البارت12 بقلم نانو الشمري
هاجر....كلت لامي اريد ارجع للبيت.. امي كالت يمة انتي بعدج تعبانة صيري زينة يلا اطلعج.. كتلها لا يمة بالبيت ارتاح ..
رجعت للبيت بس شرجعت احس الدنيا كلها مو بعيني واحس اني بحلم .بس حوبتي وحوبة هاي امي اللي تباوع عليه وحايرة شلون تشوفني زينة لو خواتي ما تروح .
كمت توضيت وفتت للغرفة وسديت الباب ولجأت لرب العالمين لان حسيت الحسرة اللي بكلبي راح تقتلني بمكاني.صليت ودعيت
امي سوت اكل كالت بعد امج لازم تاكلين لخاطري... انقهرت على امي فدست على روحي واكلت لان دشوف الخوف بعيونها, اكلت وبست ايدها وكتلها يمة لاتخافين عليه مابيه شي.
امي ....بس يمة كلبي ديوجعني عليج سولفي لامج وريحي كلبج بعد كلبي.
هاجر.... بس حجت أمي هيجي حطيت راسي على ايدها وكمت ابجي بحركة سنين واحس شي يريد يشك كلبي ويطلع بس ميطلع كلت الها يمة ضايجة والله.
امي...لو ضوجتج تروح بعافيتي اروحها بس مااشوف وحدة بيجن مهمومة.
هاجر ...اني الي مريحني ماخنت ثقة امي بيه صح حبيت بس الله يشهد اشرف من حبي لحسين ماكو ولا اكو اكبر منه ..عاد كلتلها مابيه شي ضغط الشغل وتعب
امي.. ارتاحي بنيتي و تمددي وبعدين اذا عندج شي اني اكثر وحدة تخفف عنج.
هاجر... امي باستني وطلعت ...حطيت راسي على المخدة ...يارب حركة بكلبي نار وتجويني مدا احس نايمة على دوشك نايمة على جمر
فشله بروحي تشبه فشلة العصفور
رجـع للعش لگه الغربان ساكنته
عفتني بحسرة أم ما عدها بس أوليد
مات وهيه چانت تحلم بزفـتـه
انه أمحشم عليك الشوگ واهل البيت
ردلي بداعت الـ بس انته سالفته
تالي الصبح كلت لازم اكو خلل لازم اكو شي يمكن هذا تمثيل مامعقولة!!؟
رحت للدوام متاخرة شوية لكيته كاعد
فتت سلمت ..
عاد كلهم كالوا الحمد لله على سلامتج. وكعدت هو بصفي الكرسي مالته كال الحمد لله على سلامتج خليتي بالنا.
كتله حسين فهمني اني بحلم لو علم ..شنو اللي ديصير راح اتخبل .
حسين ...هاجر شنو الي ديصير؟؟!!
هاجر ...قصة زواجك ماادري شنو...
حسين ...اي تزوجت
هاجر ....زين ليش هيجي سويت بيه اني مااذيتك بشي ولا زعجتك ولا قهرتك وحبيتك من كل كلبي .وضحيت بعمري علمودك ليش تغدر.
حسين ...اني ماغدرت
هاجر...غدرت والدليل ماحجيت ولا عزمت احد ولا كلت, انت قبل بيومين كتلي تعبان ومااجي لان تعرف انت تريد تغدر...وين حجينا اني وياك وعلاقتنا لايوم ولا يومين حسيتك شي عايد الي وانت هم حسستني ولك ماكفاك حبي ..انطيتك قطعة من جسمي وبداخلك . بوقت حتى اهلك مانطوك
حسين ...يعني راح تظلين تعيرين بيه اني ماجبرتج
حسين ...يعني راح تظلين تعيرين بيه اني ماجبرتج تنطيني كليتج ..اكلج هاي السالفة ماراح تخلص ويومية راح تتعيديها وتسممين علينا حياتي نهاية الموضوع شي ومارهم بيني وبينج ...بس اني راح احلها
هاجر....هو يحجي واني صافنة ودموعي مابطلت من البجي كمل كلامه وكال اني احلها وطلع.واني بقيت صافنة بمكاني .ورى شوية انتبهت على روحي خاف احد ينتبه جان امسح دموعي واشيل جنطتي واطلع ورجعت امشي بالشارع واحس جمرة بكلبي وروحي داتاكلني اكل اريد اصيح بصوت عالي .رجعت للبيت
بيه ونه
من اهدها ..تفزز الموتى شلع
بیه حسره
تگول جمره ..من الظلع حد الظلع
وبیه آآآخ لون تطلع
تگول چادر شاب منصوب بفرع
وبیه كلشي
وکلشي مابیه ابد غیر الوجع
فتت للبيت وصدمتي صارت اكبر لان ثبت عندي كلشي واحس هاي الدنيا الجبيرة صارت بكد زرف الابرة ضاقت عليه..امي شافتني..
امي... ها يمة رجعتي ليش وجهج تعبان شبيج؟؟
هاجر ...مابيه شي يمة.. وبالكوة جاوبتها لان مااريدها تنقهر هي هم سودة عليه تريد بس تريحني .كتلها يمة اعتقد فلاونزا آني وراح افوت انام وحتى دوام ماروح هاي الايام الا ارتاح يله.
امي.. فوتي بدلي اسويلج لكمة وراها نامي.
هاجر... لا يمة والله ماشتهي من ااكعد يله .
بيداء ...صبح الصبح رحت للمطبخ شفت امي تسوي ريوك لغيداء..كعدت اكلت وياهم دناكل جان يطبون الولد وضاح وحسن وعمار تريكنا وكعدوا يسولفون على العرس.
عاد الظهر قبل الغدا جان يفوت ضرغام ..اويلي
سلم وهم كعد سولف وين راح وشسوى.
يعني مااكدر اشوف حبيبي براحتي.
بهاي الفترة وضاح لكة بيت ليغاد من عدنا تقريبا بينا وبينه خمس بيوت رحنا غسلناه ورتبناه وحط بيه اثاث .والخميس زواج وضاح ....بالعرس اني بالسيارة وية خواتي واخوية عمار ...دنمشي بالزفة انداريت عيني بعين رعد صارت لان هو بسيارة بصفنا.راسا درت وجهي خفت لا الولد يشوفونا هو مادار وجهه ببسرعة بس بعدها دار وجهه. ..كملت الزفة على خير والعرس جان يخبل. طبعا تعبانين رجعنا بدلنا ونمنا.
عمار وحسن علاقتهم زينة ويانا اني وغيداء...
.الصبح كعدنا تعبانين فد مرة كعدنا ساعة ١٢وهاي اول مرة نسويها , فتت للمطبخ ركض اسوي ريوك .اندك الباب..دا اريد اطلع اكول منو طلع ضرغام كال اني طالع .. وين رايحة انتي كتله اريد اكول منو ما افتح الباب ..فكالي وهاي من شوكت تطلعين وتسمعين صوتج فوتي لا اكسرج.
فتت جوة (مغثة من الصبح)
ضرغام... فتحت الباب صار خالي بوجهي ..
(بيت خالي جانوا برة عايشين بالخارج خالي ومرت خالي وولد خمسة وبنية وحدة) من اني صغير شايفه ..بس عرفته جان يكول شنو متريدون خطار. كتله هاي شنو البيت بيتك وسلمت عليه كال انت ياهو منهم وضاح؟؟ مو؟؟ كتله لا اني ضرغام عاد سلمت على مرته والولد وعرفني باساميهم...وفاتت بنية جان يكول خالي هاي شموسة .هاي بنتي الوحيدة شمس .صارت بوجهي حلوة حيل .عاد خالي كلها هذا ابن عمتج ضرغام
جان تكول هلو ضرغام
ضرغام ..شو هاي تتنعوص وفوكاها مفرعة بدون شال عل راسها؟؟؟ كملت سلام للكل ...
#ثگـيـــــل 😏
وما ضحكت أبوجـةه نـاس #إأآخـفـاف 🙂
#ولا شامــر ضحكتـي بـدرب بـي #نســوان☺️
يتبع...
حبايب وين تعليقاتكم علقوا حتى اكمل القصة لان الباقي ااحلى بعد.
#نانو
