البارت.22 بيداء....اجى موعد الحنة اني يم بيت وضاح والبنات يمي رحنا للصالون ماتعبت بية بس حطتلي باروكة وسوتلي تسريحة بسيطة ومكيجتني وكالت ليش مزينة شعرج لو مريضة ردت غيداء.كالت لام الصالون لا هذا اخوية النذل هيجي سوى طبعا لاغيداء ولا لمياء يحجون وية ضرغام عاد ام الصالون تخبلت وانقهرت عليه حيل كالت والله لاطلعج تخبلين اليوم.عناد بيه عاد صدك اني باوعت على نفسي بالمراية تعجبت البنات تخبلن علية وهنه هم طلعن يخبلن وبيوم الحنة وضاح كال لضرغام لو تطلع من البيت لازم بالبيت مال ابوها نسوي الحنة والزفه.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ضرغام ...بعد شتريد استاذ وضاح اسوي علمود هاي الساقطة فوك الي سوته هيجي تسوولها شنه ورنة . وضاح...ضرغام اسمعني خلي البنية تروح لحال سبيلها احسن الك ترى لحد هسة محمل كلبي عليك البنية راح تروحله كرعة. ضرغام ..اي وطبها مرض راح اولي يم صاحبي ابات. رحت يم احمد صاحبي هو ماعنده خوات بس هو وامه وابوه واخوانه ستة وكلهم اصدقائي. رعد::: الله اليوم اشوف حبيبتي مااصدك صار وكت الحنة ابيتنا اني جماعتي وكرايبي سووا حنه الي ماصايرة كالوا يله كوم دتحني البنية نروح على بيتهم.فتت اني وامي والبنات كرايبنا وعماتي وخالاتي فتت للصالة وشفت نظر عيني كدامي كاعدة مثل الشمس تضوي بنصهم. بيداء ...فات رعد ماصدكت جكد فرحانة بس بداخلي اخاف من ضرغام لايسوي شي. رعد.....
رعد.....كعدت يمها عبالك اول مرة اشوفها بحياتي گلبي يدك على الالف.كعدت بصفها وهوسة وديركصون والغناء مشتغل كتلها شلون يابعد اهلي.ماممصدك اشوفنج.معقولة يجي باجر وبكيفي المسنج .واحط راسي على راسج ومن كصتج ابوسنج.واكول مبارك لروحي خلص تعبج وبطل اصرخ بنص الناس واكول للدنيا كلها عناد وكسرة خشم اخذت بيداء منج.لان ماتدرين يادنيا شنو معنى اسم بيداء .هيونج.واريد العافية لروحي لشوكت اني افهمنج. شلونج يالعافية.مشتاقلج بيداء....بكد اشتياقك الي مشتاقة الك اضعاف. رعد....مامصدك كاعد بصفج وانتي حلالي معقولة بس شفت هالوجه نسيت كل الي جرالي.
حبيبتي شطالعة اليوم تخبلين. بيداء....انحرجت عبالك اول مرة اشوف رعد عاد حنونا اني وياه وراحوا . نمت بالليل مرتاحة معقولة باجر كلشي يخلص على خير. رعد....كعدت الصبح لان اليوم الزفة واليوم حبيبتي اجيبها يمي .وبدينا من الصبح الى ان صار العصر وقت الزفة.اهلنا كلهم التموا.واهل بيداء اني بعدني بالبيت بعد ساعة يله اروح اخذ بيداء للزفة. حسين..... جبت مرتي لاهلي العصر لان حامل متكدر بشهرها.طلعت ذبيتها يم اهلي وطلعت بالباب انداريت على بيت رعد.جان تصير عيني بعين هاجر. هاجر....رعد يصير ابوة ابن عمة امي وعزمونا اني ووامي والبنات ددفوت لبيت رعد جان اشوف حسين واكف بالباب الي بصف بيت رعد انصلبت هذا شجابه هنا .عاد هو باوع علية باستغراب واني باوعت عليه وامي كالت فوتي يمة كتلها اي يمة فتت بس اني دايخة .فتت معقولة داتخيل سلمت عليهم بس بالي مشتت فرحوا بينا هواي .اني كاشخة ولابسة فستان وردي وحذاء اسود وصبغت شعري قبل العرس اني وخواتي.وتمكيجت مكياج يخبل وفتحت شعري اني شعري طويل.عاد امي كالت كومي وية خالتج ام رعد ساعدنها شوفوا خاف تريد شي.رحنا لخالة ام رعد كالت لا يمة كلشي ماعندي .شهالجمال هذا طالعات تخبلن يوم الجن ان شاء الله.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حبيبتي يعني صدك هسة احنا بمكان واحد ومحد بيناتنا ومحد يراقبنا. بيداء ..حيل خجلانة اني بالكوة رفعت راسي بوجه رعد ررعد.....بيداء كل القهر راح وكل حسراتنا راحت هسة انتي مرتي وملكي لا ضرغام ولا غيرة بيناتنا. بيداء.....من سمعت باسم ضرغام كام جسمي يرجف وراسا تذكرت راسي بس بسبب فرحتي نسيته كبل كمت ابجي بدون وعي رعد.....شبيج حبيبتي انسي كل الراح ادري بيح تذكرتي ذاك اليوم اذا تحبين رعد انسيه . شو زادت بالبجي وماتحجي . حبيبتي كافي هسة انتي يمي لخاطري كافي بس مداتسكت.شنو السالفة گلبي انشلع عليها لان دا تبجي بيداء.....رعد اكو شغلة متدري بيها.
رعد.....شنو؟؟؟؟ بيداء....وخرت الباروكة من راسي وكعدت ضميت وجههي وانهاريت بالبجي. رعد....ظليت صافن انصدمت هاي شنو؟؟؟ ليش هيج. بيداء....ماعندي شعر.اني كرعة!!!؟ ،عد....كعدت كبالها بالكاع رفعت راسها.اي وشنو يعني علمود هذا تبجين.يابعد الروح انتي لوكلشي يطلع بيج خلل اكول الخلل بعيني.مو بيج.لج انتي شاكة الگلب بحبج دكومي يابعد رعد ووگلبه لاتقهرين روحج وتنزلين دمعتج علمود شنو لا تنزليها الا اموت . شنو يعني شعر ماكو.اكلج بس لو كل واحد اكرع هيج يطلع حلو جان الدنيا كلها زينت شعرها بس اكلج من جنت احجي وياج هم جنتي تلبسين باروكة احلى شغلة حبيتها هو شعرج او الباروكة بيداء....رعد هذا شعري بس ضرغام بيوم المشكلة الصارت زين شعري .
رعد....هي هيجي كالت هو مو ضربني طلقات ماوجعني بكد الحجي الي دسمعه هسة.كبل تخيلت بيداء جوة ايده مولية وهو يزين شعرها.الله اكبر بدون مااحس بجيت. بيداء ...اني حجيت لرعد ظل صافن وباوعت على دموعه نزلت على لحيته.وخده. رعد داتبجي حبيبي . رعد....جريت بيداء عليه وحطيت راسها على صدري ومااعرف ليش دبجي .بيداء بيداء...عيونها رعد....انسي كلشي حبيبي اليوم نبدي بداية جديدة بعيدة عن ضرغام.والله اريد اقتله. بيداء....لا رعد اذا تحبني حب اخوتي انسى الموضوع وانسى الي سواه ضرغام الك. رعد....ليش علمودي اني بس الله واكبر على الولية مالتج جوة ايده اخ واني ابجي لج اني اذا روحي اذتج اعذبها. بيداء.... مسحت دموعه ودرت وجهه عليه وكتله لاتنزل هاي دموعك الا اني اموت. رعد...اش اش لاتحجين هيج .
بيداء...لعد انسى ولاتشيل بكلبك على ضرغام. رعد ...هذا هو المهم انتي يمي اني احجي هيج وية بيداء بس نار بصدري مشتعلة. حبيبي تخبلين يكلشي واذا على شعرج ان شاء الله يطلع من جديد. بيداء ......اي هسة هو كله طاك . رعد...يله حبيبي مبروك علينا وانسي كلشي.
ام وضاح....احس البيت فارغ علية لان...بيداء جانت هي البيت. ضرغام...بالليل رجعت كل شي منتهي. انداريت على بيت هذا عبالج تزوجتي بيداء تخلصين مني والله مااخليج ترتاحين والايام بينا.
يتبع.......وعذروني حبايب على التاخير والله ظروف صارتلي
