#البارت14
شمس....المغرب رجع بابا والولد وكلنا كاعدين.بابا كال صار ثالث بيت ومدا يرهم وكال لعمتي ام وضاح احنا باجر رايحين وعلى كيفنا ندور عمتي كالتله وين تروحون بابا كال للفندق لان خومو نظل كل هاي المدة هنا هم كافي ....عاد تخبلوا كلهم يافندق صدك كذب وليش فندق شقصرنا احنا؟؟!!
بابا كال مو شغلة تقصير بس ميصير . عاد ضرغام ووضاح جان موجود والولد حلفوا والله ماتطلعون منا الا تلكا بيت الي يعجبك وتأثثه وترتبه يله تروح .عاد بابا وافق.
المهم بالليل كالعادة ضرغام كاعد لوحده بالمطبخ يكتب لو بس اعرف شيكتب وهو خريج.سويت نفسي ماادري بيه فتت عود دشرب مي ماسلمت انداريت كتله نعل بليسك فززتني .
ضرغام ...ليش شنو شفتي جني.
شمس ...ادري شتسوي كاعد هنا.
ضرغام ....زين انتي شعندج تفرفرين بهاي بجامتج بنص الليل
شمس ....اني عاندت ولبست بجامة قصيرة اريد اقهره.
كتله افتهمنا انتوا ماتروحون للحمام بليل مي هم متشربون .
ضرغام .....كمت توجهت عليها ولويت ايدها شمس شوفي اكلج من باجر تحترمين نفسج وتسترين روحج احسن الج ترى متعرفيني بعدج.ومااريد اتخارب وية خالي من وراج.
شمس....وجعني من لزم ايدي سحبت روحي وركضت وكفت بالباب كتله وانت شعليك ميخصك جان يجي ركض يريد يلزمني مالحك كبل انهزمت.للغرفة
ضرغام... بسيطة شمس اني اعلمج الا اندمج على صلافتج.اليوم تنهزمين وباجر...
صبح الصبح
...شمس....طلعت من الغرفة اباوع منا ومنا خاف يلكفني بس همزين ديتريكون فتت كلت صباح الخير كلهم ردوا صارت عيني عليه مارد عشتو .ومنزل راسه دياكل عبالك ماكو شي همزين نسى خلي اقكر شلون بعد احرك دمه.
هاجر....ورى جم يوم رحت داومت ونفسيتي تعبانة بعدها بس شسوي حطيت عيني بعين الله وسكتت بس رجعت مو نفسي هاجر البشوشة رجعت وحدة مكسور خاطرها وكلبها وشايلة هم شلون اشوفه .فتت سلمت على زملائي وزميلاتي.بس شفت واحد كبالي اول مرة اشوفه كاعد بمكان حسين ولد طويل ضخم وشعره وعيونه سود.ولد شكله كلش حلو .بس شكعده بمكان حسين .فتت كعدت وكلهم ضلوا يسئلون شو ماكو صارلج جم يوم خابرنا امج الحجية كالت مريضة فاليوم على استناد نجيج... المهم الحمد لله على سلامتج.وهذا الغريب الجديد جان كاعد يكتب كمل جان يندار عليه كال الحمد لله على سلامتج الظاهر جنتي مريضة .كتله الله يسلمك كال اني زميلكم الجديد قحطان.عاد الباقين كالوا مكان حسين .....حسيت انضربت على راسي كتلهم ليش حسين وين؟؟!! كالوا من اخر يوم انتي جنتي موجودة .قدم على نقل وراح لغير مدرسة ...
عفتني بخلگ ام الفاگده اثنين
شبان الخميس الجاي
زفتهم
وعفتني بخلگ يونس من
خذاه الحوت
ترجه الله وصاح
فزعتهم
من سمعت حسين انقل عرفت شنو معنى اخر كلمة كالهه الي . هيجي ماراح تفض وياج اني راح الكه الحل...
اثاري الحل طلع يريد يعوف حتى المكان الي اني بيه
هسة اني مو مصدومة بس لان احبه.
بس مصدومة اني لان ما سويتله بس الخير ليش هيجي اتجازى؟؟!
" وأذا تعرف بروحك ماتضل وياي .😯.
الحچي الـ بأول ايامك شجابرك گلته؟"
شمس....رحت للحمام اغسل ايدي من طلعت ماحسيت غير انجريت من ضرغام حصرني بين المغسلة والحايط وكال مواني الي تلعبين عليه لعبة الختيلان وبعدين الله واكبر على راسج شلابسة اخوتي كاعدين شنو هاي البجامة الخفيفة ولازكة عليج؟!!!
وهو لازمني من ركبتي حاله حال الي يريد يخنكني .خفت لان ديحجي بجدية كتله هذا هو بعد ابد ماالي علاقة بس اريد افلت من ايده هذا صدك مخبل...المهم عافني رجعت للغرفة بس احجي كلت بسيطة عوذة شلون اذاني عبالك اجوز منك
المهم عبر شهرين وواحنا يمهم وظلينا بالعناد اعانده وافلت الى ان حسيت نفسي تعلقت بيه وهو حسيته تعلق بس ذبحني ميبينلي....كلت الا اخلي ضرغام ابو خشم اليابس يعترف بحبه الي.
العصر وكت جيته وهو محذرنة منطلع برة بدون حجاب يعني بالكراج اني لبست تراكسود احمر وفتحت شعري وكفت برة جان يفتح الباب هو اول ما فتح الباب كلي هاي وين واكفة حسبي الله عليج.
شمس....هاي شبيك شكو بيها
ضرغام ...ليش تخليني اسبج شنو شكو بيها.لج امشي فوتي جوة لا احركج والله.
شمس....وليش تحركني بالله.
وركض وراية هم مالحك كالعادة بس صار نار.
فتت كعدت بصف ابوية وهو شوية وينجلط،
يأشر بيده اني الج بس بصورة جدية .
وية العشاء ....بابا كال جيبيلي غير هاي المخدة .فراش بيت عمتي فوك حاطيه .اني صعدت الدرج ضرغام نايم بالغرفة الجوة كدام الدرج اني عبالي نايم .صعدت بالغرفة الفوك وجان يصعد وراية ماانتبهت غير انجر شعري وحلكي انسد وكال اني شعليه بنت ال.......لج كتلج احركج وهو جار شعري بكل قوته ..كتله ضرغام اي والله شعري ديأذيني كافي الله عليك
ضرغام ......والله ادفنج هنا والله.
شمس.....انداريت على كيف لزمت خده منا ومنا كتله كلبك ينطيك تدفني كال اي بس ماحط عينه بعيني.
وهو لازم شعري قوي ...كتله ضرغام داتاذيني بشعري..رجعت كتله بس باوع عليه كال شكو .كتله كلبك ينطيك تدفن شموسة .جان يكوم يمتمت كال يعني شنو منو منو شموسة يعني ؟؟؟باوع بعيني جان يباوع .كتله هاي شموسة كبالك .جان ينزل ايده كال منين طلعتيلي انتي .لزمت خده كتله ضرغومي ....ليش ضجت لان شموسة طلعت بدربك؟ رفعت راسه بوجهي جان يكول لا ، بس ....كافي شمس احترمي نفسج وسمعي كلمتي.مدا اتحمل كلشي منج احد يشوفه كتله ليش؟؟ كال مااريد وخلص وما ا عترف ديريد يطلع ....كتله ضرغام...اندار كبل....كال هاااا...كتله احبك...ظل صافن جان يجي ركض عليه هم لزمني من شعري....لج اسمعي اني اني ....اني......كتله اي.....اني بعد هذا شعرج مااريد احد يشوفه افتهمتي...ديروح جريته...ضرغام ....تحبني.....شمس نزلي اللي رادوا منج.. كتله جاوب........تحبني؟؟ ظل صافن كال اني نازل.
ظليت صافنة هم مكدرت اخليه يعترف صح عيونه فضحته بس مانطقها.
ضرغام.....بس ردت انهزم مااريد اضعف واكلها انتي الوحيدة الي خليتيني اعرف عندي كلب يحب ويخاف على اللي يحبه انتي الوحيدة الي فاتت لكلبي بس لا اني ضرغام ماأعترف لأحد وألزم نقطة ضعف عليه بس
اني احبها......والاكثر من هذا هي طلعت تحبني .غصبن عليها تحبني مو بكيفها
يتبع..........
