## البارت ١٧
ضرغام.... عبالج مثل كل مرة تفلتين حصرتها ولزمت ايدها اسمعي شمس هالمرة طلعتي هيج مرة لخ اكص رجلج من العرج واذا مرة ثانية عاندتيني بكلامج واسلوبج احركج تعرفين شنو..... احركج
شمس.... ليش زين لهالدرجة تحبني وتخاف احد يشوفني.
ضرغام....كبل وخرت ايدي منها هاي هاي هاي شدتحجين احبج شنو
شمس....اي تحبني لاتكابر
ضرغام...احترمي نفسج.
شمس...ليش شكلت؟ اني ماحجيت غلط لعد ليش هيج محروك دمك.
ضرغام...غير علمود
شمس .....علمود شنو
ضرغام .....غير علمود ...اي صدك لج انتي بنت خالي يعني عرضي ومااقبل عرضي احد يشوفه افتهمتي
شمس....خوش هسة شتريد مني.
ضرغام....تحترمين نفسج ولبسج غيريه وإلبسي لبس محتشم وهذا اخر كلام.
شمس ....هذا هو ان شاء الله.
بس اريد افلت من ايده ، بسيطة ضرغام الا اخليك تعترف بحبي هينة يلا هسة اروح اريد اشوف البنات وعمتي.
ضرغام ...يلا فوتي وعلى الله ط ينعاد الي اضوج منه.
شمس....رحت دا امشي وصلت لباب المطبخ دفوت صحت علية ضرغام جان يندار
ضرغام ....ها
شمس....نسيت اكلك شغلة
ضرغام ...شنو؟؟
شمس...احبك.
ضرغام ....كالت احبك وفاتت. انصدمت هاي يمكن خبلة لج بنت الكلب واني مو بس احبج اعشقج بس كلتها بكلبي مااريد احد يعرف اني عندي شوية كلب.
شمس...فتت على البنات وعمتي وبقينا نسولف وعرفت بلي صار لبيداء تخبلت ،المهم للمغرب واريد ارجع للبيت
عمتي كالت دظلي على العشاء
شمس ...لا عمه مااكدر عندي دراسة واروح اساعد امي بالعشاء.
طلعت دريد اروح جان ضرغام يصيح من غرفته اوكفي اني اوصلج كتله لا على شنو تسلم اني اروح شو احنا حايط على حايط لا إتعب نفسك.
ضرغام...لا اني اريد اروح للمحل بدربي اوصلج.
شمس...
طلعنا سوى سلمت على البنات وطلعت بالباب لزم ايدي قوي
ضرغام...لج اني شلون وياج
شمس...شسويت اخ ايدي على كيفك ضرغام.اخ
ضرغام....ومشجاخ واحد بصف اللاخ..ليش تعانديني كدام امي والبنات لا مااريدك توصلني احنا حايط على حايط ومدري شنو؟؟؟
شمس..ههههه خربت ضحك..هيجي يصير شكلي من احجي وهيجي ينكلب شكلي وبقيت اضحك.
ضرغام ...بت الكلب...نصي صوتج فضحتينا احنا بالشارع ، جان يفوتون اثنين شباب صح الدنيا ليل ما يبين شي قوي بس ارتبكت لا احد يشوفها
شمس...شاف الشباب الاثنين ماادري شصار بية جان ينطي ضهره الهم وفتح ايده حطها على خصره حتى يحجب عيونهم عني
ضرغام ...امشي ولي فوتي سريع
شمس...شبيك راحو الشبابً
ضرغام ....شنو تريدين تبقين بالشارع.
شمس ....لعد وين المحل مو كلت تريد تروح.
ضرغام ...معليج انتي فوتي.
شمس يلا باي......ضرغام
ضرغام....ها.
شمس ....هو شنو ال ها ماكو هاعيني..يابا ها شمس ...ها بت خالي؟ قابلة المهم مو تريد تروح للمحل جيبلي نستلة وياك.
ضرغام....خوش فوتي.... لو بس اعرف ذولة اخوتج الكو........شديحسون هسة وهمه كاعدين جوة وبتهم
شمس...ضرغام
ضرغام: بنتهم شمس برا ميدرون بيها وين ما وين!!
شمس: ضرغام
ضرغام: وبتهم وين رايحة شدتسوي ما تسوي!!
شمس: ضرغام.
ضرغام: ها شبيج ضرغام ضرغام
شمس.....تحبني؟
ضرغام....هاااا اكلج شنو ردتي نستلة وشنو؟
شمس.....تحبني ؟
ضرغام ......نستلة والمحل اكلج شلون انطيجياها
شمس ....ضرغومتي....جاوبني تحبني؟
ضرغام .....فوتي جوة راح اكفر بيج.اني رايح رايح .
شمس.....اني سألته إرتبك وكام يخربط بالحجي.
وجان يفوتني ويروح بوجهي ماباوع، حسيت بيه اذا يباوع بعيني راح يضعف ويجاوب وهو خشمه مايكصه السيف ومايريد اسم الله ينزل نفسة وكرامته ، الا اخليك تنزلها غصب عنك.
ضرغام .....هي دا تحجي وتقاطعني وتكلي تحبني شصار ببية بس اريد افلت اخاف اضعف واني مااريد اضعف.
رحت جبتلها نساتل وحلويات بس شلون انطيها الها مااريد احد يعرف اني مهتم بيها واجيب الها طلبات.... لكيت فكرة كلت خلي اكول امي دزت هذني.
دكيت الباب جان هي تطلع ....بدون متكول منو فتحت الباب وطلعت.....لج الله واكبر حتى بدون متكولين منو فتحتي الباب
شمس...مو ادري بيك انت بقيت انتظرك
ضرغام...وشمدريج اني يجوز صدفة صارت وواحد دك الباب ، بعد لا تسويها ..وهاج هاي الي ردتيه.
شمس....شكرا تعبتك وياية خو من البداية كول هاج عمري ذني النساتل وبدون هالرزايل يعني الا تحجي
ضرغام.....عود من اصير مثل اخوتج ذولة الطنطات احجي هيج، وامشي فوتي جوة
شمس .....يلا بيباي
ضرغام....سدت الباب واني ظليت واكف اسمعها تحجي وية روحها شسوي لكلبي جابني على واحد خبل
كبل دكيت الباب على كيف شو هاي بسرعة فتحتها.
شمس ....ها ضرغام بيك شي بعدني ماوصلت باب المطبخ.
ضرغام....منو خبل
شمس .....منو
ضرغام ....انتي كولي
شمس....اني خبلة ليش متدري
ضرغام....ها عبالي اي اني ادري بيج من زمان شنو الجديد
شمس....والله
ضرغام....يلا فوتي بابا اني هم صوجي كاعد احجي وية خبلة.
فتت للبيت سديت الباب توجهت لباب المطبخ جان ترفع راسها من الحايط صعدت على بلوكة حاطيها دائما من تحجي وية البنات جان تصيحني
شمس.....ضرغام
ضرغام...شو النوبة منا
شمس ....نسيت اكلك شي
ضرغام .....خير فضيها.
شمس....احبك
ضرغام....كالت احبك وراحت
هاي شلون وياها بالله راح تخبل ابويه ....
رعد....يمة شلون ....ما تروحين تخطبين بيداء مرة لخ؟؟؟؟
ام رعد....ترى مانسيت الموضوع وباجر هم راح اروحلهم
ثاني يوم هم رحت كلت لام وضاح نريد بيداء لرعد.
ام وضاح ....مو كتلج دادة الولد يكولون ماكو قسمة
ام رعد...واذا اكلج اني مااخذ لرعد غير بيداء .البنية فايتة بكلبي وخوش ابنية وبس هي احسها ترهم لرعد.
ام وضاج ....على عيني والله لو بيدي اكلج اخذيها بهدوم الي عليها....بس اخوتها.
ام رعد ....حاولي مرة لخ وياهم بلكي الله يهديهم.
ام وضاح الله كريم وباجر اردلج خبر
بيداء .....سمعت ام رعد دتحجي وية امي روحي طارت لان من ريحته بس حسيت بيها بالبيت ماادري شصار بيه واتمنى اروح ابوس عيونها لان تشوفه لرعد.
تدري استاحشت من دونك الروح !
يكحل عيـونها وضيها وضواها
يهَلبت منك شلونك صرت زين
واگلك فاهيه ايامي امدآها ..🌹
ام وضاح ....جمعت الولد وهم كلتلهم والمعارض الوحيد ضرغام كال شلزكوا مو كلنا ماننطي!!
عاد ثاني يوم رديت على ام رعد وكلتلها هم ميقبلون
رعد ....اويلي بالله شلون ويه ذولة والله لو اعرف ابوكها محد ياخذها غيري.
اگـدر بالنـهـار انـســاك ..!
بـس بالليـل تعـذرنــي✋
عايفني بمضيف #جروح .!!
ويـن التوجع #تمرني😔 ..؟!
فاتت فترة جمعت عمامي وخوالي وزلم كومه مشايه لبيت ام وضاح.
يتبع....واسفة على التاخير
