البارت الخامس.... بقلم نانو الشمري
يا فكة عيون الگلب..
يا ميزتي البيهه انغر..
بس انت ردتك من جنت..
مابين الاحلام افتر.. ❤💘💘
بيداء سمعت صوت ضرغام ديصعد للغرفة مالته ديحجي وية امي كلها كعديني عود صاعد انام .سمعته انشليت راسا أاشرت لرعد بيدي يعني اكعد وهو يهز براسه واستغرب مدري شلون فهم ونزل راسه مااشوف غير ضرغام وراية مد ايده على جتفي وكال شدتسوين فوك .كتله شبيك ضرغام حسين دزني على قميصه ودااجيبه جان يكول هو قميص جريه من الحبل ونزلي شكو واكفة كتله ماواكفة دا انزل كال يلا سريع وبسرعة نزلت .
رعد.. اني من اشرتلي بالبداية مفهمت بس بعدين عرفت تريدني اكعد بس ليش ماادري كلت خلي اكعد واشوف وجان اسمع صوت رجال وبعدين سمعت صوتها تحجي وياه وهو شلون يحاسبها كلت يعني هاي مو خرسه زين هاي بتهم؟ جنتهم؟؟؟ بس مبين عليها بتهم لان حليوة وناعمة مو مال وحدة متزوجة بس بعدين صفنت شنو المتزوجة مو حليوة وناعمة .بعدين كلت واني شعليه ونزلت من نزلت كعدت يم امي صح كلت شعليه بس مااعرف شنو بداخلي خليط مشاعر...فضول على حوصه ..على اعجاب على ماادري شنو مر شهرين واحنا على هاي الحالة لو اشوفها فوك لو بالكراج مالهم ومرة مرتين شفتها طلعت وية اهلها بهاي الشهرين تطورت علاقة امي بخاله ام وضاح.وبيوم امي مسوية دولمة كالت وين اخوك خلي يجي ياخذ ماعون لبيت ابو وضاح كتلها طالع كالتلي يمة دخذ الماعون وديه عيب همه دائما يدزون.كتلها جيبي اخذته كلت بلكي تطلع هي دكيت الباب .
بيداء ...صار شهرين ماادري شصار بيه احب اتبع اخبار رعد اتمنى اشوفه ..كاعدة بالمرجوحة واندكت الباب كمزت مااعرف ليش حسيت هو.
#مشتـاگـه روحــي عليــك .✋
. شــوگ اليصـومـون ☺
شگــد يشتهــون #المــاي.. 😢
بــس #مـايشـربـون.😔
طلعت ومافكرت يجي واحد من الولد امي جوة هي وغيداء فتحت الباب وصار بوجهي فز كلبي
هوه
الشوف لو،،،، #بالروح
چاااا
شفت #الحبيب
شضاملي، ، ، #بگلبه✋💔
رعد......طلعت بوجهي سلمت عليها شلونج شخبارج
جاوبتني وهاي اول مرة زينة الحمد لله انطيتها ماعون الدولمة وكتلها امي دزتها كالت عاشت ايدها .
بيداء ...
تذكرت الولد على جية كتله تسلم وعاشت ايدكم دسد الباب جان يلزمها كال اريد احجي وياج كتله شنو كتله دروح هسة الولد على جية وبعدين كال وعد كتله اي عاد راح.فوتت الدولمة واني طايرة من الفرح بس مااعرف ليش انطيتها لامي كلتلها هاي من بيت الجيران الي بصفنا همزين امي ماسئلت منو الي جابها
فتت للغرفة واحس شي بداخلي حلو.
المهم ...العصر جوي علينا بيت كرايبنا هواية والبيت هوسة وملتهين ودنسوي عشاء والبنات بنات بت خالت امي تقريبا خمسة وبيت عمة ابوية هم جوي وعدهم تقريبا اربع بنات وجناينهم اثنين هم كرايب جناينهم مو غريبات علاقة امي بكرايب ابوية قوية فدائما ينجمعون .وضحك وسوالف تونسنا دنضحك وجان ضرغام يصيحني رحت عليه كال ليش صوتج عالي بالضحك كتله مو اني البنات كال صوتج اعرفه من بين خمسين وحدة .نصي صوتج عفته جنت متونسه كدرني
ورى يومين يله راحو وامي وعدتهم نروحلهم .فتنا للبيت تذكرت الوعد وبنفس الوقت كلبي طااك علية فاني ووغيداء اتفقنا لان غيداء تدري بكلشي تراقبلي اصعد فوك بلكي اشوفه حتى اعرف شيريد بوكت الولد ماكو وامي نايمة صعدت اباوع ماكو ادور ماكو ماشفت الا هو رفع راسه من السياج الي لزك علينة جان يكول من انطيتيني وعد لحد هسة منتظر كتله شتريد خاف احد يجي كال احبج انصدمت بقيت صافنة واحس كلبي كام يرجف شجاوبه وشكله..
شرد اكلك
غير احبك باوع علية
بس احبك لا تضنها
مال هذا الوكت لا ثق مال ( اهلنة ) الاوليه
بقيت ساكتة ونزلت لان استحيت متخيلته يكولها بهاي السرعة .
حسين ....اني اخو بيداء الابن الثالث اني مدرس جديد
عندي طموح بالدراسة والتدريس بس ماعندي طموح بكلشي المهم حبتني وحدة وياية بالدوام اسمها (هاجر)انتبهت لتصرفاتها ولحركاتها بان تحبني وتتوددلي وهي خوش بنية وصارت علاقة بينا قوية دامت اكثر من سنة ونص طلعات وروحات وجيات جانت تعشقني للموت مرة تخربطت بالمدرسة ودوني للمستشفى دزو على اهلي كالوا بان لازم ينرادلة كلية لان كلياته تعبانة وجان امي رادت تتبرعلي مارهم اخوتي خافوا على ارواحهم وحالتنا مو ذيج القوية زينة بس مو كلش
فكلت هذا هو استسلم للقدر وخلص جان تندك الباب عليه مال الغرفة مال المستشفى جنت لوحدي اهلي راحو بس امي بقت وامي راحت تجيبلنا اكل جان يفوت الدكتور كال لكينالك متبرع بالكلية الك كتله دكتور منو همه اهلي ماانطوني غريب ينطي؟؟!! بهذا الحجي فاتت هاجر كالت اني انطيك كليتي كلتلها صدك كذب حبيبتي اخاف عليج كالت شكو بيها انت وحدة واني وحدة المهم تعيش كتلها وليش هيجي تسوين كالت اذا يصير عليك شي اموت عاد تبرعتلي هاجر بكليتها ورى فترة صرنا زينين وطلعنا من المستشفى وكلتلها تسلمين حبيبتي شلون اجازيج ماادري ...ورى فترة جوي علينا بيت بت عمة ابوية وجان اشوف بتهم الجبيرة (هبة)اهلها حيل مدلليها وهي ام الكل والي تتزوجه اهلها يشرطون علية يكعد وياهم .كلت لامي خطبيها الي كالت امي هاي شدتحجي شلون تكعد وياهم كتلها شكو بيها ورى فترة بس اخذها يصير خير رحت للدوام جان اشوف هاجر ضعفانة حيل ورى العملية سلمت كالت حبيبي تاخرت كتلها حبيبي صح مشتاقلج بس عندي شغل بالبيت عاد كتلها شلون صرتي مشتاقلج موت هي هم جتي بصفي وكالت حيل مشتاقتلك خومو جرحك يوجعك كلتلها لا حبيبي اني زين شوكت اجيبج ابيتي واديرين بالج عليه يااحلى.. حب هي هم كالت مو بس احبك اموت عليك .ثاني يوم امي حجت وية ام هبة وكالتلها نريد نخطب هبه لحسين.....يتبع
يالخذت عافيتي كلهاااا
عاد لو تاركلي نص........💔💘
الغصه مو بالزاد ابشرك ....
بالهوى كمت اني اغص.....😢😢😢😢
