البارت29 ضرغام...شفت غيداء واكفة يم واحد ودتحجي حسيت نار اشتعلت بيه الله اكبر جيت جريتها بنص الشارع سحل واخذتها وهذا الواكف اجا تقدم علية راد يضربني لان اخذت غيداء تعاركت وياه والعالم فكتنا اخذت غيداء ورحت للبيت فوتتها سحل شافتني امي وشمس جوي علية . جان الزمها بالغرفة وقفلت باب الغرفة ودك كتل موتتها واني داكتل بيها سمعت شمس تصيح افتح الباب الله اكبر عليك جكد ظالم .المهم بهذا الحجي اجا وضاح صدفه وسنان اخو شمس وكسروا الباب. فات وضاح وتضاربنا اني وياه وسنان هم كال شبيك تخبلت. كتله لوضاح اختك الشريفة واكفة بالشارع تحجي وية واحد . غيداء ....لزمني موتني كتل الى ان فقدت .كال الا ازين شعرها تخبلت كلت اويلي اصير مثل بيداء. سنان من سمع اني حاجية وية واحد ضاج مني فد مرة وضاح كله افهم بعدين احجي واضرب كله شنو افهم شفتها بعيني....المهم حبسني ضرغام وكال خلص بعد ماكو دوام بس الي استغربته عبرت ايام وماكو احمد لا سئل لا اجى لا بين ابد شمس جانت يمي كتلها شمس شو لا سئل ولابين ولا عبالك انسحلت من كدامه.شمس كالت شلون يسئل هو اخوج يخلي واحد يسئل .هي صح هيج تحجي بس اني حيل مقهورة . عبر تقريبا شهر واني محبوسة واحمد ماكو لاحس ولاخبر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جان يجي ضرغام كال شفتي ياعار رحتي حجيتي وية واحد وشوفي عافج مثل الجلبة واليوم زواجه. لوبيه خير جان اجى تقدملج.جان يسد للباب علية الله اكبر نار اشتعلت بيه يعني احمد جان يتسلى بيه كل هذا الوقت .وراح اخذ غير وحدة .
وانتهت هاي السنه وما لگينه اعزاز #امس ؟
ناس تاخذها المنيه وناس ياخذها #العرس !!
حسيت الدنيا كلها خلصت واني البشر الحبيته وانضربت علموده عافني وتزوج لو بس صابر شوية بين مايفتهم مني اني شنو الي خلاني اصدك هو تزوج لان لو صدك جان اجى سئل علية جان تقدملي جان حاول بس ماكو بقيت بس احرك بروحي وابجي . ورى شهر تقريبا واني صفيت جلد وعظم من القهر والحبسة جان اسمع صوت ضرغام ووضاح وامي يتحاجون وضرغام اسمعه يكول لو تتزوجه لو اموتها وامي تكله يمة ميصير هذا زواج مو لعبة . ووضاح يكله لا تظلمها وضرغام يكله قابل دازوجها جلاد . اصلا خوش ولد وصديقي واني اعرفه . عاد هدد امي كلها لو تتزوج لو اموتها هي نايمة. عاد امي واختي لمياء جوي علية يمة تزوجي ترى يموتج. اقلها هذا الولد خوش ولد ومتدين . كتلهم لو اموت مااتزوج امي ظلت تتوسل بيه كالتلي يمة تتزوجين اامن عليج لان اذا تبقين هذا يسكمج.ضرغام .واني حيلي مو مثل قبل. زين اني جنت مصدومة ومحروكة حرك من الي صار من زواج احمد شي بداخلي مثل العناد باحمد .. كتلهم اي هذا هو موافقة وامي هلهلت ولمياء وشمس بس شمس ضاجت لان جانت رايدتني لاخوها سنان وهو هم يريدني.... عاد كلها فضت الخطوبة والزواج وكلشي بشهرين. تزوجت قتيبة وطلع كلش خوش ولد وفقير.
