البارت....
بعد ماابوية العالم كامت تحجيله اتفقنا نثبت لابوية العكس. اول شغلة اتفقنا وية اصدقائنا بعد ميجون علينا للبيت فترة الا احنا نكول الهم.
ثاني شي منطلع باب البيت
ابوية كام يكعد بالليل يراقب.
اتفقنا اني وتبارك نوقت الساعة ونكوم نتوضا ونصلي قيام الليل واحنا ندري ابوية ديراقبنا
نكمل صلاة ونرجع انام وبقينا على هذا الحال ابوية يراقبنا مدة اسبوعين
ابوية رجع على امي كال الها حسبي الله على هاي العالم الله ينتقم منهم سمعوني حجي على البيت وكالوا شباب يطفرون على البيت والبنات راقبتهن بدون ميدرون يخلصن الليل كله صلاة وتسبيح
امي..... لعد شعبالك اني ربيت احسن تربية بس انت متصدك
سميرة.... دنتريك ابوية صاح علينا باسنا وكال اي يابا هيج اريدجن تلتزمن بصلاتجن وترفعن راسي
تبارك..... لعد شلون يابا عبالك فد يوم نخلي احد يتشمت بيك
ضرغام.... لعد اني قررت قرار احنا لازم نطلع من هاي المنطقة راح ابيع البيت ونشتري بغير منطقة بيت ارتب وبلكي جوارين احسن من ذولة
امي.... شنو لاعيني مااطلع من بيتي وامي ضاجت.
ضرغام.... اني بعد مااكعد بهيج منطقة لو اموت ناس متخاف الله.
سميرة... اتفقوا امي وابوية على نشيل منا لغير منطقة بعيدة عن هاي
تبارك..... من فتنا للغرفة ههههه عبرت على ابوية نعل حظج شلون افكار عندج خليتي ابوية يصدك احنا نصلي الليل كله.
ضرغام.... بعت البيت وشفت بغير منطقة بيت حلو جبير واخذته من دنشيل حتى ماسلمت على جواريني
وهمه بقوا صافنين لان صارلنا عمر وياهم بس خلي يولون مادام يريدون يشووهون اسم بناتي وهنه طاهرات وشريفات وعلى نيتهن ومن اهل الله.
تبارك... لج سميرة هاي المنطقة احلى بلكي نتعرف على جدد
سميرة.... شنو صبري خلي فترة تفوت يلا خلي ابوية يشوفنا من جديد احسن بنات حتى شنو يطلع علينا حجي ميصدك.
من كعدنا بهاي المنطقة طبعا الاوضاع جانت مو هلكد لان بعد السقوط وطوائف وقتل على الهوية.
اكو جامع يمنا ابوية صار بيه هو الشيخ .
من المغرب ابوية يفوت للبيت. ويسد الباب
اكو جوارينا عائلة من جينا جابولنا غداء امي طلعت سلمت على امهم مرية جبيرة.
من طلعت امي جان تشوف ابن المرية الجبير تقريبا عمره ٤٥ سنة باوع على امي . فاتت امي للبيت كتلها منو؟؟؟
كالت جيرانا....
بس لو شايفين ابنهم عينه وسخة يباوع
ابوية فرحان بهاي المنطقة. ويروح ويرجع للجامع
فاتت فترة علينا شوية تعودنا على المنطقة. بس شو امي كامت تغسل الكراج يومية ومتقبل احنا نغسله سالفتها غريبة.
كعدت فد يوم الصبحية شفت امي واكفة بالكراج ورافعة شوية دشداشتها طالعة رجلها من جوة ولازمة الصوندة تغسل الكراج. باوعت شفت ابن جيرانا واكف بالزواية مال سطحهم عباله محد يشوفه واكف يباوع لامي عبالي امي متدري ورى شوية شفت امي تاشرله تكله روح... هو راح
اني سويت نفسي ماشفت ولاحجيت
وظلت امي على هذا الحال الاوضاع مال بغداد فد مرة صارت طائفية ويومية واحد مقتول. بس احنا شعلينا ماعدنا ولد يطلع
بس ولد يفوتون علينا 😉😉
اني عرفت واحد اسمه حسوني يشتغل بجهه من الجهات بدون ذكر اسمها
هذا لزك يومية يجي واني حبيته الصراحة وهو هم حبني بس مشكلته واحد طالع عن الطريق واخلاقه سز بس حبيته. يجي علية للبيت كل يومين.
فد يوم ديريد يطلع من يمي داشوفله الدرب ابوية خاف كاعد دافتح باب المطبخ الي على الكراج حتى يطلع حسوني. لكيتها مفتوحة خفت حيل..
سمعت صوت تبسبس صوت ناصي مشيت على كيفي وجان الكا امي ورى البيت وية ابن جيرانا بوضع مو حلو انصدمت ماخليتهم يشوفوني.. النوبة خفت على امي خاف ابوية يكعد لان حسوني بالغرفة وهذا ابن جيرانا بالترك وية امي شسوي بهذا الحجي جان اسمع ابوية كال ها يابا شو هنا ليش فاتحة باب المطبخ شعندج بهذا الليل حسيت كلبي وكف. ماعرف شسوي حسوني بالغرفة وامي برة
كال امج وين........ يتبع
