#البارت الثالث...بقلم نانو الشمري
كبروا الولد والبنات صاروا بالمدرسة كلهم ...اني عندي محل طالع من البيت وابيع بيه كلشي هو هذا باب رزقي
لان بس هاي الشغلة اشتغلها...
علياء👱الام...
فد يوم الصبح مخبوصة دسوي ريوك للجهال حتى يروحون للمدرسة بس سامي ماكعد شنو سالفته كلت خاف تعبان خلي يروحون الجهال واروح اشوفه...راحوا الجهال فتت للغرقة صحت ابو وضاح اكعد خلي نتريك اني وياك راحو الجهال بقيت وحدي ومااكدر اكل الا انت وياية اكعد سويتلك ريوك احجي وياه وبيدي اكعدة شو ماكو لو صوت لا نفس كلبي وجعني ظليت احجي اكعد لا تضوجني مو وكت شقى ...ماكو رحت ركض على جيرانا صحت عليهم بيت ابو سلام اجا ابو سلام ...كال يلة يلة سريع خلي نودية للمستشفى وديناه
فحصة الدكتور كال بابا هذا من الليل ميت ....هنا وجان احس الدنيا تفتر هاي شجاي تحجون ؟؟؟؟سامي مابيه شي بعدين رضيت بامر الواقع ظليت اصيح والطم سامي اني مااكدر عفتني لوحدي والحمل ثكيل ........
المهم مرت الايام واني صرت الاب والام لجهال ثمانية كبروا الجهال ومسئوليتهم كبرت والمحل كام ميكفي احتياجتهم وكلهم مدارس ...كلت لازم ادور على شغل وية المحل دورت مالكيت غير شغلة فراشة بمدرسة بس مااختاريت مدارس الجهال حتى لايستحون ..اختاريت مدرسة بعيدة عن منطقتنا والمحل نتناوب عليه بالبيع...المهم كبروا الولد والبنات ..
وضاح خريج لغات
ضرغام خريج شريعة
حسين خريج تربية
حسن وعمار ميحبون الدراسة بس اني بكواية عيني خليتهم يكملون السادس اعدادي بس كالوا هذا هو بعد منكمل....فحسن اشتغل تورنجي لان من صغير يروح يم خاله لان خاله تورنجي تعلم منه ..وعمار يحب النجارة اشتغل يم ابو حسان صديق المرحوم ابو وضاح.
البنات ..لمياء الجبيرة كملت ثالث اجتي قسمة عليها وانطيتها
بيداء الوسطانية ...صف ثالث متوسط وكعدت
غيداء الصغيرة ...هسة هي بثالث متوسط
الولد جانوا حيل قاسين مااعرف ليش عليه وعلى خواتهم . وخاصة ضرغام.
يتبع.
