البارت ٣٤
ليش تبچي....الناس اجو سألوني
جاوبتهم....هذا حظ اعيوني
گالو اضحك...
عوف دمعك...
حيل اضحك...
خل نسمعك...
توني اجيت اضحك..واجو بچوني؟؟
بيداء....طلعنا اني وسردار وسرو بنتي رحنا نجيب الكيكة لان بنيتي صار عمرها سنه ودنحجي اني وسردار كال ادري بيج ضايجة لان بس لوحدنا نحتفل ماكو احد ويانا بس شنسوي لازم يجي يوم وامي ترضى واني فكرت اخذ سرو عليها حتى تشوفها يجوز تحن
اني كتله حتى لو لوحدنا نحتفل المهم مانفوت عيد ميلاد واحد لسرو .
سردار ...اكلج بيداء هاج هاي الورقة اقريها
بيداء ....فتحت الورقة لكيتها سند بيت شنو هاي سردار
سردار ...حبيبتي سجلت اشتريت البيت وسجلته باسمج لان جان ايجار
بيداء....وشنو الفرق بيني وبينك ليش سجلته باسمي.
عبالك جان يعرف .
سردار.... حبيبي من اتزوجنا ماهديتج شي وهذا هدية الج بعيد ميلاد سرو .
بيداء....دنمشي بالسيارة اكو استداراه براس الشارع واكو نزله ناس حاطين بيها بلوك وسمنت ورمل من ديفتر بالاستدارة صيحت على كيفك سردار دير بالك دير بالك
وسمعته لسردار يصبح لزمي سرو زين لزميها بصوت عالي بعد ماحسيت بشي
كعدت على صوت حجي ناس وسيارة اسعاف وسيارة شرطة وناس كومه فتحت عيني شفت سردار راسه على البلوكه وينزل منه دم وكله دم.
يمة وين بنيتي اباوع لكيت راسه مطشر بالبلوكة
اريد اعيط مااكدر ولا اكدر اتحرك
يمة بنيتي اويلي ربي ماتحمل ان شاء الله حلم سردار اكعد مدااكدر اتحرك مكسرة سردار سرو راحت ودتنزف
ردولي ياناس اني وين حقيقة لو حلم
بس اسمع الناس تحجي وتكول على كيفك ايدها شيلها من رجلها ترى مكسرة كلها طلعوا ديشيلوني لان اني كل جسمي مكسر بس وجع كلبي على بنيتي كدام عيني ودتنزف وشالوها لفوها وجع كلبي عليها غطى على وجع جسمي وراها شالوا سردار لفوا وشالوا
وين موديهم وعايفيني اخذوني وياكم .سردار سرو يمة ردوا علية ربي راح اموت اريد بنيتي... فقدت ماحسيت غير اكو ناس فوك راسي بالمستشفى ممرضات ودكتورة بس سئلوني على عنوان انطيتهم عنوان بيت اهلي ورقم الارضي مال اهلي.
غيداء ...جنت يم اهلي خطار لان رجلي رايح لاهله عدهم كعدة وجان يندك التلفون رديت طلع واحد كال السلام عليكم خيتي
هذا بيت اهل بيداء...
جاوبته اي بس اني طلع كلبي من صدري كتله شكو شبيها اختي .
كال ماكو شي بس تعرضوا لحادث واخذنا الرقم من بيداء وهي بخير وانطانا عنوان المستشفى بكركوك
كال مستشفى صدام بالطوارئ.
كبل كمت اعيط والطم جتي امي وضرغام والكل كتلهم بيداء مسويه حادث وخابروني من المستشفى .
كبل اني كامت تلطم الولد كالولها بدال ماتلطمين خلي نلحك نشوفها
وصدك كلنا بدلنا ورحنا لكركوك
وفتنا وياريت مافتنا....
يتبع

اسفة على الاطالة احبكم
