهم ....ثاني يوم اني گعدت متحمسة لان راح اشوف ضوا عيوني....بس راحوا الولد البنات گالن احنا هنا نراقبلچ... صعدت ....اول ماصعدت وصلت للسياج رفع راسه حبيبي
گتله حسيت روحي چانت غايبة ورجعت الي بشوفة عيونك يابعد كل الي الي.
رعد : اووووف يابعد هاي الروح وبعد كل اوف.
صدگيني بفراگچ چنت اعمى بس لاحني الهواء منج رديت اشوف.
بيداء : مشتاقتلك يابعد بيتي
حتى لو تكلفني الروح هايه جيتي
رعد : اسم الله على روحچ يابعد روحي.
بسرعة يابعد الروح شكو بداخلج بوحي.
بيداء : شحچيلك وشوصفلك شگد چنت مقهورة
بس شفتك كلشي تغير بداخلي وانعكست الصورة.
رعد : يابعد كل الصور خليني اشبع منچ شوف
لو يگطعوني الف وصله لااتركچ ولا اعوف
بيداء : ادري بيك بحبيبي مخبل ومتجوز مني
رعد : شجوز يابعد أهلي آني بهواچ چن راكبني جني
بيداء : واذا مقبلوا وعاندوا ولافاد انس ولا جان
وكالولك انسى وابتعد واترك الصار والي چان؟؟
رعد : بساعتها اعلن حرب...واصحي هتلر وجيشه اجمع
واگله چم يهودي بقوا احرگهم وارجع.
بيداء : منهو قصدك ؟؟
رعد : كل واحد يبعدني عنچ احسبه لادين ولا ديانة واسميه يهودي....اولهم ضرغام النذل ولخاطرچ دا آخذ وياه وانطي.
بيداء : رعد چانت بيه حسرة
لشوفتك
#مال ام شهيد
#تشوف محبوبة ابنهه اتزوجت
رعد : يابعد الحسرات وكل شي ولاني.
عبالچ مااحس بيچ؟؟ مو حايط اني.
بس چان شکيتلي يابعد عمري.
وكل قهر وعلة بيچ عليه شمري.
بيداء : ويـن ألگـاك وأحچـيـلك هـضـم روحـي وسـوالفـهـا
وأگلـك روحـي مـا حبـت شخـص غيـرك يـوالفـها !!
رعد : حبيبتي لازم اظل احاول وياهم بلكي يارب يرضون وهواي اشتاقيتلچ بهاي الايام الي راحت وادري بيچ اشتاقيتيلي ويومية اصعد بالسطح وانتظر بلكي تصعدين حتى اشوفچ....
بيداء : ماگدرت والله خفت.... هسه لو مو البنات شجعوني ولأن آني مشتاقتلك چان هم ماكدرت....اخاف ضرغام على ساعة يفوت.
رعد : هو ليش هيچي معاند لو بس اعرف ؟؟؟
بيداء : هو هذا الي مخبلني....وفوكاها يگول ماعندي شي ويا رعد ويمدح بيك.
غيداء : علاوي ابن لمياء چان يلعب بغرفتنا اني وبيداء وصعد على الميز وچان يوكع وسمعنا عيطه كلنا ركضنا اني و امي و لمياء و شمس... لان شمس ظلت يمنا لان عدها عطله ولان ملتمين احنا البنات فتنا على علاوي لگينا حلگه يخرخر دم لان شفايفه تعورت فأمي گالت ركض جيبيلي شكر .....
جبتلها الشكر .حطته علئ حلكه....حتى يوگف الدم حبيبي بالگوة يلا سكت وبس يبجي .عاد سكت شوية.
ضرغام : الصبح من طلعت نسيت المحفظة مالتي بالغرفة وآني عندي معاملة مال سيارة والاوراق والمستمسكات بالمحفظة فرجعت للبيت حتى آخذ المحفظة فتت للبيت صعدت فوك بوجهي كلت ملتهيات بالشغل يجوز وسمعت صوتهن بغرفة البنات عاد صعدت اخذت المحفظة والبردة مفتوحه مال غرفتي على السطح وچان اشوف بيداء واگفه هي ورعد گدامها ديحچون من السياج ....الله واكبر گلبي چان حاس... گبل طلعت فتحت باب السطح صحت بعالي صوتي والله عرفت يعني لان مانطيتچ تحچين وياه من السطح وجريتها من شعرها ملختها....
وگلت لرعد أما انت يول حسابي وياك بعدين ....بنت النعال هيچي تسوين وتنزلين راسنا
رعد: ضرغام كافي لا تمد ايدك وخر ايدك منها وجان اطفر من السياج وخرت ايده من عدها
