البارت 18
رعد : جبت عمامي وخوالي ورحنا مشاية لبيت بيداء، راح اطك صار جكد ماشايفها لو بس اعرف ليش ميبس راسه هذا ضرغام جان ارتاحيت!!!
المهم انطيناهم خبر راح نجي عليهم، ورحنا لكيت الولد كلهم ملتمين.
ضرغام : قبل لايجون فتت على امي كلتلها شفتيهم مصرين على بيداء يريدوها.. شمعنى؟؟!!
ام وضاح : لك يمه عادي كل بنية اشكال يجوها والبنية گنطرة ياهو الي يجي يعبر ، وتبقى هاي قسمة ونصيب بدل ما تفرح وترفع راسك لان اختك خوش بنية وهيچ العالم ذابحين روحهم عليها ، فيا يمة لا تظل ميبس راسك.
ضرغام : والله لو بس هو يبقى ما انطيها اله ، لأبن الشارع انطيها ولرعد ما انطيها.
ام وضاح : بس انت ماعندك شي وياه وعلاقتك حلوة وياه.
ضرغام : هو خوش ولد واني احبه وماشفت عليه شي،
بس مادام لح بطلبه لبيداء ان شاء الله لا اريحه ولا اريحها يجوز اكو شي ماادري بيه آني.
ام وضاح : انت تمشي على الي يجوز وتكهنات ما لدالها معنى، آني امها والنهار كله موجودة شنو الي يريد يصير؟؟!!
ضرغام : هسة الله كريم.
رعد : فتنا لگينا الولد كلهم ملتمين فگعدنا .....واني روحي وعقلي صار بغير عالم ، الله ياريحة حبيبي.
بدأوا عمامي وخوالي يحچون وطلبوا بيداء وگالوا نريدها لابننا رعد ...هم رفض ضرغام وطلع الف حجة.....عمامي گالوله يعني تردنا واحنا دايسين بيتك؟؟!!
ضرغام : جيتكم على راسي بس ماعدنا بنات للزواج
رعد : ضرغام انت تعرف اخلاقي وان شاء الله اصون بنتكم. نزلت نفسي هواي لضرغام بس شسوي لاجل عينها تكرم الف عين، كلشي حاولنا ردنا مافاد واني ما اريد ينتبه عليه زايد والا كل شوية اريد اگوم اخنگه.
عاد عمي كال يلا امشينا الظاهر ماكو قسمة ....صرت مثل طير المذبوح بين عمي وبين اخوتها عليمن اندار امنيتي اصيحها واگلها تعالي ويايه او بس اشوفها ، وعمامي وصوني حتى لو مانطونا بيداء لازم ما احجي وگالولي نظل نحاول بس اذا تحجي كلشي يخرب عليك. طلعنا وأحس مكسور ظهري
.اثنينهن يردن خلگ ⭕️
تفكيري بيك وفرگتك⁉️
والصفنه رافگهاالدمع?
والعين رادت شوفتك
بيداء : چنت بالمطبخ وشفته من شباك المطبخ اني وغيداء شوية واخرب وبالگوة حابسة دمعتي حتى مينتبهون عليه ...
اسألني عن إغتنام الفرص ؟
- أُخبرك عن النظر إليك دون أنتباهك ❤️
وضرغام شوكت ينفتح الموضوع يباوع بوجهي...چان يجي ضرغام صاح بيداء سويلي شاي ويباوع بوجهي ... سويت روحي طبيعية بس نار مشتعلة بيه حتى وزني نزل لأن اكل مااكل وكل هذا لازم اكابر ، غيداء گالت ضرغام اني راح اسويلك چاي ، چان يگول ليش شبيها بيداء حتى متسويه هیه؟؟!!
گبل جاوبت ليش غيداء آني اسوي الچاي روح ضرغام للهول هسة اجيبه الك تريد اسويلك شي تاكله وياه؟
ضرغام : لا مااشتهي بس چاي
بيداء : من عيني.
الولد نجمعوا بالهول..
كلهم على حجاية وحدة انت ليش عاندت ماتنطيها وشنو هذا الاصرار؟؟! وثاني شي رعد خوش ولد خلي ننطيها...
وضاح : بعدين اني اخوكم الجبير شنو حرجتني گدامهم وحچيت بلسان الكل ؟؟
ضرغام : اعتقد اني هم اخوها وهاي الملحة والوضعية ما عاجبتني يجوز اكو شي..
وضاح : يول استحي شنو اكو شي تعرف اختك فقيرة �
وبس كاعدة بالبيت والولد خوش ولد.
ضرغام : ما انطيها يعني ماانطيها وعبالك يسووني مضحكة واريح گلوبهم ...على گبري اريح احد يستغفلني
المهم فاتت ايام.........
بيداء : اجت لمياء يمنا وگعدنا بالليل نسولف واجت شمس هم باتت يمنا وانجمعنا وبس سألتني لمياء هو ليش ضرغام عاند شنو سالفته بجيت
لمياء : لج شبيچ بس لا تحبيه؟؟!!!!
بيداء : نمت بحظنها وكمت ابجي
مدري شبيه شو #مهموووم ؟؟😔
هوسه ابالي #ماتصفه ...😔
ومدري شلون #راح_الحيل 😔
#انفخ_شمعه_ماتطفه
لمياء : سودة علية لچ شلون لعد ضامة بگلبچ كل هذا وگاعدة وياهم وانتي دتشوفيهم يرفضون ..
شمس گامت تبچي وياي وغيداء وحتى لمياء.
شمس : هو ضرغام صح صعب بس ولا اتخيلته هيچي قاسي.!!
لمياء : وانتي شنو سالفتچ ويه ضرغام ؟؟
شمس : ليش شكو؟؟!!
لمياء : عبالچ مامنتبهين ندري ترى.... بس عفتي الدنيا كلها يحظي الا ضرغام حبيتي!!؟
غيداء : مو هيه ثوله...هو احنا خواته وهيجي ويانا هي شراح يسوي بيها؟
شمس : شسويله لگلبي
لمياء : لعد ياثولة دحچي وياه بلكي يحن...
شمس : والله هسة راح اروح احچي وياه كافي هو منو ويرفض...
صعدت فوگ لغرفة ضرغام دگيت الباب گال فوت ..فتت
چان متمدد گعد لچ شجابچ بهذا الليل ؟؟؟!!!
ها متريدني اطلع؟؟ يلا باي .
ضرغام : تعالي شتريدين؟؟
شمس : جيت وگعدت بصفه على القريولة ولزمت ايده.... ضرغام حبيبي اطلب طلب منك....
ضرغام : لج شبيج تخبلتي !!
شمس : يعني متريد تسويلي الي اريده؟؟
ضرغام : احچي
شمس : اذا من ورى خشمك مااريد خلي اروح..
وگمت چان يجرني من ايدي وگعدني قوي صرت قريبة عليه گال احچي يولي لاتصيرين زعطوطة وصار وجهي بوجهه يعني تجاوبني گال اي.
كتله ضرغام تحبني؟؟؟؟
ضرغام : درت وجهي منها من گالت تحبني رجعت وجهي بيدها وكالت لاتتهزم مني تحبني؟؟
گتلها اموت عليج اعشقچ.... وهيه ايدي بيدها ماادري شلون حچيت بس مو اني الي حچيت گلبي اللي حچى
شمس : گبل گمزت واخيررررا ....وگمت اگمز.
ضرغام : گمزت عليها سديت حلگها... لچ خبلة اسكتي ما اريد احد يسمع وبعدين انسي هذا الحچي مااريد ينعاد ولاتتخيلين تسمعيه بعد مني شلون حچيته ماادري
شمس : لزمت ايده وگعدته وگعدت وباوعت بوجهه ولزمت وجهه وگتله ضرغومتي صدگ متگلي بعد احبچ؟؟ زين شلون اعيش؟
ضرغام : شمس گومي راح ابتلي بيچ والله
شمس : لزمت لحيته وگتله... وگلبك ينطيك بشموستك.
ضرغام : لچ بابا گومي
شمس : وخرت ايدي منه وانداريت ودنگت راسي انقهرت وگتله آني ضرغام؟؟!!!
ضرغام : شفتها صدگ انقهرت.. لزمت وجهها ودرتها عليه وگتلها ليش انقهرتي؟
شمس : تگلي بعد ماكلچ احبچ وآني ما صدگت تنطقها
ضرغام: انتي الوحيدة اللي فاتت گلبي وسكنت وترعرعت وانزرعت بيه مو بس احبچ اعشقچ.
شمس : ضرغام اني هم احبك هواية هواية .
ضرغام : ادري لعد شحدچ متحبيني....وبس تخلصين هاي السنة مال دراستچ حتى تجين هنا لغرفتي رسمي
شمس : هو گاعد انداريت وحطيت راسي على رجله
ضرغام : كومي لاتصيرين خبلة علني لايجي واحد من الولد.
شمس : گعدت....گتله ضرغام اريد طلب ثاني منك.
ضرغام : شنو گولي.
شمس : ليش معاند على زواج بيداء.
ضرغام : شنو هالسؤال!! ميعجبني ازوجها اله وخلص ...ليش انتي شتعرفين احچي
شمس : هاي شبيك شعرف ليش آني غريبه
وثاني شي لاتنسى من ديجون يطلبوها اني موجودة يعني مو حوله.
ضرغام : ها عبالي
شمس : ديلا ضرغام وافق حبيبي لخاطري
ضرغام : شمس حبي الچ لوحد وتصرفاتي ويا خواتي لوحد.
شمس : يعني تنطيها لو لا؟؟؟
يتبع................وحبايبي اني مو اتاخر بس حتى تشجيع ماكو مشاهدات فوك ال ٩٠٠ والمعلقين اربعة خمسة كلت يجوز ماعاجبتكم القصة .اني مااستهين بالاربعة او الخمسة الي يعلقون على راسي هسة اني اذا واحد ديعلقلي دكتب بارت عاد كلكم هم اريد تشجيع حتى استمر.لان القصة بيها احداث هواية وقصة حقيقية . وهم احبكم كلكم المعلقين والي يراقبون بصمت
اختكم نانو.
