..
البارت الرابع..... بقلم نانو الشمري
#الدينا
مو دنية #عشگ ياابن الحلال
لا تخلينه #بمحبتك ننجبر
# ياولفي العشك فطره
بيداء...جنت دا أنظف البيت فمن كملت صعدت دا أشر الملابس واني دا أشر رفعت راسي جان اشوف ولد شاب بالسطح اللي بصفنا ديشتغل وديرتب بس ماعرف منو لان البيت اللي بصفنا فارغ ورا مامات صاحبه ابو علي وعافوا البيت وظل فارغ تقريبا سنتين ومن هاي الجهه جيران العمر بيت ابو سلام.المهم باوعت جان تصير عينه بعيني جان يرتبك واني ارتبكت كال السلام عليكم شصار بيه اني عمري مامسلم عليه احد ولا حاجيه ويه رجال ..راسا اجى ابالي ضرغام اذا يشوفني يذبحني ركض عفت الملابس ونزلت من نزلت تلكتني غيداء راجعة من الدوام كالتلي شبيج وجهج مخطوف؟! كلتلها ماكو شي.. كالت والله اكو شي زين , اني ادري ضرغام هو الي يوصل غيداء يوديها ويجيبها كلت خاف موجود, كالت احجي شبيج ضرغام راح ذبني وراح.... عاد فوتتها للغرفة وسولفتلها كالت عزة العزاج وشافج وشفتيه لج خاف يكول لضرغام!! كتلها لاتخوفيني .وفوكاها عفت الهدوم فوك جان غيداء بسرعة سوت الدرج صعدتين ركض لمت الهدوم من الحبل وحطتهن فوك الموجوات بالسلة ونزلتهن وقفلت باب السطح ونزلت كالت خلي نشرهن برة لو بالغرف حتى ميكولون صعدتوا بين منفتهم ...المهم جتي امي والولد وبيومها اختي لمياء جاية عدنا وجايبه ابنها علاوي حبيبي ودانتغدى والولد ديسولفون على الجيران الجديدين
وضاح ....اني الولد الكبير جان حلمي اصير طيار بس فشلت بالاختبار الاخير وحولت لغات وحبيت وحدة وياية بالجامعة وبس ارتب حالي نتزوج .
واني جاي للبيت شفت ناس دينزلون غراض ابيت عمو ابو علي سلمت على الشباب كلتلهم محتاجين شي لازم انتوا الجار الجديد جان ابنهم الجبير كال اي والله اشترينا البيت,, كتله شايفين الخير وهلا بيكم.. عرفت عن نفسي وكتله اني جيرانكم حايط على الحايط وشتحتاجون احنا موجودين.
رجعت للبيت الاهل كلهم ملمومين تغدينا كتلهم صدك ترى كعدوا ناس جديدين بصفنا باجر سوولهم غداء عيب.. امي كالت هلا بيهم ان شاء الله باجر اسويلهم.
صار ثاني يوم امي حضرت اشكال من الاكل وديته للجيران وتشكروني.. امي مامقصرة مسوية برياني وتشريب دجاج وزلاطة وحلاوة نشأ .رجعت للبيت كتلها والله اذا ماضامة من نفس الغداء انتحر.غيداء كالت لاتخاف خير من الله موجود امي اكلها يجنن مو طبيعي .عاد تغدينا وطلعنا العصر.
بيداء ...صار العصر دا أنظف بالمطبخ وجان تندك الباب ماكو احد من الولد طلعت فتحت الباب وصار بوجهي نفس الي شفته فوك السطح شايل بيده مواعينا وكال تسلمون وعاشت ايدكم على الغداء يجنن . كبل اخذت منه المواعين وسديت الباب بوجهه.
ابن الجيران..
اني اسمي رعد عمري ٢٥ سنة خريج اعدادية الابن الجبير لاهلي عندي بعد اربع اخوان واخت وحدة
رحت وديت المواعين للجيران وطلعتلي نفس البنية الي شفتها فوك السطح اخذت من عندي المواعين كتلها شكرا شو اخذتهن وسدت الباب بوجهي ظليت صافن هاي شبيها يمكن خرسة وتستحي.رجعت للبيت .
بيداء... فتت حطيت المواعين .جان يفوت ضرغام شفته من الشباك بسرعة سويت روحي دغسل هاي المواعين كلت خاف يشوفهن ويسئل ويكول منو جابهن لان هو طبيعته بكلشي حاط روحه.
ضرغام..اني الابن الاوسط لبيت ابو وضاح خريج شريعة ...اموت من شي اسمه بنية احسها بلوة.اربعة وعشرين ساعة اراقب بخواتي بلكي وحدة تزل اذبحها
فتت لكيت غيداء تتغسل مواعين بس البردة مال المطبخ مفتوحة تخبلت كتلها لبيداء نزلبها ليش رافعتها علمود شنو كالت والله مو اني هاي امي.. بهذا الحجي امي اجت جانت ابيت لمياء كالت شكو حجينالها كالت اني رفعت البردة حتى يفوت ضوء خومو بسجن احنا .. كتلها يوم لا تتسترين على البنات بشي امي كالت وهنه شمسويات غيداء جانت وية امي دتفوت تبدل صحتها كتلها شو رفعي راسج جان اطلع الكنينس من جيبي ومسحت وجهها كله شفتها احمر عبالي حاطة مكياج كتلها لعد ليش وجهج احمر امي كالتلي يمة اختك مريضة مصخنة كتلها عبالي
والله لتحط مكياج. الا اكبرها.
بيداء ..احنا مامسوين شي وويجيب ويتهم بينا .ثاني يوم حسين اخوية كال بيداء فدوة صعدي جيبي قميصي مشرور فوك مابية حيل اصعد كتله من عيني صعدت مديت ايدي على الحبل بس باوعت جان اشوف رعد ديشد حبال بسطحهم .بس مااعرف هاي المرة من شفته بقى يباوع علية واني اباوع عليه .شوية وسمعت صوت ضرغام... يتبع
