#البارت 28
بيداء....اندكت الباب قوي كلبي انخمط كلبي سمعت ولد يصيح ام رعد لحكي رعد انقتل .....هنا حسيت الدنيا وكفت لان ادري برعد ميعوفني بدون مااحس طلعت ركض بالدشداشة للشارع واركض اشوف العالم تركض واني وياهم وصلت لكيت رعد غركان بدمه واندار علية شلت راسه حطيته على حظني كالي بيداء ليش هيج طلعتي بالدشداشة بس بالكوة حجى
صدك رعد راح تعوفني بهاي الدنيا المن تعوفني وتدري مااكدر اعيش
رعد .....بيداء ديري بالج على جهالنا وديري بالج على نفسج ولا تتركين البيت حتى لحد يسيطر عليج احبك اني وماحبيت بس انتي
بيداء.....رعد لا تعوفني المن تعوفني وابجي شفت رعد نزلت دمعته وكام يتشاهد وغمض عينه كمت اكمز واعيط ومااعرف شسوي اجى رجال كال مات النوبة كمت اصيح اكثر
بهذا الحجي شفت واحد جرني من ايدي قوي كال غضب الله على راسج طالعة بدون عباية وجرني قوي للبيت ورعد بالكاع انداريت شفته ضرغام الي جرني
ووصلني للبيت يضرب بيه على راسي فضحتينا بهذا الحجي. اني فاصلة لان راح الي جان يدافع عني.
المهم راح رعد وصارت الفاتحة والعالم ملتمة خلصت الفاتحة فرغ البيت.علية وخالتي ام رعد بس كاعدة وتون على رعد واني بغرفتي كاعدة مكابلة جهالي
وينك رعد مو كلت مااعوفج مو كلت مااخليج لاحد ليش عفتني وعفت جهالك. والمن عفتني بعدني مااتهنيت بيك .....تقريبا ورى شهرين ضرغام كال لامي هاي بيداء لازم تجي هنا رجلها ومات شكو باقية هناك عاد امي كالتله ميصير هي باقية يم عمتها ابيتها لان عدها جهال.
اجى للبيت علية سوالي مشكلة عاد عمتي ام رعد طلعت عليه كالتله مو بكيفك تاخذ بيداء بيداء بعدها صغيرة.
ورى اسبوع تقريبا عمتي كالت لازم نروح منا جان نشيل من يم اهلي ورحنا بغير منطقة بس شصار بيه لان عفت المكان الي عرفت بيه رعد قبل مانشيل من البيت صعدت للسطح باوعت على المكان الي بيه رعد جان يوكف ويحجي وياية اوووف ياربي وين اروح نار بكلبي مشتعلة مااعرف شسوي. وشلون اعوف المكان.الي عرفت رعد بيه .
جان نشيل لغير منطقة حتى اخلص من ضرغام.
بقينا تقريبا شهر جان تموت عمتي ام رعد .
التمت علية رعد راح وراها عمتي. عمتي شسوت سجلت البيت باسم جهالي.
لان اخوان رعد تزوجوا وطلعوا .
واخت رعد هم تزوجت وطلعت من البیت بقيت بس اني وجهالي.
ضرغام تخبل وشد وياية متبقى لوحدها بالبيت ويومية مسويلي مشكلة
غيداء ........من صارت سالفة رعد وبيداء الدنيا طلعت من عيني وشصاير بحالي .متاذية على بيداء كاموا اخوتي حسن وعمار يباتون يمها يومية واحد يبات .
كل هذا وضرغام ماعاجبه.
اني روحي دتلوب على احمد ماشايفته.صارلي اسبوعين
لان ضرغام اجتى بنية واني اداراي شمس لان عملية
شمس اجتني بنية مثل الكمر تخبل سميتها قمر
كلت اني شمس وهي قمر.
بس اني مامرتاحة وية ضرغام بزعني من حياتي لازم كلشي مااشوف ولا اطلع ولا اختلط حبسني وعصبي علية تعبت حيل موتني.المهم هو فرح بالطفلة.
