#البارت الثاني...بقلم نانو الشمري
صبح الصبح فقبل لا اطلع صليت ركعتين وتوكلت على الله.. رحنا للمستشفى واهلي كلهم موجودين ورحت اني وعلياء...الدكتور جان بعده ماجاي انتظرته ومن اجا بسرعة بسرعة فوتوني لصالة العمليات ورى ساعتين طلعت كاصين رجلي ...لكيت اهلي كلهم بس علياء ماكو...عيني تدور عليها امي فهمتني كالت لا تخاف مرتك بالغرفة الثانية تخربطت جيكوها طلعت حامل فمبروك يمة راح تصير أب 👪 ...بوكتها ماادري فرحت حيل ماادري انقهرت احساس مااعرف شنو بس هم حمدت الله وشكرته..
فاتت ايام وجتي ايام اجا موعد ولادة علياء بالليل ساعة وحدة حست بوجع وكامت وجان توكع بالكاع ..زين شلون ياربي اني برجل وحدة حتى مااكدر اشيلها طبعا اني امشي على عكازتين وظليت اكعد بيها وهي فاقدة ومتدري جان امشي بعكازتي لجيرانا ابو سلام كتله بس اريد ام سلام تجي لعلياء واريدك تودينا للمستشفى لان راح تولد ...كال تدلل خوية يله بسرعة... جتي ام سلام كوَّمَتها لعلياء وصعدناها للسيارة ورحنا للمستشفى بس الطريق كلة اني بالكوة لازم دمعتي لان لا حول ولا قوة لان حتى مرتي مااكدر اسويلها شي من توكع بمأزق او يصير عليها شي زين شلون بهذا الطفل ومسئوليته واني تك رجل بعدين صحيت على روحي واستغفرت كلت اكو رب عندي ...المهم جابت علياء ابني الجبير وسميناه وضاح...وعبرت ايام وصار عمر وضاح سنة اني صفنت على روحي حالي حال المشلول فكرت اسويلي رجل اصطناعية (طرف صناعي) والحمد لله سويتها وارتاحيت يعني احسن من قبل...فاتت السنين وصار عندي خمس ولد..وثلاث بنات..الولد ...وضاح...وضرغام...وحسن....وحسين ..وعمار
البنات...لمياء.... وغيداء ....وبيداء.
يتبع....
