#البارت 15
عــليك الله اشــتسولف ؟
ويّ روحك من أجي آببالك ..؟
رعد...اشتاقيتلج بيداء موت ماشفتيها طالت فد مرة
بيداء ....بيت خالي لكوا بيت.وراح يشيلون.
رعد...همزين انشلع كلبي من جوي لليوم.كل اسبوع يلا اشوفج.راح اموت والله.
بيداء ....اسم الله عليك حبيبي. يلا رعد لازم اروح خاف يشوفني احد.
رعد....هذا الي حصلته من احد.
بيداء....منو احد.
رعد......شمدريني غير انتي تكولين. يشوفني احد
بيداء...رعددد لاتستهزأ بية.
رعد.....عيونه لرعد لج اكو واحد يستهزا بروحه وانتي روحي.
بيداء.....دنسولف جان اسمع صوت عياط مال نسوان هاي شكو اهلي؟؟؟؟
رعد:::لا حبيبتي هذا من بيت ابو سلام العياط
بيداء ...ديلا اني رايحة بعدين نتشاوف.
رعد....اني هم نازل اشوف شكو.
بيداء....هاي شكو يمة.
ام وضاح...راح اروح لبيت ابو سلام وافهم ها ام سلام
ام سلام....داداة ام وضاح راح ابو سلام ابو كلب الطيب وكطع بيه
ام وضاح....شصار بحالي كمت الطم بدون مااحس كبل تذكرت ابو وضاح من مات وابو سلام عزيز علينا جار العمر هذا من تزوجت لهذا اليوم احنا جيران.وجان ظهر النا.الله يرحمه
فاتت الايام وعبر شهر هاي شداتحجين ام سلام
ام سلام ...اي والله دادة شعدنا بعد هنا اخوتي كالوا تعالي يمنا بالعمارة وابو سلام عنده بيت هناك ملك ونروح نكعد بيه اقلها اخوتي عينهم على الولد والبنات صح كبار ولدي ووالبنات بس هم ينراد عين عليهم واني هم يم اخوتي وخواتي
ام وضاح ....واني دادة راح تكطعين بيه.
ام سلام....شنو هذا الحجي عبالج اعوفج بين فترة وفترة اني يمج.
ام وضاح ...كمنا نبجي.اثنينا
ام سلام ...اليوم الولد راح يروحون يعرضون البيت للبيع.
ام وضاح شنو لا دادة خلي اخوية يشترية اقلها ميروح لاحد غريب واظل انقهر وثاني شي اخوية يمي
ام سلام ...هذا هو لعد.
ام وضاح....فاتت ايام وبيت اخوية اشتروا بيت ابو سلام وصاروا حايط على حايط وياية وصبغوا ورتبوا طلع يجنن بالعافية عليهم اقلها ماراح لغريب.
ضرغام.....من راحت شمس لليوم هي صح بيت بصفنا بس حسيت ضجت مااعرف ليش .بس على شنو اضوج.هاي شبيك ضرغام بينك وبين نفسك لاتضعف .
وضاح....رحت لبيت اهلي العصر حتى ابشر امي بان راح يجيني طفل
ام وضاح....الله واكبر احس كلبي نط من الفرحة صدك يمة يعني راح اشوفك ولدك الحمد لله
وضاح ...هايمة منو كلج ابنج ميخلف
ام وضاح ..لا يمة اسم الله عليك وعلى اسمك .بس فرحانة
غيداء ....رجعت من الدوام شفت براس شارعنا واحد شاب اسمر طويل وكشخة انداريت لكيته يباوعةعليه مشيت شنو السالفةشبيه هذا.المهم رجعت للبيت بس امي وبيداء ولمياء صارلها يومين عدنا تغدينا لان الولد كل واحد بشغله
بيداء ...غيداء اني صاعدة اشوف رعد شوية وانزل.
غيداء زين مادام الولد ماموجودين واني اراقبلج.
بيداء ....بس صعدت لكيت رعد شنو دتنتظرني شمدريك راح اجي.
يا فـرحـتــي مـن اشـوفــك
فـرحـة اعـمـى ..
طـگـلـه صــوره ومـن سـأل
گـالـولـه حـلــوة 😍😍
ها حبيبي شلونك مشتاقتلك هواية
رعد....هلا يابعد الهلا انتي مشتاقتلي اني ميت لشوفتج
بس تالي.
بيداء هذا هو شوكت تريد تجي تعالوا
رعد....الله واكبر صدك حلفي
بيداء ...اي والله هذا هو صارت بدون ملح حتى قبل لاتكولها كلتها اني .
رعد ....نزلت لامي وكلت الها اليوم تروحين لبيت ام وضاح تخطبيلي بيداء.
ام رعد ....اي واخيرا قررتوا
رعد....شنو شداتحجين يمة شنو قصدج.
ام رعد....يمة اني امك بشنو تحس وتتلوع اني احس قبلك وادري بكلشي وكلبك المن هوى والمن راد المهم معلينا العصر اروح لام وضاح.
رعد....اي يمة عفية انتي تعرفين تحجين وياهم.
العصر راحت امي وكالت لام وضاح نريد بيداء.
ام وضاح.....وين نلكا احسن من رعد بس اكول لاخوتها والله كريم.
بيداء ....باليل نجمعوا اخوتي وامي كالتلهم رعد تقدم لبيداء جان ينط ضرغام شنو يعني تقدملها
الام.....يعني يريد يتزوجها
ضرغام....والله على جثتي هذا الحجي وهو وين يعرفها
الام ...هاي شبيك احنا حايط على حايط وامه شايفتها
ضرغام ....لا هذا الحجي مو عليه من يوم العرس مال وضاح انداريت بالصدفة شفته مندار على الجهه الي بيداء بيها وهي هم بس شوية وانداروا.وضميتها بكلبي.
الام ...اي شكو بيها هذا عرس وكلها خبط فعادي .
ضرغام .....انسي يمة الموضوع بيداء متصير لرعد.
عادي اذا تكولين خوش ولد ونيته صافية ننطيه غيداء.هو مو يريد يتزوج من عدنا اي عادي خلي يجي يخطب غيداء .
بيداء...... دنسمع اني وغيداء الحجي كله وحدة باوعت على الخ غيداء كالت هذا شبيه تخبل
غيداء.....باوعت بعين بيداء دموعها تنزل عشرة عشرة وبدون صوت وعيونها مكسورة ومئيسة.انهاريت من شفتها هيج تمنيت اطلع لضرغام واكوله جكد نذل انت
كعدت بيداء بالكاع وظليت حايرة بقهره اختي وخوفي من ضرغام خاف يظل مصر.بان مينطي بيداء..
#عارضٰــونه
وطاح من عدهم #شــرف
#فرقونه
وصرنه كل واحد #طــرف
چنه شهگــهہُ !ِ
وصرنه حرگــهہُ !ِ
وههسه وين !
وقبل وين !
جنه نسهر بالمحبــــهہُ
ِوهسه نسهههر بالونين..💔………
❤
يتبع..........
