البارت الثلاثون
بيداء...بنص الضرب سمعت صوت بنت جيرانا تصيح وتكول الحكوا.جهالكم غركوا دفعت ضرغام وطلعت ركض جان اشوف العالم ملتمة ظليت ادفع بيهم شفت وضاح اخوية يلطم على راسه وجهالي كدامه اثنينهم.هو مطلعهم.من المي واثنينهم لاحس ولانفس .
بقيت واكفة اباوع شديصير وليش جهالي نايمين.مبللين وليش وصاح ديلطم واني خشمي وحلكي يذبن دم من الضرب باوعت على جهالي معقولة بيهم شي معقولة راحوا وعافوني لا مااعتقد ميعوفون امهم يدرون بيه مااعيش وراهم جيت حظنتهم وحجيت وياهم يمة معقولة تعوفوني ردوا علية لاتسكتون ماعندي غيركم انتوا الي مصبريني على الدنيا ورى ابوكم
غيداء..... بقينا ندك ونلطم وبيداء بكل هدوء تحجي وية جهالها جان تفز من مكانها وكامت على ضرغام تضربه على صدره ملخته كالتله ارتاحيت هسة بسببك راحوا جهالي وتصيح وتملخ.بروحها جان تتخربط....
شلناها وديناها للمستشفى...
وراحوا دفنوا الجهال سودة علية وسوينا فاتحة وبيداء بالمستشفى فاقدة .
امي كالت لضرغام تبريت منك دنيا اخرة وامي تمرضت على الجهال...
يعني بيداء خسرت الاول والتالي ....
هو الماينام #الليل
لازم سالفة #أبالة
لو مبيوع من #اعزاز
لو متمرمرة #احوالة
ورى اسبوع تقريبا يلا صحت بيداء وهاي احنا مامفاركيها. كعدت بس كعدت.غير بيداء غير وحدة بس ساكتة... وعيونها تصب دمع لو بس صافنة نحجي وياها مترد
وبقت على هاي الحالة شهر لان امي طردت ضرغام من البيت... بس قبل ماتطرده شمس مرت ضرغام اخذت بنتها وراحت لبيت اهلها
كالت بعد مااريده اكرهها لو يموت ماارجع اريد اطلك منه بيت اهلها جيران بيت اهلي حايط على حايط وهذا ضرغام ميريد يطلكها ويومية يسوي مشكله ويريد بنته يكول مااعوف شمس جان تجي شمس دتشوف امي ضرغام اجى دياخذ هدومه حتى يطلع من البيت
جان يشوف شمس كلها مااعوفج لو شنو يصير كلتله.مااريدك
كلها تعالي بس عندي كلمتين وياج جرها من ايدها فوتها للغرفة وقفل الباب
كلها مااطلكج.اني احنا سكتنا كلنا رجال ومرة
عادي ونسمعه.يكلها مااطلكج.هي كالتله مااريدك والله وجان نسمع بس الصياح..
نزع الحزام وموتها.كتل بالحزام وهي تعيط ردنا بس نفتح الباب حتى نفكها جان يسمعون اخوتها يعني بيت خالي سمعوا صوت عياط شمس جان يجي خالي ووالولد كسروا الباب لكوا.ضرغام لازم الحزام ويكتل بشمس لزموا ضرغام كسروا تكسر وشمس كالتله غصبن عليك اطلكني مااريد حيوان مثلك...وطلعوا راحوا اشتكوا.على ضرغام لان ضرغام موتوا كتل ويكول مااطلكها..
رفعوا دعوة عليه وراحت شمس للمستشفى كتبوا تقرير بالضرب مالتها وطلكوها من ضرغام سووا خلع
ضرغام تخبل لان حيل يحبها لشمس ...
وبيت خالي اصلا شالوا من بصفنا راحوا شالوا بكربلاء.واخذوا شمس وبنتها.....صار مكانهم خالي
ومرت ٧ اشهر. تقريبا وبيداء على حالها لاتحجي ولا تسولف حرنا بيها بس صافنة
اني هنا صار ٩ اشهر اني حامل جان تصير ولادتي
وجبت بنوتة كلش حلوة صح اني جبت وفرحت ابنتي بس بالي يم بيداء كلبي مشلوع عليها فاتت فترة وجان.......
يتبع
