غيداء.... اخوتي كل واحد حاير بمرته محد علية بينا خالينا لعبة بيد ضرغام. فات تقريبا اسبوعين من زيارة ام سردار النا جان يجي سردار لبيت اهلي كال اني كملت كلشي واخذت بيت بكركوك حتى نبقى بينكم وبين اهلي لان اهلي بالشمال يصيرون قريبين عليه وانتوا هم يعني بوسطكم نعيش هو سردار الصراحة خوش ولد وفقير وبعد احسن حتى من رعد ويحب بيداء بس المشكله هي روحها معلكة برعد. صار الاتفاق وسردار اخذ بيداء سوينا حفلة بسيطة بيناتنا وخطية هو لوحده بدون كل واحد من اهله لان ماقابلين على زواجه. اجى لوحده وبقى يتعذر لامي ولبيداء. وبيداء كاعدة بس دموعها تصب.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بيداء ....من اجا سردار تذكرت كلشي صار بيوم زواجي من رعد ومن اخذني وتذكرت ضحكته نار اشتعلت بكلبي ياربي اخذني نار مدااتحملها.وتذكرت جهالي ومشتاقة اشتم ريحتهم وينك رعد .
بعدها عالصور مفتوحة العيوون ... و بعد عندي أمل باجر أتردوون...
غيداء....سردار اخذ بيداء وراحوا لكركوك...خلصت من ضرغام وظلمه يارب ترتاح وياه. امي بقت تبجي بيداء...فتت للبيت البيت جديد ويخبل واثاث جديد مال عرسان. بس اني روحي مختنكة مااكدر مداحسه رجلي مو بيدي يارب سردار ...اني فرحت لان بيداء صارت يمي أمنت شوية شوية تتقبلني اني حبيتها حيل وان شاء الله تحبني. اني مسوي مفاجاه الها بالبيت اول متفوت محضر الها عشاء وشموع وحاطلها هدية من فتنا هي فاتت كعدت بس ساكتة يلا بيداء كومي بدلي دتتعشين بيداء ...لا مااريد اتعشى انت سردار ...مااكل الا تاكلين واني جوعان بيداء ...سردار اني وياك اتفقنا كل واحد لوحد. سردار ....واني على الوعد بس خومو بالاكل هم اقلها نصير اني وياج اصدقاء .واحسبيني سند الج وعشيرة واهل وصندوق اسرارج وهمومج . بيداء ....انت ليش اختاريتني وتدري بيه اني ام لجهال اثنين ومتزوجة من واحد جان حبيبي وروحي بيه وتزوجته وصار مو بس حبيبي صار كل حياتي وعمري.
سردار ....حبيتج والله من كل كلبي اكو بنات هواي وشفت بنات هواي بس مادخل بكلبي غيرج شسوي لكلبي مو بيدي. يلا كومي هسة نتعشى وتعبانين من الطريق كومي بدلي بين مااحضر كلشي
بيداء...فتت سبحت وبدلت طلعت لكيت محضر العشاء والشاي كعدت على اعصابي تعشيت وياه واني لحد الان عيوني بعيونه ماصايرة ماباوعت بوجهه. بداء يحجي ويسولف باهله وبشغله وشلون تعرف على ضرغام. سردار ...اني داسولف شفتها اندمجت بالسوالف وحسيته تريد تسمعني وبدات تاكل وتسمعني . كملنا .شغلت فلم نتفرجه كعدت هي على قنفة واني على قنفة اني احب الافلام الاجنبية هواية اني بقيت اتفرج الى ان خلص الفلم اندارت لكيت بيداء نايمة على القنفة زين شلون خاف اكعدها خطية غاطة بنومتها. واذا اشيلها خاف عبالها اريد منها شي واني وعدتها. احسن شي اجيب الها غطاء تظل بمكانها وغطيتها. بيداء ...كعدت الصبح لكيت نفسي نايمة على القنفة ومتغطية باوعت على القنفة الكدامي سردار هم نايم ومتغطي. رجعت نمت لان حيل تعبانة من الطريق سردار ....كعدت ساعة ١١ هاي اول مرة هيج اتاخر بالنومة فتحت عيوني شفت بيداء نايمة بقيت اباوع على وجهها مثل طفلة نايمة. كمت حضرتلها ريوك .وجبته يلا بيداء كعدي كسلانة بيداء ...كعدت شفته محضرلي الريوك كال صباح الورد ادري بنومتج مو زينة لان على القنفة. كتله لا عادي نمت مرتاحة. سردار ....يلا لعد كومي دنتريك حتى نطلع بيداء....وين سردار....مفاجاة بيداء ...تريكنا كال يلا بدلي دنطلع بدلت واخذني بالسيارة بس ماادري وين سردار ....اني جنت محظر بس نتزوج اخذ بيداء ونطلع للشمال بس مو بالمنطقة الي اهلي بيها اخذتها للمصايف حتى تغير جو وبقينا عشرة ايام بالشمال. بس المشكلة بيداء مسيرة اكله نامي تنام كعدي تكعد خلي نطلع بدلي تبدل اكلها نكعد بالبيت تكعد .هي بس تنفذ.متناقش.رجعنا لبيتنا. كمت اني اطلع للشغل بس اشيل هم بيداء لان لوحدها خاف تضوج
