البارت.٤٩
سميرة... من شفت ابوية وراية جمدت شراح احجي
كتلها ها يابا بصوت عالي صحت حتى امي تسمعني
كتله امي بالحمام واني كمت داشرب مي امي صاحت علية كالت جيبلي الملابس على الحبل وطلعت داجيبلها لكيتهن ماكو
اثاري تبارك شايلتهن من الحبل افوت اودي هدوم لامي من الغرفة
بس اكلك يابا ترى باب السطح يمكن مفتوحة بس شوفها فدوة لان اخاف
ابوية كلي يلا سدي الباب راح اصعد اشوف باب السطح
بس اني داحجي بصوت عالي
بس راح ابوية كتلها لامي تعالي سريع فوتي للحمام بللي روحج طلعي صوت بالحمام
انداريت على ابن جيرانا الي جان وية امي كتله انتظر ورى البيت من تشوف صوت ماكو صنطة روح لبيتكم
امي راسا فاتت للحمام
سديت الباب اني وفتت نزل ابوية كتله يلا يابا تصبح على خير كال انطيتي هدوم لامج
كتله لا كالت اني اطلع اخذ.
وجان كبل فتت لغرفتي لكيت حسوني خاتل ورى باب الغرفة من سامع صوت ابوية كتله خلي ينام ابوية وعود اطلع بس اني بالي يم امي داشوف عبرت السالفة على ابوية صار الفجر كتله لحسوني يلا كوم اطلع نام ابوية الظاهر.
طلع حسوني واني وراه اباب المطبخ قبل لايطلع جان يبوسني وديطلع سمعت ابوية كال حسبي الله عليج
وقشمرتيني بالليل وانتي مفوته واحد وجان يجي على حسوني ديلزمه حسوني دفع ابوية بالكاع وانهزم
مالحك ابوية بيه.
كام ابوية وسحلني بالكاع وجرني وامي وخواتي يصيحن عوفها فوتني للغرفة كسرني وجاب مكينة وزين شعري صفر بعد ماكسرني وامي تصيح عليه
عبالك اسكت الك اذا اذيت بنتي.
اني طفيت كمت كلشي ماشوف كعدت لكيت امي والبنات فوك راسي وامي تبجي
كعدت شفت روحي كرعة بدون شعر متت قهر
حقدت على ابوية حقد بس الله يدري بيه
بهذاالحجي هم فات كال باعوا لكم والله والله هنا كبرها اسجنها بالغرفة واقغل باب الغرفة عليها وازنجلها بعد باب الغرفة متطلع للموت. كال شراح اكول للعالم شراح اكول لاهلي وين ادير وجهي
كال احجي لج شسوالج
كال انتي لازم تنذبحين يلا يبرد كلبي
اني ماهتميت للحبسة بس كلبي محروك على شعري
بقيت نايمة بالليل كلت لاختي بس جيبلي المراية
باوعت على روحي اني كرعة. وشكلي خزي ردت انتحر من القهر بس كلت لا والله الا ادفعك الثمن غالي لابوية وسمعته يكول تنذبحين الله كريم
امي يمي نايمة زعلانة من ابوية لان هيج سوة بيه
بس امي رفعت راسها عليه كالت عبالج اخليه يطخج مثل خواته الي موتهن كالت هذا غدار لازم ابد ماننام وحدة تنام وحدة تكعد كلنا اني وياج وخواتج لان ابد مايتامن بس انام احنا يفوت يموتج انتي نايمة.
كمت ابجي كتلها شعري يوم
امي تخبلت كالت يطلع شعرج يمة
بس خلي نحافظ على حياتج البنات خواتي هم تخبلن خافن علية
كالت امي بعد مال يعوفج مايعوفج
هسة كاعد يخطط شلون يقتلج اني اعرفه زين شلون خطط لخواته
فلازم احنا نتخلص منه
البنات كالوا زين شلون
امي كالت لازم نتخلص منه نشوف طريقة....
..... يتبع..... 👈👈👈👈👈👈
