البارت التاسع...
بيداء ..... ضرغام سافر وية جماعته للبصرة كال اسبوع وارجع...الله يعني اكدر اشوف حبيبي بدون ما اتخيل كل شوية ضرغام وراية .هو منا راح وعمار وحسن بالشغل ووضاح عنده شغل وامي يم لمياء لان حامل وكل جم يوم تروحلها لان مهددة بالاسقاط وتخاف عليها.غيداء عدها امتحانات داتقرأ.طلعوا منا قفلت الباب منا وكلت لغيداء اني صاعدة بس ديري بالج انتبهي كالت انتي هم انتبهي ..صعدت باوعت ماكو احد وكفت يم السياج كلت زين شلون راح يعرف اني موجوة تذكرت هذا الشباك مال غرفته كلت خلي اشمر حصوة بلكي يسمع شمرت اول وحدة وجان انزل راسي كبل كعدت انتظر ماكو احد ...رفعت راسي جان اشمر الخ ...وراسا كعدت ...وانتظر وهم ماكو جان اصعد اريد اشمر الثالثة بس رفعت راسي جان يكول بوجهي هيااااني ....شصار بية ردت اعيط لان فزيت...جان يضحك
رعد:::حبيبي مو قصدي اخوفج ..... مشتاقلج يا كلبي ...بيداء:: واني روحي طايرة عليك تدري
ضرغام سافر اسبوع
رعد:::: صدك يعني براحتي اشوفج
بيداء::: وظليت يومية اصعد واظل اسولف براحتي وياه.وتعلقت اكثر واكثر .
رعد::: ماكافي عاد شوكت تكوليلي تعال اخطب
بيداء ::: مابقى شي جان يدير وجها ضاج درت وجهه علية بيدي عمري عبالك اني دماطل بس لان اعرف اهلي والله مابقى شي يلا رعد لاتظل ضايج مني باوعت علية كتله لخاطري لاتضوج
رعد:::هي مو شغلة ضوجة بيداء هاي شغلة موت يابنت الناس اريد تصيرين يمي والله انشلع كلبي
بيداء :::راح اروح هسة خاف يجي احد .
رعد :::بس ماشبعت منج والله.ولا تشبع ياعافيتي ولا اشبع بس تقبلها احد يشوفني يموتوني والله
رعد::::والله الي يمد ايده عليج اكسرها .
بيداء::::احبك عشق واعشقك موت.
رعد :::لا تطولين عليه بغلاتي.
يبنت الناس ؟
شنهي وياج تاليتي ؟
يعافيتي .. وبعد بيتي ~
ينفس اليدخل بريتي "
دخييل الله شكثر ترفه ~
انه امنيتي "
احطج كون بالزفه ~
واسمع وادم يصيحون ~؟
( يفلان طفي الكلوب )؟؟
بخدهه مضويه هالغرفه "
كافي اكتب شعر للناس ؟
و المقصوده ما تقره "
كافي شجم علك شديت ؟
بأسمج غاد بالحضره "
ماحب كل خضار الكون ~
و احب عيونج الشكرة
بيداء ::::حسن وعمار ووضاح معزومين بعرس ابن عم ابوية بالناصرية خفت بس لايكولون امشوا ويانا وبالفعل وضاح كال حضروا روحكم نرروح للعرس بعد شوية اليوم الحنة وباجر العرس.
ام وضاح ::::لايمة مااكدر تعبانة وظغطي مرتفع وهاي اختك حامل ومهددة بالاسقاط وغيداء عدها امتحانات لازم تقراء والصدك اني مااعندي واهس.
عمار:::يمعودة وضرغام اذا عرف شيفضها بان انتوا لوحدكم
ام وضاح:::ومنو يكله انتوا لزموا لسانكم هو ميعرف وهو بعد اربعة ايام يلا يجي.
وضاح ديلا بس ديروا بالكم وقفلوا الباب وراح اوصي بيت ام رعد عليكم .
هاجر::::فتحت عيوني شفت امي وخواتي يبجن وخايفات عليه اتذكرت حجاية حسين
هاجر::::فتحت عيوني شفت امي وخواتي يبجن وخايفات عليه اتذكرت حجاية حسين باركولي اتزوجت...اشتعلت نار بصدري بجيت وبس صافنة هذا حلم لو حقيقة هو قبل لايروح بيومين جنت اني وياه وكال شوكت اجيبج لبيتي ....وهو محضر غيري لبيته
زين شنسى حبي ...لو تضحيتي بجزء من جسمي...واني بنية شابة بعدني راح اعيش بكلية وحدة وفوكاها لاامي ولا خواتي يدرن اني انطيته كليتي زين شلون نسى ...يعني اني اانطيته شي حتى يعيش ...عاش وية غيري..اريد اصيح واكول اللله واكبر وليش؟؟؟
اوووف يارب برد النار الي بكلبي.
لا تطلـع ولا تنبلـع
غصهَ بـوسط صدري •
خدران كلي من التعبِ
ميت ؟ عدل ؟ مدري.
حسين:::من شفت هاجر تخربطت عرفت بسبب زواجي باجر عكبة تنسى . وديناها للمستشفى واني بسرعة رجعت لان هاي مرتي حيل تغار علية .عبالي تصحى هاجر حتى اكلها اسف بس ماكعدت.
بيداء ..طلعوا الولد وراحوا للناصرية وهاي اول مرة تصير ماكو واحد منهم بالبيت ياربي شنو هاي الصدفة تعشينا ورى شوية امي كالت تعبانة اروح انام قفلت البوب ونامت
غيداء::: باوعت عليه هاي فرصتج 😉😉😉
بيداء:::بشنو؟؟؟
غيداء:::حتى تحجين وية رعد.💖💖
بيداء::::يمة مااكدر بالليل شيكول علية ياخذ نظرة مو حلوة😶😶😶
غيداء:::هاي شبيج منو ياخذ نظرة انتي شايفته شلون مخبل بيج وخطية ينتظر الدقيقة الي يحجي وياج بيها وعندج فرصة تحجين وتكولين ياخذ نظرة دكومي بابا
بيداء:::من سمعت حجيها شفته صدك هو حبيبي واني حبه غيداء اني صاعدة بس ديري بالج خاف امي تكعد بس هو شمدريه اني فوك.
غيداء :::روحي وخليها على الله.
بيداء:::صعدت ولان اول مرة اصعد بالسطح بليل خفت لان ظلمة.دمشي وجان واحد يجرني وويسد حلكي😱😱😱
يتبع......
